RINALATAN 17:13 - Tanou Moonsoi Timugon

¹³ Mokoondo' ulun ru Jaudi giu' ra Tisalonika nakaining ra i Paulus nampasaboi ra bala' intor ri Aki Kapuuno' giu' ra Biria poyo. Ginio ra ongoi ilo ra Biria am panusuk ilo ra ulun ra giu' i kumuliangi-angi.

RINALATAN 17:13 ပူးပေါင်းရင်းမြစ်များ

1 RAJA'-RAJA' 21:25

Kolondo' osoi pana ondo' igondo' nambaal ra malaat ra pagilangan ru Tuhan nakasail intor ra Raja' Agab – ngaangai' ru kalaatan no binaal sabap ra nasusuk ru andu' nano i Ijibil.

AMSAL 15:18

Ulun mataki' sumangit mapalabui ra pansangaran, kaa' ulun ra mosorot guang maparatong ra pababansayan.

AMSAL 28:25

Paliso ra mangangkum maparatong ra kapaganan. Osoi sumingkayut ra Tuhan iono makakaansukan.

MATIUS 23:13

“Aibui boo ramuyun, mangingila' ra Ukum ri Musa am ulun-ulun ru Parisi! Maabau-abau kau kaga', akau galama' kalo masaga' masauk ra ulun ri Aki Kapuuno', am niayuk mongompong kau ra ulun bokon ondo' masaga' masauk ra ulun ri Aki Kapuuno'. [

LUKAS 12:51

Guang min rinatangan Kutu magibit ra pababansayan ra tana' ti kia? Balain takamin, sala' ka pababansayan, kaa' pantutulaan.

RINALATAN 14:2

Kaa' ulun ru Jaudi ondo' kalo nangintopot nanusuk poyo ra ulun sala' ka Jaudi saboi nasisang ilo ra ulun ondo' nangintopot ri Jisus.

RINALATAN 17:1

Tungguli' boo ri Paulus am i Silas pangkiralanan nilai nansail ra bandar Ampipolis am Apolonia suku' ra Tisalonika. Giu' i mokoondo' baloi sambayangan ru ulun Jaudi.

RINALATAN 17:10

Rondom ra gili niayuk, ulun Kristian ra giu' i nanusub ri Paulus am i Silas mongoi ra Biria. Pakasuku' ra giu' i, ongoi ilo ra baloi sambayangan.

RINALATAN 17:5

Kaa' maruol guang ru ulun-ulun ru Jaudi. Ginio ra panusub ilo kukula' ngaulun malaat ongoi ra ralan koson mampakasalula' ra pagagabuan giu' ra bandar i. Subolo' nilo boo baloi ri Jason, koson maguyum ri Paulus am i Silas sabap ra masaga' ilo magibit risilo ra saang ru ulun masuang.

RINALATAN 20:4

Ulun ondo' minaya' riso i am i Sopatir anak ri Pirus intor ra Biria, i Aristarkus am i Sikundus ulun Tisalonika, i Gayus ulun ru Dirbi, i Tikikus am i Tropimus intor ra Akaya am poyo i Timotius.

RINALATAN 21:27

Paat ra tulu' ngoorou maar maampus, kukula' ngaulun ru Jaudi intor ra pagun Asia minongoi ra Baloi Tuhan ti am nakito nilo i Paulus ra giu' i. Ginio ra susuko' nilo ulun masuang am rokopo' nilo i Paulus.

RINALATAN 6:12

Nanusuk ilo niayuk ra ulun masuang, tingganai ru ulun ru Jaudi am poyo mangingila' ra Ukum ri Musa, saboi ongoyon nilo rokopo' i Stipanus koson bisaraan giu' ra Majlis Ugama.

2 KORINTUS 11:26

Buoi ra pangkiralanan kutu, magail aku ayuk makakapaganan; masakaban am matakawan, inuupan aku ru ulun ru Jaudi am niayuk ulun sala' ka Jaudi. Makakapaganan aku ra bandar, liwar ru bandar am niayuk giu' ra raat, am poyo tinipagon aku ru ulun ondo' migiangku ra ilo Kristian.