RINALATAN 16:22 - Tanou Moonsoi Timugon

²² Ulun masuang pana minongoi pampalamba' ri Paulus am i Silas. Susubo' ru tingganai koson mamparilak ra bayang ru ruo ngaulun ti am palapasin nilo poyo.

RINALATAN 16:22 ပူးပေါင်းရင်းမြစ်များ

MATIUS 10:17

Ilalai' min, sabap ra mokoondo' ulun mamparakop am magibit ramuyun giu' ra makama, am loposon kau giu' ra baloi sambayangan nilo.

MATIUS 27:26

I Barabas boo pinalabus ri Pilatus, am panusub io ra saujor-saujor mampalapos ri Jisus am pataakin no risilo ra salipon.

LUKAS 12:11

Paat ra salasayon kau ra saang ru gabenor, kapoam giu' ra baloi sambayangan, pai' kau pagalabo ra ati kulaan akau tumaam kapoam atan paraguon mino.

RINALATAN 16:37

Kaa' indagu boo i Paulus ra tingganai ru pulis i, “Kolondo' pana sala mai, kaa' linapos akai ra saang ru ulun masuang, am pasubolo' akai boo ra pangaputan kabalu' pana akai ti warganegara Roma! Raino paugaron nilo ayuk akai ra kalo mapandayan ru ulun! Sala' ka koson raginio! Ilo galama' musiti' mongoi ra giti pampalabus ramon.”

RINALATAN 17:5

Kaa' maruol guang ru ulun-ulun ru Jaudi. Ginio ra panusub ilo kukula' ngaulun malaat ongoi ra ralan koson mampakasalula' ra pagagabuan giu' ra bandar i. Subolo' nilo boo baloi ri Jason, koson maguyum ri Paulus am i Silas sabap ra masaga' ilo magibit risilo ra saang ru ulun masuang.

RINALATAN 18:12

Paat ri Galio nasauk ra gabenor libung Akaya, nampapakat ulun ru Jaudi am namparakop ilo ri Paulus am ibito' io ra bisaraan.

RINALATAN 5:40

Piawo' nilo saguli' rasul-rasul no, am palapasi' boo am inggalari' ilo manabit ra inggalan ri Jisus. Kopongo ragili pinalabus ilo.

2 KORINTUS 6:5

lalambaan akai, aputon akai, uupin akai, pongondoyon akai boo ra maagat, maitilan am malukou akai.

1 TISALONIKA 2:2

Nakapandai kau ra kalo poyo nakaratong akai ramuyun ra Tisalonika, inimbolo' am inasaban akai giu' ra bandar Pilipi. Kaa' iou pana masuang ulun tumula' ramon ragili, inindangan akai ri Aki Kapuuno' ra makaatas akai mampasaboi ra Tanou Moonsoi ondo' intor Riso.

IBRANI 11:36

Mokoondo' poyo inasaban am linapos, am mokoondo' binangkil am inaput.

1 PITRUS 2:24

I Kristus galama' nansaan ra tula takau giu' ra salip. Ginio nai ra nakalabus takau intor ra kuasa' ru tula am maayag takau sumugut ra kasagaan ri Aki Kapuuno'. Pilat ri Kristus ti noyo ondo' namabas ramuyun.