RINALATAN 16:31 - Tanou Moonsoi Timugon

³¹ Taam i Paulus am i Silas, “Pangintopot ayuk ra Tuhan Jisus am bayagon kou – akau ngaangai' sambaloi niayuk!”

RINALATAN 16:31 ပူးပေါင်းရင်းမြစ်များ

KASAUKAN 17:7

“Suguton Ku toojo bantu' Kuno rirun am papag muno, mansusugul am bantu' no mantilayun. Masauk Aku ri Aki Kapuuno' muno am i Aki Kapuuno' ru papag muno.

KASAUKAN 18:19

Pinili' Kuno io, maa' raginio ra masusub no anak-anak nano am papag nano gumagaya' Raki' am mambaal ra atan ondo' motopot am matanda'. Amon ru baalon nilo koson raginio, ngaangai' bantu' Kuno ri Abragam suguton Ku.”

JISAYA 45:22

“Akau ngaangai' namagun ru tana' ti, saguli' kano Raki' maa' raginio bayagon kau, sabap ra Aku ayuk i Aki Kapuuno', kolondo' bokon!

JIRIMIA 32:39

Aniin Ku ilo ra rondo' kuayan ru kaayagan: koson mangurumat Raki' ra sabubuoi no koson ra kaatangan nilo galama' am papag nilo.

ABAKUK 2:4

Gitio noyo tanou no: ‘Ulun ondo' nambaal ra kalaatan pusoon, kaa' ulun ondo' nambaal ra kasagaan ri Aki Kapuuno' maayag sabap ra gumagaya' ilo ri Aki Kapuuno'.’ ”

MARKUS 16:16

Osoi ayuk mangintopot am riwon, io no bayagon; kaa' osoi ayuk kalo mangintopot, io no ukumin.

JUANIS 1:12

Kaa' osoi ayuk mangapu Riso, ioginio mangintopot Riso, pasaukon No ilo ra anak ri Aki Kapuuno'.

JUANIS 20:31

Kaa' ngaangai' ti tinulisan noyo, maa' raginio mangintopot kau ri Jisus noyo Mamamayag ondo' sinusub ri Aki Kapuuno' i, ioginio Anak ri Aki Kapuuno'. Sabap ra pangintapatan mino Riso, mokoowot kau ra kaayagan motopot.

JUANIS 3:36

Maa' raginio osoi ayuk mangintopot ra Anak no mokoowot ra kaayagan motopot am mantilayun. Kaa' osoi ayuk kalo gumagaya' Riso no, kalo mokoowot ra kaayagan no, kaa' mantilayun i Aki Kapuuno' masisang riso.

JUANIS 6:40

Sabap ra gitio noyo kasagaan ri Ama': moonong ulun ondo' makaulig ra Anak Nano am mangintopot Riso, mokoowot ra kaayagan motopot am mantilayun am mampakaayag Aku risilo paat ra Orou Pupus.”

JUANIS 6:47

Balain takamin toojo: Osoi ayuk mangintopot, mokoowot io ra kaayagan motopot am mantilayun.

RINALATAN 15:11

Kalo noyo lair masauk gitio! Mangintopot am bayagon takau ralalom ra asi' ru Tuhan Jisus; mogondo' niayuk risilo.”

RINALATAN 16:15

I Lidia am ilo sasambaloi pana riniu' boo. Kopongo ilo riniu', pangkimait boo i Lidia ramon, kono, “Amon ru mangintopot kau ra aku ti nangapu noyo ri Jisus, ongoi kano ayan ra baloi kuno.” Nangkikimait io ramon saboi akai pana giminagaya' ayuk.

RINALATAN 16:32

Posoboyo' boo ri Paulus am i Silas bala' ru Tuhan ra tingganai i am ngaangai' ulun ru baloi nali.

RINALATAN 18:8

Kaa' tingganai ru baloi sambayangan, io no i Krispus am ilo sambaloi, nangintopot ri Jisus. Masuang niayuk ulun Korintus ra bokon nokorongog ra pinasaboi ri Paulus am nangintopot ilo ri Jisus am riniu' ilo.

RINALATAN 4:12

Ralalom inggalan ri Jisus ulun bayagon, sabap ra giti ra tana' ti kolondo' ulun ra bokon makaalap ra kuasa' intor ri Aki Kapuuno' koson mamayag ritakau.”

RINALATAN 8:36

Paat ra ilo nanunggul ra pangkiralanan nilai, pakasuku' ilo ra intok makatimug. Indagu pagawai no, “Ilai', giti makatimug. Atan poyo manginga' raki' ra aku riwon?” [

ROMA 11:16

Amon ru sampilang kasaa' intor ra rondo' ruti' pataakin ri Aki Kapuuno', arati' no ngaangai' ruti' binaal i Io tatangan. Amon ru bakat ru tataun pataakon ri Aki Kapuuno', arati' no raan no pana Io tatangan.

GALATIA 3:14

Kapatayan ri Kristus ti noyo ondo' mangkinibit ra barakat binantu' ri Aki Kapuuno' ri Abragam i, makataak niayuk ra ulun sala' ka Jaudi. Ra pangintapatan ti noyo itakau makaapu ra Ambiluo ri Aki Kapuuno' ondo' binantu' ri Aki Kapuuno' i.

GALATIA 3:22

Kaa' mokoondo' tinulisan ra Buuk Kitab ra ngaangai' ulun kinuasa' ru tula. Ginio ra ondo' bantu' ri Aki Kapuuno' no makataak boo ra ulun ondo' mangintopot ri Jisus Kristus.

GALATIA 3:26

Sabap ra mangintopot kau ri Kristus Jisus, nasauk kau ngaangai' ra anak ri Aki Kapuuno'.