RINALATAN 16:6 - Tanou Moonsoi Timugon

⁶ Tungguli' boo i Paulus am i Silas pangkiralanan nilai mansail ra pagun Prigia am Galatia sabap ra Ambiluo ri Aki Kapuuno' kalo nangiou risilo mampasaboi ra tanou ri Aki Kapuuno' giu' ra Asia.

RINALATAN 16:6 ပူးပေါင်းရင်းမြစ်များ

JISAYA 30:21

Amon lumisang kau ra pamiris kapoam kait, morongog min bolos Nano giu' ra talikuron mino mindagu, “Gitio noyo ralan ti, baya' kano ra ralan ragitio!”

LUKAS 1:2

Nanulis ilo maya' ra tinunung ramon i ru ulun ondo' nakakito galama' ra atan ondo' nasauk intor ra puun i am tauli nampatanou ra bala' i.

RINALATAN 10:19

Paat ri Pitrus lakat ayuk poyo maguyum ra arati' ru pagilangan ni, indagu Ambiluo ri Aki Kapuuno' riso, “Pitrus, mokoondo' talu ngaulun maguyum rirun.

RINALATAN 11:12

Indagu Ambiluo ri Aki Kapuuno' i raki' koson maya' risilo am kalo pana maimamang. Onom ngaulun ragitio minaya' raki' mongoi ra Kaisaria am ngaangai' akai minumpos ra baloi ri Konilius i.

RINALATAN 16:7

Paat ra ilo nakasuku' ra Misia, kuminam ilo mongoi ra Bitinia, kaa' Ambiluo ri Jisus ti noyo nanginga' risilo.

RINALATAN 18:23

Kopongo ra kukula' buoi io minayan ra Antiokia, ongoi io boo ra pamagunan Galatia am Prigia, koson mampaikang poyo ra pangintapatan ru ulun Kristian ra giu' i.

RINALATAN 19:10

Sabuoi ruo ngambilor io nambaal raginio am ngaangai' ulun ra pagun ru Asia, io no ulun ru Jaudi am niayuk ulun sala' ka Jaudi, nokorongog niayuk ra bala' intor ra Tuhan.

RINALATAN 20:16

Kalo masaga' i Paulus mapit ra Ipisus, maa' raginio kalo mamatir ra masa giu' ra pagun Asia. Masaga' io makasuku' ra Jirusalim ra mataki', ra io kalo poyo orou Pentekosta.

RINALATAN 20:28

Tumoojo kau am alungi' min niayuk ngaangai' ulun Kristian ondo' pinalansan ru Ambiluo ri Aki Kapuuno' no ramuyun. Alungi' min ilo toojo koson ra domba alungin toojo ru magagalung, sabap ra pinasauk ilo ri Aki Kapuuno' ra ulun Nano ralalom pinatayan ru Anak Nali galama'.

RINALATAN 20:4

Ulun ondo' minaya' riso i am i Sopatir anak ri Pirus intor ra Biria, i Aristarkus am i Sikundus ulun Tisalonika, i Gayus ulun ru Dirbi, i Tikikus am i Tropimus intor ra Akaya am poyo i Timotius.

RINALATAN 21:27

Paat ra tulu' ngoorou maar maampus, kukula' ngaulun ru Jaudi intor ra pagun Asia minongoi ra Baloi Tuhan ti am nakito nilo i Paulus ra giu' i. Ginio ra susuko' nilo ulun masuang am rokopo' nilo i Paulus.

RINALATAN 6:9

Kaa' mokoondo' niayuk kukula' ngaulun manggal riso. Ilo no intor ra baloi sambayangan ondo' sabiton ra ‘Pasisimpungan ru Ulun Pinalabus’. Ilo ti am ulun ru Jaudi intor ra Kirini am Aliksandria, am poyo intor ra Kilikia am niayuk Asia. Ilo ngaangai' ti nakimansangor ri Stipanus.

RINALATAN 8:29

Indagu Ambiluo ri Aki Kapuuno' no ri Pilipus, “Inggaari' sinakayan nano.”

ROMA 16:5

Bilin kaansayan ku niayuk ra pasimpungan ulun Kristian ondo' tumimung ra baloi nilono. Bilin kaansayan kuno ra rangan tagamin ku i Ipinitus, io ti ulun kasaa' ondo' nangintopot ri Kristus ra libung ru Asia.

1 KORINTUS 12:11

Ngaangai' no saukon ru rondo' ayuk, ioginio Ambiluo ri Aki Kapuuno'. Io no ondo' mangani' ra ulun ra kapandayan sigagama' sumugut ra kasagaan Nano galama'.

1 KORINTUS 16:1

Raino, intor ra ruit paindanganon min ra ulun ri Aki Kapuuno' giu' ra Judia. Bayaa' min ayuk atan ondo' nanusuban kuno ra pasimpungan ulun Kristian giu' ra pagun Galatia.

1 KORINTUS 16:19

Pasimpungan ulun Kristian intor ra pagun Asia ti mampasaboi ra ragu kaansayan nilo ramuyun. I Akwila am i Priskila am niayuk pasimpungan ulun Kristian ondo' tumimung ra baloi nilai pana, mampasaboi ra ragu kaansayan nilo ramuyun.

2 KORINTUS 1:8

Pabukat kau ngaangai', masaga' akai ra makaintutun kau ra kapaganan ondo' nailian mai giu' ra pagun Asia, najanjayan am maagat toojo, saboi kolondo' boo kalansanan mai maayag.

GALATIA 1:2

Aku am ngaangai' pabukat ra Kristian ragiti mampasaboi ra kaansayan mai ra pasimpungan ulun Kristian giu' ra Galatia.

GALATIA 3:1

Kua boo ramuyun, ulun ru Galatia, sasambungon kau nai! Osoi noyo namparuku' ramuyun? Kalo kia pinabala' ku ramuyun noyo toojo pinatayan ri Jisus Kristus ra salip!

2 TIMOTIUS 1:15

Nakaintutun kou noyo ra ngaangai' ulun ru pagun Asia nangiruan raki', am nakaaya' niayuk i Pigilus am i Irmoginis.

2 TIMOTIUS 4:10

sabap ra nanatang noyo i Dimas raki' sabap ra nampakaatang io ra kaayagan ru tana' ti. Minongoi io noyo ra bandar Tisalonika. I Kriskis pana minongoi noyo giu' ra libung Galatia am i Titus poyo minongoi giu' ra libung Dalmatia.

IBRANI 11:8

Sabap ra pangintapatan noyo, i Abragam giminagaya' ra susuban ri Aki Kapuuno' mongoi ra sampagunan ondo' binantu' Nano riso. Iniruanan no pagun nali galama' kabalu' pana kalo nakatutun io ra ati angayan nano.

1 PITRUS 1:1

Aku i Pitrus, sangulun rasul ri Jisus Kristus. Posoboyon ku gitio ra ulun Kristian ondo' nakapansusuai giu' ra libung ru Pontus, Galatia, Kapadokia, Asia am Bitinia!

PINAINTALANG 1:11

Kono, “Tulisi' noyo ondo' makito muno, am paatari' surat no ra tulu' pasimpungan ulun Kristian giu' ra bandar Ipisus, bandar Simirna, bandar Pirgamum, bandar Tiatira, bandar Sardis, bandar Piladilpia am bandar Laodikia.”

PINAINTALANG 1:4

Intor raki', i Juanis, posoboyon ra tulu' pasimpungan ulun Kristian giu' ra pagun ru Asia! Gama' ru aniin kau ra barakat am pabansayan ri Aki Kapuuno', ondo' soroi raino, galing i am pupus no pana. Am intor ra tulu' ambiluo ondo' soroi ra saang ru takhta Nano.