RINALATAN 16:17 - Tanou Moonsoi Timugon

¹⁷ Minaya' io ri Paulus am akai am nompogolok io, kono, “Ulun ragitilo noyo ulipon ri Aki Kapuuno' Ondo' Masawat Kaga'! Minatong ilo ragiti mambala' ramuyun ra ati kulaan akau bayagon ri Aki Kapuuno'!”

RINALATAN 16:17 ပူးပေါင်းရင်းမြစ်များ

MAZMUR 57:2

Pakaasi' no raki', iou Aki Kapuuno', pakaasi' no raki', sabap ra maguyum aku ra pamayagan intor Rirun. Nakaalap aku ra sindungan ra saau ru kawo Muno, saboi nakasail noyo bagiu'.

MAZMUR 78:35

Makara' nilo ra i Aki Kapuuno' no manindung risilo, ra Io Ondo' Maayo Kaga' Kuasa' no mamamayag risilo.

DANIL 3:26

Inggaari' boo ru Raja' Nibukadnijar kulobon ru rapuan no am indagu, “Sadrak! Misak! Abidnigo! Ulipon-ulipon ri Aki Kapuuno' Ondo' Masawat Kaga', ingkual no!” Ilo pana miningkual ra mataki'.

DANIL 3:28

Indagu boo raja', “Koompor noyo i Aki Kapuuno' ondo' sambaan ri Sadrak, Misak am i Abidnigo! Nanusub Io ra malaikat koson mamayag ra ulun ondo' mangandoi ayuk am mangintopot Riso. Minanggal ilo ra susuban kuno am baani matoi intor ra migulatur samba ra dewa ra bokon ondo' ak am i Aki Kapuuno' nilo.

DANIL 4:2

Rongogo' tanou kuti intor ra kaimuagan-kaimuagan ondo' pinabala' raki' ri Aki Kapuuno' Ondo' Masawat Kaga'!

DANIL 5:18

“I Aki Kapuuno' Ondo' Masawat Kaga' nampasauk ra ama' muno, Raja' Nibukadnijar ra raja' ondo' maayo, am niayuk nangani' riso ra urumat am katulayan.

DANIL 5:21

Pinagiru' io intor ra ulun manampagun, am utok nano nasauk koson ra utok ru bibiag. Minayan io simpung ra kaladai, nangakan ra sakot koson ra sapi', am nombolong ra tana' malimparang saboi inan nano naasa' ru bolobou. Pupus no nangiou io ra i Aki Kapuuno' Ondo' Masawat Kaga' mokoondo' ra kuasa' ra ngaangai' pamarintaan ru ulun, am mangani' Io ra pamarintaan no ra osoi ayuk kasagaan Nano.

DANIL 6:16

Ulun naguguum no pana siminaguli' boo am indagu ra raja', “Nakapandai kou ra sumugut ra undang-undang ru Midia am Pirsia, susuban ondo' iningkual ru raja' kalo boo kulawon.”

DANIL 6:20

Paat ra maar matawang, sukal raja' am agou-agou minongoi ra luang batu ru singa' no.

JUNUS 1:9

Taam i Junus, “Ulun aku ru Ibrani. Sumamba aku ra Tuhan, i Aki Kapuuno' giu' ra suruga', ondo' nambaal ra raat am lantur.”

MIKA 6:6

Atan nua' pataakon kuno ra Tuhan, i Aki Kapuuno' giu' ra suruga', paat ra aku matong sumamba Riso? Musiti' kia magibit aku ra anak ru sapi' ondo' moonsoi toojo am solobon io koson ra taak simbalui pataakon Riso?

MATIUS 22:16

Panusub ilo ra kukula' ngaulun maamaya' ru Parisi am ulun bala ri Irodis tumuum i Jisus. “Mangingila',” konilo, “Makapandai akai mabanis guang Muno. Mangila' Kou ra ulun ra kasagaan ri Aki Kapuuno' ondo' motopot. Okou niayuk kalo babaya' ra atan ayuk pangkaraan ru ulun am kalo mampili' ra osoi ayuk ulun.

MATIUS 8:29

Golok ilo, “Atan pamakuan Mu ramon, Oi Anak ri Aki Kapuuno'? Mangukum Kono kia ramon ra kalo poyo nasuku' orou inaru' no?”

MARKUS 1:24

Kono, “Atan kia kitaakon Muno ramon, O Jisus, ulun ru Nasarit? Masaga' Kou kia mamuso ramon? Nakapandai aku osoi Kou: Okou noyo ulun sinusub ondo' binantu' ri Aki Kapuuno'!”

MARKUS 12:14

Ratong ilo ri Jisus am indagu, “Mangingila', nakapandai akai ra Okou ti masalok mindagu ra motopot am kalo mangkara' ra atan ayuk pangkaraan ru ulun. Mangila' Kou ra kasagaan ri Aki Kapuuno' ondo' motopot ayuk, sabap ra Okou kalo mangkara' ra osoi ayuk ulun no. Kinami' akai balai', amon ru mambayar takau ra cukai ra Kaisar Roma, ginio makasala kia ra Ukum ri Musa, kapoam kalo?”

MARKUS 5:7

am golok io, “Atan raguon Mu raki' inda' Jisus, Anak ri Aki Kapuuno' Ondo' Masawat Kaga'? Ralalom inggalan ri Aki Kapuuno', pai' aku imboloo'!” (

LUKAS 1:77

Koson mambala' ra ngaangai' ulun Nano ra bayagon ilo paat ra ampunon tula nilono.

LUKAS 1:79

mangani' Io ra sinda ra ulun ondo' mayan ra kalandaman am malaa' ra kapatayan, am maningganai ritakau ra ralan sumuku' ra kaansayan.”

LUKAS 20:21

Indagu ilo boo ri Jisus, “Mangingila', nakatutun akai ra motopot ngaangai' raguon am pangilaan Muno. Nakatutun akai niayuk ra kalo mampili' Kou ra ulun, kaa' mangila' Kou ayuk ra atan ondo' motopot intor ra kasagaan ri Aki Kapuuno' ra ulun.

LUKAS 4:34

“Anii Jisus, ulun ru Nasarit, atan kia kitaakon Muno ramon? Mongoi Kou kia pamuso ramon? Makaulig aku Rirun, Okou no Matulai ondo' sinusub ri Aki Kapuuno'!”

LUKAS 4:41

Riwato-riwato pana miningkual intor ra inan ru masuang ulun liliwa' ilo giminolok, “Anak Kou ri Aki Kapuuno'!” Kaa' sawayo' ilo ri Jisus am kalo paindaguon No ilo sabap ra nakapandai ilo ra Io no Mamamayag ondo' sinusub ri Aki Kapuuno'.

LUKAS 8:28

Pakakito io ri Jisus golok io, am igulatur io ra saang Nano am indagu ra mosongou, “Jisus, Anak ri Aki Kapuuno' Ondo' Masawat Kaga'! Atan kitaakon Muno raki'? Pai' aku imboloo'!”

JUANIS 14:6

Taam i Jisus riso, “Aku noyo ralan, katapatan am kaayagan. Kolondo' sangulun pana mokoongoi ri Ama', amon ru kalo mansail io Raki'.

RINALATAN 18:26

Makakau' io toojo mangila' ra baloi sambayangan. Paat i Prisila am i Akwila nakaining ra pangilaan nali, ibito' nilo io ra baloi nilai am pambala' riso ra motopot toojo intor ra pamayagan ri Aki Kapuuno' ralalom inggalan ri Jisus.

RINALATAN 19:13

Mokoondo' poyo kukula' ngaulun ru Jaudi ondo' mangkiralan ra ati ayuk intok koson mampagiru' ra riwato intor ra ulun sinubol. Ilo pana nangkinam mampagiru' ra riwato ralalom inggalan ri Jisus, konilo ra riwato, “Ralalom inggalan ri Jisus ondo' pabalaan ri Paulus no, pagiruon tokou!”

1 PITRUS 2:16

Kaayag kano koson ra ulun ondo' kalo boo uliponon ru tula, kaa' pai' polosoo' pampalabusan min ti mapasibuni ra tula min, kaa' pakapaliso kano koson ra ulipon ri Aki Kapuuno'.

2 PITRUS 2:2

Kabalu' pana koson raginio, masuang ulun tumilu ra kinibit ru guang malaat nilai. Binaal nilai ti noyo mangkinibit ra masuang boo ulun magasab ra Ralan Katapatan.