RINALATAN 15:35 - Tanou Moonsoi Timugon

³⁵ I Paulus am i Barnabas niayuk minayan ra Antiokia ra kukula' buoi. Nabaya' ra kukula' ngaulun ra bokon, nangila' am nampasaboi ilo ra bala' intor ra Tuhan.

RINALATAN 15:35 ပူးပေါင်းရင်းမြစ်များ

RINALATAN 12:25

Kopongo kandoi ri Barnabas am i Saulus, saguli' ilo intor ra Jirusalim am paayaan nilo poyo i Juanis Markus.

RINALATAN 13:1

Ralalom pasimpungan ulun Kristian ra Antiokia, mokoondo' kukula' ngaulun nabi am niayuk mangingila'. Ilo ti am i Barnabas, Simon ondo' sabiton ri Maitom, Lukius intor ra Kirini, i Minaim ondo' tinalanak nabaya' ra gabenor Irodis am niayuk i Saulus.

RINALATAN 13:12

Paat ra gabenor no nakakito ra nasauk ni, nangintopot io ri Jisus, sabap ra nabunduk toojo guang no ra pangilaan ru Tuhan.

RINALATAN 14:28

Nabuoi i Paulus am i Barnabas minayan ra giu' i, nasisimpung ra ulun-ulun ondo' nangintopot ri Jisus.

RINALATAN 15:34

Kaa' i Silas ti siminoroi ayuk boo ra giu' i.]

RINALATAN 28:31

Nangila' io risilo ra tanou intor ri Jisus Kristus am Pamarintaan ri Aki Kapuuno'. Kalo nalaa' io am kolondo' niayuk nongompong riso.

RINALATAN 8:4

Ulun-ulun nangintopot ondo' nantutuliar minongoi ra ati ayuk intok am nampasaboi ilo ra Tanou Moonsoi ra ati ayuk kasukuan nilo.

KOLOSI 1:28

Ginio nai ra mampasaboi akai ra tanou ri Jisus Kristus ra ulun masuang. Mampakara' am mangila' akai ra moonong ulun mabaya' ra kapintaran. Kuayan mai maa' raginio moonong ulun maapu ri Aki Kapuuno' sabap ra makapasimpung ilo ri Kristus koson ra ulun kolondo' boo sala.

1 TIMOTIUS 2:7

Am ginio nai ra aku ti pinasauk ra rasul am mangingila' ra tayar ru ulun sala' ka Jaudi, koson mampatanou ra pangintapatan ondo' motopot. Am motopot ngaangai' rinagu kutu, pai' ru magabau aku.

2 TIMOTIUS 4:2

kasalok no makatampos mampabala' ra Tanou Moonsoi ra apuon kia ru ulun kapoam kalo. Painonoo' noyo ulun no, sawayo' amon ru makasala am paikango' ilo po. Ilaa' ilo toojo mabaya' ra kaaratan ru guang muno.