RINALATAN 16:19 - Tanou Moonsoi Timugon

¹⁹ Pakatutun ayuk nangandayan ru ruandu' ti ra kolondo' boo panginduitan nilai, rokopo' nilo i Paulus am i Silas am ralaato' paumaa' ra tingganai ru bandar giu' ra intok pamisaraan.

RINALATAN 16:19 ပူးပေါင်းရင်းမြစ်များ

DANIL 6:12

Paat ra pantula'-pantula' ri Danil nakakito riso nakiasi' ri Aki Kapuuno',

MATIUS 24:9

“Akau pana rokopon boo am imboloon am potoyon. Ngaangai' ru ulun masisang ramuyun sabap ra akau maya' Raki'.

MARKUS 13:9

Ilalai' min, rokopon am ibiton kau ra intok pamisaraan. Lambaan kau giu' ra baloi sambayangan. Ongoyon kau paumaa' ra tingganai-tingganai am raja'-raja', sabap ra akau maamaya' Kuno, am koson raginio akau mampaintutun risilo ra Tanou Moonsoi intor Raki'.

RINALATAN 14:19

Mokoondo' kukula' ngaulun ru Jaudi minatong intor ra Antiokia giu' ra pagun Pisidia am poyo intor ra Ikonium. Ilo ti noyo nanusuk ra ulun masuang saboi minaya' ilo ayuk risilo. Ginio ra bobolo' nilo ra batu i Paulus am ralaato' io ra liwar ru bandar i sabap ra pangkaraan nilo i Paulus ti minatoi noyo.

RINALATAN 14:5

Ginio ra pupus ti ulun ru Jaudi am tingganai nilai nababaya' ra ulun sala' ka Jaudi pana naguguum mangimbolo' ruo ngaulun rasul no ra bobolon ilo ra batu.

RINALATAN 15:22

Kapatasan boo ru rasul-rasul am tingganai nabaya' ra ngaangai' ulun Kristian nampili' ra ruo ngaulun intor risilo poongoyon ra Antiokia mabaya' ri Paulus am i Barnabas. Ondo' pinili' nilai ti i Silas am i Judas, ondo' sabiton ri Barsabas; karuruo ti inurumat tojojo ru ulun Kristian giu' ra Jirusalim.

RINALATAN 15:26

ondo' tagamin mai. Ilo karuo ti masuang noyo kapaganan natuum nilo sabap ra i Jisus Kristus, Tuhan takau i.

RINALATAN 15:40

Kaa' i Paulus nagibit ri Silas. Minugar ilo malupus pasimpungan ulun Kristian nampataak risilo ri Aki Kapuuno' ondo' magalung toojo risilo.

RINALATAN 16:16

Igondo' ragili, paat ra akai minongoi ra intok pakiasian, pakatuum akai sangulun ulipon ruandu'. Mokoondo' io ra ambiluo ondo' mapandai magilong ra nasip ru sasangulun. Kandoi no raginio niayuk panginduitan maayo ra nangandayan nali.

RINALATAN 16:20

Paumaa' nilo i Paulus am i Silas ti ra tingganai ru parinta Roma am pambala', konilo, “Ilo ti ulun ru Jaudi am mongoi ilo pampajajou ra bandar ti.

RINALATAN 16:25

Olo'-olo' tanga' ru rondom, i Paulus am i Silas nakiasi' am narimbai mongompor ri Aki Kapuuno'. Ulun bokon ondo' inaput pana nangkirongog risilo.

RINALATAN 16:29

Pakitaak boo tingganai i ra lampung, pasimbul io ra ralalom ru pangaputan am nonontol io pakakubu ra saang ri Paulus am i Silas.

RINALATAN 17:6

Kaa' kalio natuum nilo i Paulus am Silas. Ginio ra ralaato' nilo boo i Jason ti am kukula' poyo ngaulun Kristian koson paumaan ra tingganai ru bandar i. Nompogolok ilo, “Nakimagabu' ngaangai' ulun ti ra ati ayuk angayan nilo! Raino minongoi ilo poyo ra bandar takau ti

RINALATAN 21:30

Kumuliangi-angi ngaangai' ulun giu' ra bandar no am pasisimbul ilo ra Baloi Tuhan. Rokopo' nilo i Paulus am ralaato' paingkualo' intor ra Baloi Tuhan am angabi' boo kulobon i ra mataki'.

RINALATAN 8:3

Kaa' i Saulus mangkinam mamuso risilo. Ginio ra mongoi io ra baloi nilai am ralaaton no ulun-ulun nangintopot am pasubolon no ilo ra lamin pangaputan.

RINALATAN 9:16

Aku galama' manulu' riso ra suang ru kapaganan ondo' mauma' no sabap ra Aku.”

2 KORINTUS 6:5

lalambaan akai, aputon akai, uupin akai, pongondoyon akai boo ra maagat, maitilan am malukou akai.

PILIPI 1:30

Raino, akau pana mabaya' niayuk raki' mampakito ra katapatan ru Tanou Moonsoi ti: Am kandoi ti nogondo' ra pangayawan ondo' nauma' kuno am nakito min noyo ragili am ondo' maining min ra lakat poyo.

1 TISALONIKA 2:2

Nakapandai kau ra kalo poyo nakaratong akai ramuyun ra Tisalonika, inimbolo' am inasaban akai giu' ra bandar Pilipi. Kaa' iou pana masuang ulun tumula' ramon ragili, inindangan akai ri Aki Kapuuno' ra makaatas akai mampasaboi ra Tanou Moonsoi ondo' intor Riso.

1 TIMOTIUS 6:10

Sabap ra maringkumaa' ra kalangkayaan ti noyo puun ru mansalinut kalaatan. Mokoondo' ulun naingkinibitan ru ginio saboi nakalayau intor ra pangintapatan takau am pupus no migimbolo' ilo ra mansalinut kapaganan.

JAKUBUS 2:6

Kaa' akau ti manauyu' boo ra ulun musikin. Sala' ka kia ulun langkaya' ti noyo ondo' mangimbolo' am mamparalaat ramuyun saboi giu' ra makama?