RINALATAN 15:7 - Tanou Moonsoi Timugon

⁷ Nabuoi ilo toojo nagindagu, bigor boo i Pitrus am indagu, “Pabukat kau ngaangai'! Akau galama' nakapandai ra aku inaru' ri Aki Kapuuno' intor ramuyun koson mampasaboi ra Tanou Moonsoi ra ulun sala' ka Jaudi, koson ilo ti niayuk makaining ragitio am mangintopot.

RINALATAN 15:7 ပူးပေါင်းရင်းမြစ်များ

KAINGKUALAN 4:12

Raino, ongoi noyo. Indanganon Tokou mindagu am mambala' rirun ra atan musiti' raguon muno.”

JIRIMIA 1:9

Kopongo raginio patutuyo' ru Tuhan kalindu' Nano, am paguuto' ra kabang kuni am indagu, “Rongog no, mangani' Aku rirun ra ragu Kutu ondo' musiti' raguon mu.

JUANIS 15:16

Pai' ru akau nampili' Raki', kaa' Aku noyo nampili' ramuyun am inaru' takamin mongoi ra ati-ati ayuk am manangkawa' ra maawas, am kawa' mino tumilayun. Atan ayuk kitaakon min ralalom ru inggalan Kuno, aniin kau ri Ama'.

JUANIS 3:27

Kaa' taam i Juanis, “Kolondo' atan ayuk pana maapu ru sasangulun amon ru kalo i Aki Kapuuno' mangani'.

RINALATAN 1:16

“Pabukat kau ngaangai'! Atan ondo' tinulisan ra Buuk Kitab no, maaru' masauk. Ragili Ambiluo ri Aki Kapuuno' nambala' noyo mansail ra ragu ru raja' Daut intor ri Judas ti, ra io nanulu' ra ulun mamparakop ri Jisus.

RINALATAN 1:24

Pakiasi' ilo boo, konilo, “Tuhan, Okou nakapandai ra guang ru ngaangai' ulun. Tinatang noyo ri Judas kandoi nali koson sangulun rasul am minatoi noyo. Tului' akai, osoi intor ra ruo ngaulun ti ondo' pilion Muno koson pamamalit ri Judas i.”

RINALATAN 10:19

Paat ri Pitrus lakat ayuk poyo maguyum ra arati' ru pagilangan ni, indagu Ambiluo ri Aki Kapuuno' riso, “Pitrus, mokoondo' talu ngaulun maguyum rirun.

RINALATAN 10:20

Tuun ra gana' no am pai' kalaa' maya' risilo, sabap ra aku noyo nanusub risilo matong.”

RINALATAN 13:2

Igondo' ragili, tatanga' ilo sambayang am nampali, indagu Ambiluo ri Aki Kapuuno' no risilo, “Pasuayo' min i Barnabas am i Saulus koson mangangandoi raki' ra kandoi ondo' inaru' Ku noyo risilo.”

RINALATAN 15:14

Raitii' ni nantunung i Simon ra intor poyo ra galing i Aki Kapuuno' nonogom ra ulun sala' ka Jaudi niayuk. Nampili' Io ra santayaran intor risilo masauk ra ulun Nano.

RINALATAN 15:2

Kaa' minansang toojo i Paulus am i Barnabas ra pangilaan ru ulun rati. Pupus i, i Paulus, i Barnabas am poyo kukula' ngaulun Kristian intor ra Antiokia pinoongoi ra Jirusalim koson mongoi uma' ra rasul am tingganai ru Kristian ra manalasai ra kapaganan ragitio.

RINALATAN 15:39

Ginio boo nangkinibit ri Paulus am i Barnabas nansangor toojo am pupus i nantuliar ilo boo: I Barnabas nagibit boo ri Markus am minongoi ilo ra pulu' Siprus.

RINALATAN 20:24

Kaa' kalo mangkara' aku ra maayag aku kia kapoam kalo; ondo' karaan kuno ayuk am momongo ra kandoi ondo' pinataakan raki' ru Tuhan Jisus, ioginio mampasaboi ra Tanou Moonsoi intor ra asi' ri Aki Kapuuno'.

RINALATAN 21:16

Mokoondo' kukula' ngaulun Kristian intor ra Kaisaria minaya' am nangator ramon ra baloi ri Manason, sabap ra baloi nano inayanan mai. I Manason ti ulun ru Siprus ondo' lair noyo siminauk ra Kristian.

RINALATAN 3:18

Ra galing i pinabala' galing ra ngaangai' nabi, nambala' i Aki Kapuuno' ra Mamamayag ondo' sinusub Nano musiti' maimbolo', am ginio nasauk koson ra kasagaan Nano.

RINALATAN 4:25

Ralalom ru Ambiluo Muno, minindagu Kou ra kinamatuaan maili, i Daut ulipon Muno, Kamu, ‘Kua ulun sala' ka Jaudi sumangit? Kua bansa' ra bokon no mangatang ra kolondo' onong?

RINALATAN 9:15

Kaa' indagu Tuhan no riso, “Ugar no, sabap ra io pinili' Ku mangandoi Raki', koson mampasaboi ra tanou intor Raki' ra ngaangai' bansa' ondo' sala' ka Jaudi am raja'-raja' am niayuk ulun ru Israil.

PILIPI 2:14

Atan ayuk kondoyon min, moonsoi kalo mambulingot kau kapoam makimansangor.