RINALATAN 16:15 - Tanou Moonsoi Timugon

¹⁵ I Lidia am ilo sasambaloi pana riniu' boo. Kopongo ilo riniu', pangkimait boo i Lidia ramon, kono, “Amon ru mangintopot kau ra aku ti nangapu noyo ri Jisus, ongoi kano ayan ra baloi kuno.” Nangkikimait io ramon saboi akai pana giminagaya' ayuk.

RINALATAN 16:15 ပူးပေါင်းရင်းမြစ်များ

KASAUKAN 19:3

Jinajalan ilo kimaiti' ri Lot, am pupus no pababaya' ilo boo minumpos ra baloi nano. Panusub i Lot ra kambo-kambo nano mangansak ra ruti' am momongo ra akanon mangaamis ra tambului no, am pangakan ilo.

KASAUKAN 33:11

Malansan aku ra apuo' noyo taak ondo' inibit kuno rirun. Sabap ra moonsoi kaga' i Aki Kapuuno' raki' am nanaak Io raki' ra ngaangai' no.” Jajali' ri Jakub i Isau saboi nangapu ra taak no.

2 RAJA'-RAJA' 4:8

Paat ra sangarawan minongoi i Ilisa giu' ra bandar Sunim. Giu' no mokoondo' sangulun ruandu' langkaya'. Nampiau ruandu' no ri Ilisa mongoi akan ra baloi nano. Intor raginio moonong i Ilisa mongoi ra Sunim, mangakan io giu' ra baloi ru ruandu' langkaya' no.

MATIUS 10:41

Osoi ayuk mangapu ra nabi sabap ra io sangulun nabi, ampos ondo' moowot no mogondo' ra ampos ru sangulun nabi. Osoi ayuk mangapu ra ulun sabap ra matanda' paliso nano, io pana mokoowot niayuk ra ampos ru sangulun matanda'.

MATIUS 3:6

Mangiou ilo ra tula nilai am riwon ilo ri Juanis ra Sungoi Jordan.

LUKAS 14:23

Indagu tuan no ra ulipon nano, ‘Ongoi no ra ralan maayo am boborok giu' ra liwar ru bandar am jajali' porotongo' ngaangai' ulun, koson mososok boo baloi kutu.

LUKAS 24:29

Kaa' ingai' nilo Io, konilo, “Pombolong ayuk ragiti sabap ra mamai' noyo nai am lumondom galing noyo.” Ginio ra apit i Jisus am umpos ra intok nilai.

RINALATAN 11:14

Mampasaboi io ra tanou ondo' makapamayag ramuyun sambaloi.’

RINALATAN 16:31

Taam i Paulus am i Silas, “Pangintopot ayuk ra Tuhan Jisus am bayagon kou – akau ngaangai' sambaloi niayuk!”

RINALATAN 16:33

Paat ra rondom i niayuk, inibit ilo ru tingganai i mambagu' ra pilat nilai. Paat ragili niayuk ngaangai' ulun ru baloi i riniu'.

RINALATAN 16:34

Io pana nagibit ri Paulus am i Silas ra baloi nali am paakano' no ilo. Ngaangai' ulun ru baloi i naansukan toojo, sabap ra raino nangintopot ilo ri Aki Kapuuno'.

RINALATAN 18:8

Kaa' tingganai ru baloi sambayangan, io no i Krispus am ilo sambaloi, nangintopot ri Jisus. Masuang niayuk ulun Korintus ra bokon nokorongog ra pinasaboi ri Paulus am nangintopot ilo ri Jisus am riniu' ilo.

RINALATAN 8:12

Kaa' nangintopot ilo ra bala' ri Pilipus, ioginio Tanou Moonsoi intor ra Pamarintaan ri Aki Kapuuno' am i Jisus Kristus, am riniu' ilo, ungkuyon am niayuk ruandu'.

RINALATAN 8:38

Panusub boo pagawai no mampauog ra sinakayan nano. Pakauog ayuk tuun ilo karuo, am tapung ra timug am riwo' io boo ri Pilipus.

ROMA 16:23

Puun baloi inayanan kutu pana, i Gayus, mampasaboi ramuyun ra bilin kaansayan nano. Ulun-ulun Kristian no mantitimung ra baloi nano. I Irastus, bendahari ru bandar Korintus, mampasaboi ramuyun ra bilin kaansayan nano, am koson niayuk i Kuartus, pabukat takau ra Kristian. [

2 KORINTUS 12:11

Akau no nangkinibit raki' mindagu koson ra sasambungon. Akau ondo' sotopot no musiti' mongompor raki'. Kabalu' pana aku ti kolondo' kon onong, kaa' kalo noyo nakatauli aku intor ra “rasul-rasul” ondo' kinaatang mino.

2 KORINTUS 5:14

Sabap ra togom ri Kristus nanguasa' ramon. Makatutun akai ra amon ru kapatayan ru sangulun koson ra alig ru ngaangai' ulun, arati' ru ginio, koson moonong ulun minatoi nabaya' riso.

GALATIA 6:10

Intor raginio, buoi ra itakau makakaluagan, alapo' takau noyo ginio koson mobobonsoi ra moonong ulun, mulu' poyo risilo ondo' makimambukat takau mulu' poyo ra mogondo' pangintapatan.

IPISUS 1:1

Aku gitio i Paulus, sangulun rasul ri Jisus Kristus sumugut ra kasagaan ri Aki Kapuuno'. Surat ti posoboyon ku ra ulun ri Aki Kapuuno' ondo' sumugut ri Jisus Kristus giu' ra Ipisus.

PILIPI 1:7

Moonsoi noyo ra aku maansukan ramuyun, sabap ra kabalu' pana maalur ayuk ra mato, mamaar kau ayuk ra guang kuno. Am itakau ngaangai' nakapagagapu poyo ra kataawan ri Aki Kapuuno', iou pana raino, ra aku inaput ra lamin pangaputan, kapoam paat ra aku nakapampainono' am nampapiot poyo ra Tanou Moonsoi no ra ulun masuang no.

PILIMON 1:17

Ginio sabap ra amon ru makimabukat kou raki' ra Kristian, apuo' io no mogondo' raki'.

IBRANI 13:2

Pai' kano karara' tambuluyon ru ulun ondo' kalo nauligan min. Mokoondo' tinambului koson raginio am kalo nakatutun ilo ra sotopot no malaikat tambului nilai i.

1 PITRUS 5:12

Manulis aku ra surat mariwa' ti ramuyun mabaya' ra indangan ri Silas. Io karaan ku sangulun pabukat ra Kristian ondo' malansanan. Pambilinan ru surat kutu ioginio intor ra kataawan ri Aki Kapuuno'. Pai' min noyo labusi' taak raginio.

2 JUANIS 1:10

Amon ru mokoondo' sasangulun matong ramuyun am kalo mambala' ra pangilaan ri Jisus Kristus, pai' min apuo' ulun no ralalom ru baloi min, am pai' min io tabio'.

3 JUANIS 1:5

Pabukat ondo' tagamin kuno! Nangindangan kou toojo ra pabukat muno ra Kristian, kabalu' pana mokoondo' intor risilo kalo nauligan muno.

3 JUANIS 1:8

Ginio ra itakau ulun Kristian musiti' mangindangan ra ulun Kristian ti, maa' raginio makapangindangan ra kondoyon nilo mampatanou ra pambalaan motopot intor ri Aki Kapuuno'.

1 SAMUIL 28:23

Marara' Raja' Saul am minindagu ra marara' io mangakan. Kaa' pagawai-pagawai ru Raja' Saul pana nampajajal riso ra mangakan. Pupus no ginagaya' ru Raja' Saul; sukal io intor ra tana' am panturung ra intok pambalangan.