RINALATAN 17:18 - Tanou Moonsoi Timugon

¹⁸ Mokoondo' mangingila' ra pangilaan ru Ipikuros am Stoikos nakimantaam riso, konilo, “Atan nua' raguon ru naupa' ti?” Kaa' bokon i poyo minindagu, “Mampatanou io po lair intor ra dewa ru ulun bansa' ru bokon.” Rinagu nilo ginio sabap ra nambala' i Paulus ra i Jisus ti naayag saguli' intor ra kapatayan.

RINALATAN 17:18 ပူးပေါင်းရင်းမြစ်များ

AMSAL 23:9

Pai' kinam pambilin ra ulun sasambungon; kalo maringkuanang ilo ra bilin mino.

AMSAL 26:12

Sasambungon pana ulun, sala' ka koson ra kinasambung ru ulun ondo' mangkara' ra io mapintar, sotopot no kalo.

MARKUS 9:14

Paat ri Jisus, i Pitrus, i Jakubus am i Juanis siminaguli' ra maamaya' Nano ra bokon, ilai' nilo masuang ulun liminimpu risilo. Kukula' ngaulun mangingila' ra Ukum ri Musa mantataam ra maamaya' Nano.

LUKAS 11:53

Pakaugar i Jisus intor ra giu' i, sigain ragu Nali ru mangingila' ra ukum ri Musa am ulun-ulun ru Parisi. Masuang pangkuatan nilai Riso,

RINALATAN 26:23

Mamamayag ondo' sinusub ri Aki Kapuuno' musiti' imboloon am Io no ulun kasaa' ondo' maayag saguli' intor ra kapatayan; maa' raginio mampabala' Io ra pamayagan ra ulun ru Jaudi am niayuk ulun intor ra ngaangai' bansa'. Pamayagan ti koson ra silau risilo.”

RINALATAN 4:2

Siminangit ilo ri Pitrus am i Juanis ra ilo nambala' ra ulun masuang ra i Jisus binayag saguli' intor ra kapatayan. Ginio mampainono' ra ulun matoi bayagon saguli'.

RINALATAN 5:42

Moonong orou, giu' ra Baloi Tuhan kapoam baloi ru ulun niayuk, kalo linanggaan nilo mangila' am mampabala' ra Tanou Moonsoi, ra i Jisus noyo Mamamayag ondo' sinusub ri Aki Kapuuno'.

RINALATAN 6:9

Kaa' mokoondo' niayuk kukula' ngaulun manggal riso. Ilo no intor ra baloi sambayangan ondo' sabiton ra ‘Pasisimpungan ru Ulun Pinalabus’. Ilo ti am ulun ru Jaudi intor ra Kirini am Aliksandria, am poyo intor ra Kilikia am niayuk Asia. Ilo ngaangai' ti nakimansangor ri Stipanus.

ROMA 1:22

Indos nilo mapintar ilo, kaa' sotopot no sasambungon ilo.

1 KORINTUS 3:18

Pai' sasangulun pana miruruung galama'. Amon ru mokoondo' intor ramuyun makapangkaraan ra mapintar io sumugut ra pagilangan ru ulun ru tana' ti, moonsoi ulun no mangkara' ra io sasambungon, am maa' raginio totopot io mapintar.

1 KORINTUS 4:10

Sabap ri Kristus, akai nasauk koson ayuk ra sasambungon, kaa' akau nasauk ra ulun Kristian ondo' mapintar. Akai malawo, kaa' akau maikang! Akai asabin, kaa' akau urumaton tupo.

KOLOSI 2:8

Ginio nga ra ilalai' min, maa' raginio kolondo' sangulun pana mamparuung ramuyun ra pangilaan ru ulun ondo' abau no ayuk am kolondo' onong, sabap ra mampakalayau ayuk ginio. Sala' ka i Jisus Kristus intor ru gitio, kaa' binaal ayuk ru ulun kapoam rondo' pangilaan ru kaulayan ayuk.