RINALATAN 17:17 - Tanou Moonsoi Timugon

¹⁷ Ginio boo ra, nakimansusunur i Paulus baal raginio giu' ra baloi sambayangan ra ulun ru Jaudi am ulun sala' ka Jaudi pana ondo' sumamba ri Aki Kapuuno'. Giu' ra pasar niayuk moonong orou nakimansunur io ra osoi ayuk mokoondo' ra giu' i.

RINALATAN 17:17 ပူးပေါင်းရင်းမြစ်များ

AMSAL 8:34

Pakaansuk noyo ulun ondo' mangkirongog raki', ondo' moonong orou manturung maginaa ra kulobon ru baloi kuno, am ondo' maginaa ra garabang ru baloi kuno.

JIRIMIA 6:11

Iou Tuhan, sangit Muno risilo niayuk malasu' ra ralalom ru inan kutu! Kalo noyo moorot ku.” Tuhan pana mindagu, “Paabuso' sangit Kuno ra lalaing-lalaing giu' ra ralan-ralan maayo am ra ulun mamulok ondo' tatanga' mantitimung. Mansawo rokopon, am ulun matutuo pana rokopon.

MARKUS 16:15

Indagu Io risilo, “Ugar kano ra titikop ru tana' ti, balai' min moonong ulun ra Tanou Moonsoi.

LUKAS 12:3

Atan ondo' raguon min ra intok molondom, maining ra intok matawang, am atan ondo' konoson min ra talingo ru ulun ra lamin naaput, pabalaan ra ulun masuang.”

RINALATAN 10:2

Io sangulun ondo' sumugut toojo ri Aki Kapuuno' am masalok ilo sambaloi sumamba ri Aki Kapuuno'. Masuang indangan nano ra ulun ru Jaudi ondo' musikin am niayuk masalok makiasi' io ri Aki Kapuuno'.

RINALATAN 13:16

Bigor boo i Paulus am nangani' risilo ra pulanu am indagu io; “Pabukat kau ngaangai', ondo' ulun ru Israil am niayuk bansa' ru bokon ondo' sumamba ri Aki Kapuuno', rongogo' min pambalaan kutu ragitio:

RINALATAN 13:43

Pakaingkual boo ngaangai' ulun intor ra baloi sambayangan i, masuang ulun siminunu' ri Paulus am i Barnabas, ilo ti am ulun ru Jaudi am niayuk ulun sala' ka Jaudi ondo' siminubol noyo ra ugama Jaudi. Pambilin ruo ngaulun rasul i risilo koson marayus malansan ra asi' ri Aki Kapuuno'.

RINALATAN 13:50

Kaa' ulun ru Jaudi nanusuk ra tingganai ru bandar raginio am poyo ruandu' kauligan ondo' nangintopot ri Aki Kapuuno' am sala' ka Jaudi. Pinasalula' nilo boo ra rondo' imbolo' ri Paulus am i Barnabas, saboi pinaugar ilo karuo intor ra libung nilai.

RINALATAN 8:2

Mokoondo' kukula' ngaulun ondo' sumugut toojo ri Aki Kapuuno' nompolobong ra baangkai ri Stipanus, am tangii' nilo boo io.

RINALATAN 9:20

Minongoi io ra ngaangai' baloi sambayangan ra giu' i am timinalimpuun mampatanou ra i Jisus i noyo Anak ri Aki Kapuuno'.

2 TIMOTIUS 3:2

Mokoondo' masuang ulun mangkara' ayuk boo ra kasingkatan nilo galama', maringkumaa' ra kalangkayaan, masumbung am lumimbau. Magasab ilo ra ulun, manggal ra matuo nilai, kolondo' paliso nilo ra paringkuanangan am kalo mangurumat ra ugama.

2 TIMOTIUS 3:5

Kabalu' ra ilain ra sumugut ilo niayuk ra kaulayan ru ugama, kaa' marara' ilo ra kuasa' ru Tuhan ralalom kaayagan nilai. Moonsoi ru minggalur kou ra ulun koson raginio.