RINALATAN 15:32 - Tanou Moonsoi Timugon

³² I Judas am i Silas, ondo' karuruo ti nabi, nampasaboi ra masuang pambalaan am nampaikang ra guang ru ulun Kristian koson makakau' ilo boo.

RINALATAN 15:32 ပူးပေါင်းရင်းမြစ်များ

DANIL 11:1

Io noyo ondo' pinalansan koson mangindangan am manaung raki'.

MATIUS 23:34

Ginio ra rongogo' min toojo gitio: Manusub Aku ra nabi-nabi matong ramuyun, ulun pintar am niayuk mangingila': Potoyon min kukula' intor ilo ngaangai', salipon min bokon no am bokon no poyo loposon min ra baloi sambayangan, am mangilou kau niayuk risilo intor ra rondo' pekan mongoi ra pekan ra bokon.

LUKAS 11:49

Ginio nai kon ru Kapintaran ri Aki Kapuuno', ‘Manusub Aku ra nabi am rasul Kuno mongoi risilo, kaa' sampiruo intor risilo no potoyon nilo am bokon no imboloon!’

RINALATAN 11:23

Paat ra io nakasaboi ra giu' i, nakakito io ra ati kulaan i Aki Kapuuno' nambarakat ra ulun ra giu' no am naansukan io. Panusub io risilo gumagaya' toojo ra Tuhan.

RINALATAN 11:27

Paat ragili mokoondo' kukula' ngaulun nabi intor ra Jirusalim minongoi ra Antiokia.

RINALATAN 13:1

Ralalom pasimpungan ulun Kristian ra Antiokia, mokoondo' kukula' ngaulun nabi am niayuk mangingila'. Ilo ti am i Barnabas, Simon ondo' sabiton ri Maitom, Lukius intor ra Kirini, i Minaim ondo' tinalanak nabaya' ra gabenor Irodis am niayuk i Saulus.

RINALATAN 14:22

Nampaikang ilo ra ulun-ulun nangintopot am nangkimait risilo koson marayus mangintopot ri Jisus. “Masuang kapaganan matuum takau galing maa' raginio makaili' takau Pamarintaan ri Aki Kapuuno',” nangilaan nilo.

RINALATAN 15:1

Mokoondo' kukula' ngaulun Kristian intor ra Judia minatong ra Antiokia am nangila' ilo ra ulun Kristian ra, “Kalo bayagon kau ri Aki Kapuuno' amon ru kalo sunatin kau maya' ra Ukum ri Musa.”

RINALATAN 15:22

Kapatasan boo ru rasul-rasul am tingganai nabaya' ra ngaangai' ulun Kristian nampili' ra ruo ngaulun intor risilo poongoyon ra Antiokia mabaya' ri Paulus am i Barnabas. Ondo' pinili' nilai ti i Silas am i Judas, ondo' sabiton ri Barsabas; karuruo ti inurumat tojojo ru ulun Kristian giu' ra Jirusalim.

RINALATAN 15:27

I Judas am i Silas sinusub mai koson mambala' ramuyun ra atan suang ru surat ti.

RINALATAN 15:3

Ginio ra ulun Kristian ra Antiokia nompoongoi noyo risilo ra Jirusalim. Minapit ilo poyo ra Pinisia am Samaria. Pakasuku' ilo ra giu' i, pantunung ilo ra ati kulaan ulun sala' ka Jaudi nangintopot noyo ri Aki Kapuuno'. Tanou ragitio nampakaansuk toojo ra guang ru ulun Kristian ondo' soroi ra giu' i.

RINALATAN 15:31

Pakabasa' ilo ra surat ragitio, naansukan ilo toojo, sabap ra surat i nampaikang ra guang nilo.

RINALATAN 15:41

Ongoi ilo ra Siria am Kilikia koson mampaikang ra pasimpungan ulun Kristian ra giu' no.

RINALATAN 18:23

Kopongo ra kukula' buoi io minayan ra Antiokia, ongoi io boo ra pamagunan Galatia am Prigia, koson mampaikang poyo ra pangintapatan ru ulun Kristian ra giu' i.

RINALATAN 2:40

Ginio noyo ragu ri Pitrus nambala' toojo risilo. Masuang poyo ragu nano ra bokon manusub risilo koson magibayag intor ra pangukuman ri Aki Kapuuno' ondo' paratuon ra ulun mangalaat ra pagun ti.

RINALATAN 20:2

Minongoi io ra ngaangai' libung ru Makidonia am pambilin io ra ulun Kristian ra giu' no koson mampaikang ra pangintapatan nilai. Ongoi io boo ra Akaya

ROMA 12:6

Ginio ra musiti' takau pakayon kapandayan ra nansusuai ondo' pinataak ri Aki Kapuuno' no ritakau sigagama', maya' ra asi' Nano. Osoi ondo' inanian ra kapandayan mampabala' ra tanou ri Aki Kapuuno', kondoyon no ginio maya' ra pangintapatan nano ri Jisus.

ROMA 12:8

Osoi ondo' inanian ra kapandayan mampaikang ra guang ru ulun, papiroto' noyo. Osoi ondo' inanian ra guang mangani' ra rapu' no ra bokon, pangani' no maya' ra kataawan. Osoi ondo' inanian ra kapandayan maningganai, paningganai no toojo. Osoi ondo' inanian ra guang makaasi' ra ulun bokon, pakaasi' no mabaya' ra maansukan.

1 KORINTUS 1:8

Io noyo galama' mampaikang ramuyun saboi ra orou pupus, maa' raginio akau kalo mauwan ra makasala ra orou ratangan Nano.

1 KORINTUS 14:29

Koson niayuk ra ilo ondo' mampasaboi ra bala' intor ri Aki Kapuuno', moonsoi ru ruo kapoam talu ngaulun ayuk mampasaboi liliwa' bokon no mampaguang toojo ra atan ondo' raguon nilo.

1 KORINTUS 14:3

Kaa' ulun ondo' mampasaboi ra bala' intor ri Aki Kapuuno', potonowon no ginio ra ulun koson mampasingkot, mampaikang am mampabansuk risilo.

1 KORINTUS 14:32

Kapandayan intor ra Ambiluo ri Aki Kapuuno' mampasaboi ra bala' intor ri Aki Kapuuno', musiti' makuasa' ru ulun ondo' inanian.

IPISUS 3:5

Gili gitio kalo igondo' pinabala' ra ulun, kaa' raino pinaintalang noyo ri Aki Kapuuno' mansail ra Ambiluo Nano ra rasul-rasul am nabi-nabi ondo' matulai.

1 TISALONIKA 2:11

Nakapandai kano ra paliso mai ramuyun sigagama', ioginio mogondo' ra sangulun ama' am anak-anak nano.

1 TISALONIKA 3:2

liliwa' poongoyon mai ramuyun i Timotius, pabukat takau. Io no sangulun mangangandoi ra Tuhan ondo' mabaya' ramon mampasaboi ra Tanou Moonsoi ri Kristus. Io sinusub mai mampaikang ra guang am pangintapatan mino ri Kristus.

1 TISALONIKA 4:1

Pabukat ku ngai', pupus no, nangani' akai no ramuyun ra tiluan moonsoi ra ati koson ru kaayagan ondo' mapabansuk ra guang ri Aki Kapuuno' am ginagaya' min noyo ginio. Kaa' raino, ralalom inggalan ri Tuhan Jisus, kitaakon am kimaitin takamin mirot poyo toojo mapabansuk ra guang ri Aki Kapuuno'.

1 TISALONIKA 5:14

Pabukat ku ngai', makitaak akai poyo ramuyun ra sawayo' min noyo ulun ondo' mangatiar, kaikango' min noyo guang ru ulun ondo' malaa', indangano' min noyo ulun ondo' malawo am kataan kano ra ngaangai' ulun.

1 TISALONIKA 5:20

Pai' kano pagasab ra pambalaan ondo' intor ra Ambiluo ri Aki Kapuuno'.

2 TISALONIKA 3:12

Ralalom inggalan ri Tuhan Jisus Kristus, manusub am mapakara' akai ra ulun koson risilo ra musiti' ilo tumanda' am mangandoi maguyum ra paginakanan galama'.

1 TIMOTIUS 2:1

Pagulu, kitaakon ku toojo ra pakitaakan, pakiasian, pambarakatan ra ulun bokon am paringkuanangan posoboyon min ri Aki Kapuuno' ra ngaangai' ulun;

2 TIMOTIUS 4:2

kasalok no makatampos mampabala' ra Tanou Moonsoi ra apuon kia ru ulun kapoam kalo. Painonoo' noyo ulun no, sawayo' amon ru makasala am paikango' ilo po. Ilaa' ilo toojo mabaya' ra kaaratan ru guang muno.

1 PITRUS 5:1

Mambilin aku ramuyun magagalung ru pasimpungan ulun Kristian. Aku ti pana sangulun magagalung mogondo' ramuyun am sasi' noyo ra kaimbalaan ri Kristus, am aku pana urumaton mabaya' ri Kristus paat Io paintalangon ra ulun.

1 PITRUS 5:10

Kaa' kaimbalaan ragitio sangkinolor ayuk, i Aki Kapuuno' mapatanda' ramuyun, mapakataan am mampaikang ramuyun am poyo moporondon Io ra guang min. Sabap ri Aki Kapuuno' ti noyo puun ru ngaangai' kataawan, am ralalom ri Kristus, Io nampiau ramuyun makaliman ra urumat Nano ondo' mantilayun.

1 PITRUS 5:12

Manulis aku ra surat mariwa' ti ramuyun mabaya' ra indangan ri Silas. Io karaan ku sangulun pabukat ra Kristian ondo' malansanan. Pambilinan ru surat kutu ioginio intor ra kataawan ri Aki Kapuuno'. Pai' min noyo labusi' taak raginio.