RINALATAN 16:27 - Tanou Moonsoi Timugon

²⁷ Tingganai ru magalung ra pangaputan i pana sukal am nakakito ra kulobon ru pangaputan i naukab. Pangkaraan nali ra nagiru' noyo ngaangai' ulun inaput. Ginio ra alapo' no boo ilang nali koson mantuwo io kunu'.

RINALATAN 16:27 ပူးပေါင်းရင်းမြစ်များ

2 SAMUIL 17:23

Paat ri Agitopil nakapandai ra bilin nano kalo binaya', patampako' no palana ra kaladai nano am uli' ra bandar nano galama'. Kopongo nanalasai ra ngaangai' baalon nano, tair io galama'. Kopongo raginio linobong io ra kalabangan ru sasambaloi nano.

1 RAJA'-RAJA' 16:18

Paat ra Raja' Jimri nakakito ra bandar no kinala noyo, subol io ra ralalom ru kubu giu' ra tampilon ralalom ru istana. Kopongo raginio nonolob io ra istana no, am minatoi io ralalom ru nasalaban no.

MATIUS 27:5

Papatiro' ri Judas ruit no ra ralalom Baloi Tuhan am iruani' no ilo. Ugar io boo am ongoi sigot pantuwo.

RINALATAN 12:19

Nanusub raja' Irodis ra ulun maguyum ri Pitrus, kaa' kalio nauyum nilo. Panusub io boo koson imumuyin toojo saujor-saujor am papatayin boo. Iruani' boo ru raja' Irodis pagun Judia ti am minayan io ra Kaisaria ra kukula' buoi.

RINALATAN 16:28

Kaa' golok boo i Paulus ra mosongou, kono, “Pai' pantuwo! Akai ngaangai' lakat ayuk poyo ragiti!”

RINALATAN 16:36

Pambala' boo tingganai magalung ra pangaputan no ri Paulus ragu raginii, kono, “Tingganai ru karajaan nanusub noyo ra mampalabus ramuyun. Raino, uli' kano am toojo kau ayuk!”

TINGGANAI RU BANSA' 9:54

Mataki' i Abimilik nampiau ra ungkuyon mamulok ondo' nagibit ra kinandoi mangayou nano, am indagu, “Butuso' ilang muno am potoyo' aku. Kalo masaga' aku raguon ru ulun ra pinatoi aku ru sangulun ruandu'.” Nonobok ungkuyon mamulok no riso, am patoi i Abimilik.