RINALATAN 17:24 - Tanou Moonsoi Timugon

²⁴ I Aki Kapuuno' noyo ondo' namingkal ra tana' ti am suang nano. Io niayuk Tuhan ru limbowon am tana'. Kaa' kalo niayuk mayan Io ra sambayangan ondo' binaal ru ulun.

RINALATAN 17:24 ပူးပေါင်းရင်းမြစ်များ

KASAUKAN 1:1

Paat ra talimpuun i paat ri Aki Kapuuno' napasauk ra limbowon am namingkal ra tana' ti.

KASAUKAN 14:19

Nambarakat io ri Abram, kono, “Gama' ru i Aki Kapuuno' Ondo' Masawat Kaga' no, ondo' napasauk ra limbowon am tana' ti mambarakat ri Abram!

KASAUKAN 14:22

Taam i Abram, “Magibot aku ra saang ru Tuhan i Aki Kapuuno' Ondo' Masawat Kaga' no, napasauk ra limbowon am tana' ti,

1 RAJA'-RAJA' 8:27

“Kaa' iou Aki Kapuuno', totopot Kou kia masaga' mayan ra tana' ti? Kabalu' ra titikop ru limbowon pana kalo sama' malangka' Rirun, atan poyo ra Baloi ondo' binaal kutu!

2 RAJA'-RAJA' 19:15

am pakiasi', “Iou Tuhan, i Aki Kapuuno' ru Israil, Okou ondo' nanturung giu' ra rasawat ru kirub; Okou rorondo' ayuk i Aki Kapuuno' mamarinta ra ngaangai' pamarintaan ra tana' ti. Okou nambaal ra limbowon am tana' ti.

2 TUNUNG RU BANSA' ISRAIL 2:6

Kaa' osoi kia ondo' totopot makabaal ra baloi ri Aki Kapuuno'? Titikop ru limbowon no pana kalo sama' gayo koson masauk ra intok ayanan Nano. Ginio ra baloi ondo' baalon kuno Riso koson ayuk ra intok koson monolob ra kaminyan ri Aki Kapuuno'.

2 TUNUNG RU BANSA' ISRAIL 6:18

“Kaa', iou Aki Kapuuno', topot kia masaga' Kou mayan giti ra tana' ti ra gino ngai' ru ulun? Sotopot no titikop ru limbowon pana kalo sama' malangka' Rirun, atan pinai boo ra Baloi ondo' binaal kutu!

MAZMUR 115:16

Suruga' iono longgom ru Tuhan ayuk, kaa' tana' ti pinataak No ra ulun.

MAZMUR 146:5

Pakaansuk noyo ulun ondo' inindangan ri Aki Kapuuno' ri Jakub no, am ondo' lumansan ra Tuhan, i Aki Kapuuno' nano;

MAZMUR 148:13

Ilo ngaangai' no musiti' mongompor ra inggalan ru Tuhan! Matulai poyo Io ka bokon no; maayo poyo kuasa' Nano kaa' ngaangai' soroi ra tana' ti am suruga'.

MAZMUR 24:1

Mazmur ri Daut. Tana' ti am ngaangai' suang no longgom ru Tuhan; pagun ti am ngaangai' minayan no Io ra longgom.

JISAYA 40:12

Osoi kia makapanuku' ra timug ru raat ondo' suukon ru palar nano, kapoam manuku' ra limbowon mamakai ra dangou? Osoi kia makapanuku' ra tana' mamakai ra sangkir, kapoam manimbang ra bagat ru gunung am bulur mamakai ra timbangan?

JISAYA 40:28

Kalo kia nakapandai kou? Kalo poyo kia nokorongog kou? Tuhan iono i Aki Kapuuno' ondo' mantilayun; Io no namangun ra titikop ru tana' ti. Kalo igondo' Io kaagui kapoam boboon. Kolondo' osoi-osoi pana makapandai ra pangkaraan Nano.

JISAYA 42:5

Tuhan i Aki Kapuuno' namangun am napabingkal ra limbowon; binangun No tana' am niayuk nansalinut naayag ra rasawat nano; Manaak io ra painawo ra ulun. Ragino i Aki Kapuuno' mindagu ra ulipon Nano,

JISAYA 45:18

Tuhan noyo namangun ra limbowon, Io noyo i Aki Kapuuno'! Io noyo namangun am nambaal ra tana' ti, am tana' ti masauk ra mokotog. Kalo polosoon no intok raginio masiluk, kaa' intok raginio ayanin. Io noyo minindagu, “Aku noyo Tuhan, am kolondo' bokon.

JISAYA 66:1

Mindagu Tuhan, “Limbowon no panturungan Kuno, am tana' papakirawan ra kalayam Kuno. Atan kia baloi ondo' maalap min kabaal Raki'? Atan kia intok ayanan moonsoi Raki'?

JIRIMIA 10:11

Ulun kau, musiti' kau mambala' risilo ra dewa-dewa ondo' kalo namangun ra limbowon am tana' ti pusoon. Dewa-dewa no liomon intor ra tana' ti.)

JIRIMIA 23:24

Kolondo' sangulun pana makapansibuni intor ra pagilangan Kuno, sabap ra soroi Aku ra ati-ati, giu' ra suruga' am giu' ra tana'.

JIRIMIA 32:17

“Iou Tuhan Raja', Okou no ondo' nambaal ra limbowon am tana' ti ra kuasa' am kaikangan Muno ondo' maayo. Kolondo' ondo' mapagon kaga' Rirun.

DANIL 4:35

Ulun ra tana' ti kolondo' arati' Riso; malaikat giu' ra suruga' am ulun ra tana' ti, ngaangai' ragana' ru kuasa' Nano. Kolondo' osoi pana makaanggal ra kasagaan Nano, kapoam mangkuot ra binaal Nano.

JAKARIA 12:1

Gitio noyo tanou intor ra Tuhan intor ra Israil. Tuhan ondo' namingkal ra limbowon, nambaal ra tana' ti, am nangani' ra kaayagan ra ulun mindagu,

MALIAKI 2:10

Sala' ka kia itakau ngaangai' mokoondo' ra ama' ondo' nogondo'? Sala' ka kia itakau ngaangai' binaal ri Aki Kapuuno' ondo' nogondo'? Kaa' kua ritakau kalo manugut ra bantu' rondo' am bokon? Kua kia pagasab takau ra nabantuan ondo' binaal ri Aki Kapuuno' ra kinamatuaan takau?

MATIUS 11:25

Paat ragili indagu i Jisus; “Ama', Tuhan ru limbowon am tana'! Paringkuanangan Ku Rirun sabap ra pinakito Mu ngaangai' raginio ra ulun kolondo' kapandayan, am pinasibuni Mu intor ra ulun mapintar am nakaigigila'.

MATIUS 5:34

Kaa' raino ti balain takamin: Pai' kau pagibot! Pai' kau pagibot ra limbowon no alapon min ra sasi', sabap ra limbowon no kurisi' turungan ri Aki Kapuuno',

LUKAS 10:21

Paat ragili niayuk naansukan i Jisus ra kinuasa' Io ru Ambiluo ri Aki Kapuuno', indagu Io, “Ama', Tuhan ru limbowon am tana'! Paringkuanangan Kuno Rirun sabap ra pinakito Mu noyo ra ulun kolondo' kapandayan ondo' pinasibuni Muno intor ra ulun mapintar. Ama', ginio noyo kasagaan Muno.

JUANIS 1:1

Paat ra talimpuun i, ra kalo poyo nabingkal tana' ti, mokoondo' noyo Ragu. Ragu no soroi ri Aki Kapuuno' am Io ti niayuk nogondo' ri Aki Kapuuno'.

RINALATAN 14:15

“Kua guat baalo' min gitio? Akai ti koson niayuk ramuyun, ulun ayuk toojo! Akai minongoi ragiti mampasaboi ra Tanou Moonsoi ramuyun koson mapainggalur ramuyun ra baal kolondo' onong ti am mapasaguli' ramuyun ri Aki Kapuuno' ondo' maayag. Io no ondo' niayuk nambaal ra limbowon, tana' ti, raat am ngaangai' suang nati.

RINALATAN 4:24

Kaining nilo ginio, pakiasi' ilo ra rondo' guang ri Aki Kapuuno', konilo, “Tuhan, Okou no nambaal ra limbowon, tana' am raat nabaya' ra suang nano.

RINALATAN 7:48

“Kaa' i Aki Kapuuno' Ondo' Masawat Kaga' kalo mayan ralalom baloi ondo' baalon ru ulun, sabap ra kon noyo ru Kitab ru Nabi,

ROMA 1:19

Mangukum i Aki Kapuuno' risilo sabap ra atan ondo' mapandayan ru ulun intor Riso, napandayan noyo risilo. I Aki Kapuuno' galama' ondo' nanulu' risilo.

SAGULION 10:14

Limbowon ondo' masawat kaga' pana Tuhan tatangan; tana' ti am ngaangai' ondo' soroi ra rasawat no niayuk Io tatangan.

IBRANI 1:2

Kaa' paat ra pupupus ti, posoboyon No bala' Nano ondo' pinabala' galing ra Anak Nano. Nansail ra Anak Nati noyo limbowon am tana' ti biningkal No am Anak Nano tatangan ra ngaangai' no.

IBRANI 3:4

Maaru' moonong baloi mokoondo' manambaloi, kaa' sotopot no i Aki Kapuuno' galama' ondo' mampasauk ra ngaangai' no.

PINAINTALANG 20:11

Kakito ku boo rondo' takhta ondo' maayo am mapulak am Io ondo' nanturung no. Limbowon am tana' maliom ra saang Nano, saboi kalo boo makito saguli'.