RINALATAN 16:34 - Tanou Moonsoi Timugon

³⁴ Io pana nagibit ri Paulus am i Silas ra baloi nali am paakano' no ilo. Ngaangai' ulun ru baloi i naansukan toojo, sabap ra raino nangintopot ilo ri Aki Kapuuno'.

RINALATAN 16:34 ပူးပေါင်းရင်းမြစ်များ

JISAYA 55:12

Tatangon min Babil ra guang maantak, am inataran paingkualo' ra maayag. Gunung am bulur maansukan am magilakup, tatanom giu' ra umo magilakup.

JISAYA 61:10

Jirusalim maansukan sabap ra baal ondo' binaal ru Tuhan. Baal ru Jirusalim koson ra sangulun uoton ondo' nalimpor ra kuliamos makaantak. Ginio niayuk ri Aki Kapuuno' mapapakai ra pamayagan am kamanangan ra Jirusalim.

LUKAS 15:32

Kaa' musiti' takau munsag am pakaansuk, sabap ra boborok muno koson ra minatoi kaa' naayag io po saguli'; timinanggau io, kaa' raino siminaguli'.’ ”

LUKAS 19:6

Pagindibok i Jakius timinuun am ibito' no i Jisus ra baloi nano nabaya' ra kaansukan.

LUKAS 5:29

Kopongo ragili pambaal i Liwi ra rondo' bunsag giu' ra baloi nano koson mangiantak ra ratangan ri Jisus. Masuang mampalulur ra cukai am ulun ra bokon poyo giminulung pangakan risilo.

RINALATAN 11:14

Mampasaboi io ra tanou ondo' makapamayag ramuyun sambaloi.’

RINALATAN 16:15

I Lidia am ilo sasambaloi pana riniu' boo. Kopongo ilo riniu', pangkimait boo i Lidia ramon, kono, “Amon ru mangintopot kau ra aku ti nangapu noyo ri Jisus, ongoi kano ayan ra baloi kuno.” Nangkikimait io ramon saboi akai pana giminagaya' ayuk.

RINALATAN 16:35

Io suabon, susubo' boo ru tingganai karajaan Roma pulis mongoi ra pangaputan i, koson mampalabus ri Paulus am i Silas.

RINALATAN 2:46

Ginio ra moonong orou tumimung ilo ra Baloi Tuhan, am mabaya' ra bansuk am guang minggana' masalok ilo magugulung mangakan giu' ra baloi nilai.

RINALATAN 8:39

Pakaasak ilo, ibito' i Pilipus ru Ambiluo ru Tuhan intor ra giu' i. Kalo boo nakito io ru pagawai i, am tungguli' nilo boo pangkiralanan nabaya' ra kaansukan.

ROMA 15:13

Gama' ru i Aki Kapuuno', puun ru kalansanan takau, mangani' ramuyun ra kaansukan am katasuan ru guang ralalom ru pangintapatan min Riso. Maa' raginio, ralalom ru kuasa' ru Ambiluo ri Aki Kapuuno', mikang poyo kalansanan mino Riso.

ROMA 5:11

Sala' ka ginio ayuk, kaa' maansukan takau poyo ri Aki Kapuuno' ralalom ri Jisus Kristus Tuhan takau, ondo' raino magibit ritakau mabubukat ri Aki Kapuuno'.

ROMA 5:2

Sabap ra pangintapatan takau ri Kristus, nagibit Io ritakau mimong ra barakat ri Aki Kapuuno' ondo' malimanan takau raino. Sabap raginio maansukan takau am malansan ra magapu takau ra katulayan ri Aki Kapuuno'.

GALATIA 5:22

Kaa' gitio noyo ampos amon ru ulun tingganayon ru Ambiluo ri Aki Kapuuno': montotogom ilo, maansukan, maayag ra rondo' guang ra rondo' am bokon, mataan guang, masaga' mangindangan, moonsoi guang, mampagagaya',

PILIPI 4:17

Sotopot no pai' ru mompogogot aku ra taak mino raginio, kaa' ondo' ayuk gogoton ku ioginio ampos ru kasingkatan mino.

PILIPI 4:4

Gama' ru masalok kau makaansuk sumimpung ra Tuhan. Sagulion ku poyo; pakaansuk kano!

PILIMON 1:7

Pilimon, pabukat ku ra Kristian, togom muno raginio noyo ondo' nampakaansuk toojo raki' am niayuk nampaikang ra guang kutu! Sabap ra nampakaansuk kou no ra guang ru ngaangai' ulun ri Aki Kapuuno'.

1 JUANIS 3:18

Pabukat kau ngaangai'! Togom mino sala' ka raragu ayuk. Itakau musiti' motogom intor ra guang mabanis, ondo' makito ru ulun ralalom baalon takau.