RINALATAN 17:2 - Tanou Moonsoi Timugon

² Koson ra kaindalaman no, ongoi i Paulus ra baloi sambayangan ra mangkuot am mangila' io intor ra Buuk Kitab. Saboi intalu ra moonong orou Sabat nambaal io raginio.

RINALATAN 17:2 ပူးပေါင်းရင်းမြစ်များ

JISAYA 1:18

Indagu Tuhan, “Ibok noyo salasayo' takau baal ragitio. Kabalu' pana mapaang kinalia' min sabap ru tula mino, baguin Takamin saboi akau masauk mapulak koson ra gapas. Kabalu' pana maagat am masuang tula min, akau totopot ampunon Ku.

MATIUS 26:24

Anak ru Ulun matoi koson ra tinulisan ra Buuk Kitab. Kaa' mumpara' boo lalaat ra ulun ondo' mampataak ra Anak ru Ulun! Mulu' bonsoi ru ulun no ra kalo inanak!”

LUKAS 4:16

Kopongo ragili, ongoi i Jisus ra Nasarit, intok nasukaran Nali. Paat ra orou Sabat, maya' ra kaindalaman Nano, mongoi Io ra baloi sambayangan. Bigor Io koson mambasa' ra Buuk Kitab,

JUANIS 18:20

Taam Io, “Nambala' Aku noyo toojo ra saang ru ulun masuang. Nangila' Aku ra baloi sambayangan am giu' ra Baloi Tuhan, ondo' masalok titimungan ru ulun ru Jaudi. Kalo nansibuni Aku ra Aku minindagu.

RINALATAN 13:14

Intor ra Pirga, tungguli' nilo poyo pangkiralanan nilai mongoi ra Antiokia ra libung ru Pisidia. Paat ra orou Sabat, minumpos ilo ra baloi sambayangan am nanturung ra giu'.

RINALATAN 13:5

Pakasaboi ra Salamis, nampasaboi ilo ra bala' ri Aki Kapuuno' ra baloi sambayangan. Nangindangan i Juanis Markus risilo.

RINALATAN 14:1

Giu' ra Ikonium pana nogondo' ayuk nasauk: Minongoi i Paulus am i Barnabas ra baloi sambayangan am sabap ra pambalaan nilo masuang ulun ru Jaudi am sala' ka Jaudi pana nangintopot ri Jisus.

RINALATAN 17:10

Rondom ra gili niayuk, ulun Kristian ra giu' i nanusub ri Paulus am i Silas mongoi ra Biria. Pakasuku' ra giu' i, ongoi ilo ra baloi sambayangan.

RINALATAN 17:17

Ginio boo ra, nakimansusunur i Paulus baal raginio giu' ra baloi sambayangan ra ulun ru Jaudi am ulun sala' ka Jaudi pana ondo' sumamba ri Aki Kapuuno'. Giu' ra pasar niayuk moonong orou nakimansunur io ra osoi ayuk mokoondo' ra giu' i.

RINALATAN 18:4

Moonong orou Sabat, minongoi i Paulus pangila' giu' ra baloi sambayangan koson mangkimait ra ulun ru Jaudi am niayuk ulun ru Junani mangintopot ri Jisus.

RINALATAN 19:8

Talu ngambulan buoi ri Paulus nampatanou ra ulun-ulun giu' ra baloi sambayangan am kalo malaa' io. Nakimansunur io risilo koson mampaintopot risilo intor ra Pamarintaan ri Aki Kapuuno'.

RINALATAN 24:25

Kaa' paat ri Paulus nanunggul ra ragu nali intor ra kataawan, kaaratan am niayuk intor ra ukum ra Orou Pupus, nalaa' i Piliks am indagu, “Moonsoi sumaguli' kou raino am amon ru makakaluagan aku poyo, piawon tokou saguli'.”

RINALATAN 28:23

Ginio ra aruo' nilo rondo' orou pangumaan am masuang ulun minatong ra inayanan ri Paulus. Intor ra iosusuab saboi mamai', nampaintutun toojo i Paulus risilo ra Pamarintaan ri Aki Kapuuno'. Mapirot i Paulus mampaintopot risilo ra ondo' tinulisan ralalom Ukum ri Musa am niayuk Kitab ru Nabi-Nabi bala' niayuk intor ri Jisus.

RINALATAN 8:35

Intor ra tinulisan ru nabi raginio pambala' i Pilipus ra Tanou Moonsoi ri Jisus.

RINALATAN 9:20

Minongoi io ra ngaangai' baloi sambayangan ra giu' i am timinalimpuun mampatanou ra i Jisus i noyo Anak ri Aki Kapuuno'.

1 KORINTUS 15:3

Tanou ra pinasaboi kutu ramuyun ti, iono ondo' naapu kuno galama' am ondo' maatang toojo ioginio: ra i Kristus minatoi sabap ra tula takau, koson tinulisan ra Buuk Kitab;

1 SAMUIL 12:7

Raino, pai' kapo ugar. Manguu' aku ramuyun ra saang ru Tuhan am mapakara' ramuyun ra ngaangai' ru binaal maayo ru Tuhan koson mamayag ramuyun am kinamatuaan mini.