RINALATAN 15:20 - Tanou Moonsoi Timugon

²⁰ Kaa' tulisin takau ayuk ilo ra surat, koson kalo mangakan ilo ondo' majamol maya' ra kaulayan ru ugama, ioginio; akanon ondo' pinasulung ra sinungkalalaing, mangakan ra kual bibiag ondo' pinatoi sikako' kapoam mangakan ra raraa'; am niayuk minggalur intor ra baal pansasawaan.

RINALATAN 15:20 ပူးပေါင်းရင်းမြစ်များ

KASAUKAN 35:2

Indagu boo i Jakub ra ulun ru baloi nano am ra ngaangai' ulun nababaya' riso no, “Patiri' min noyo sinungkalalaing intor ra bansa' ru bokon ondo' binulian min, kapasawo' min guang am pambayang kano ra bayang moonsoi.

KASAUKAN 9:4

Rondo' ayuk ondo' kalo maakan min, iono kual ondo' makararaa' ayuk poyo, sabap ra painawo no soroi ralalom ru raraa' no.

KAINGKUALAN 20:23

Pai' taligama' pambaal ra sinungkalalaing intor ra pirok kapoam mas koson sambaan ra sapapa' Kuno.

YEHEZKIEL 33:25

“Posoboyo' atan ondo' paraguon Kuno, Tuhan Raja' risilo: Nanginta' kau ra kual ondo' lakat poyo makararaa'. Sinamba min sinungkalalaing am namatoi. Ati kulaan kau mangkara' ra tana' ti longgom min?

YEHEZKIEL 4:14

Kaa' taam aku, “Pai' koon raginio, iou Tuhan Raja'! Kalo igondo' aku pampajaka' ra inan. Intor ra boborok kalo igondo' aku pangakan ra kual intor bibiag ondo' matoi toojo, kapoam kual intor ra bibiag ondo' sinaam ru bibiag masigo. Kalo igondo' aku pangakan ra akanon ondo' karaan ra ampangara'.”

DANIL 1:8

Inaru' toojo ri Danil koson kalo jamalin inan nano ra akanon am wain ondo' inaru' ru raja'. Ginio ra nakiindangan io ri Aspinas,

IMAMAT 18:6

Nanaak Tuhan ra aturan ragitilo. Pai' parulug ra pabukat muno.

IMAMAT 19:26

“Pai' akano' kual ondo' lakat poyo makararaa'. Pai' pambaal ra atan pana ilimu' sihir.

IMAMAT 3:17

Lomok kapoam raraa' kalo noyo toojo maakan ru ulun ru Israil. Aturan ragitio musiti' suguton ru ngaangai' ulun ru Israil ra sabuoi-buoi no, ra ati ayuk ayanan nilo.

UNTABAN 25:2

Nangkimait ruandu'-ruandu' no risilo minongoi ra bunsag-bunsag ru taak simbalui koson mangurumat ra tuhan nilono. Ulun ru Israil niayuk nangakan ra kual intor ra taak simbalui no am siminamba

RINALATAN 15:29

Pai' kau pangakan ra akanon ondo' pinasulung ra sinungkalalaing; pai' kau pangakan ra raraa'; pai' kau pangakan ra kual ru bibiag ondo' pinatoi ra sikako' am poyo inggalur kau noyo intor ra baal pansasawaan. Amon ru sumugut kau ra susuban raginio, moonsoi niayuk. Ginio ayuk, kaansayan ramuyun!”

RINALATAN 21:25

Kaa' koson ra ulun Kristian ondo' sala' ka Jaudi, nangator akai noyo risilo ra surat. Gili suang ru surat maili; kalo makaakan ilo ra akanon ondo' pinasulung ra sinungkalalaing, kapoam mangakan ra raraa' kapoam mangakan ra kual ru bibiag ondo' pinatoi sikako' am musiti' ilo minggalur niayuk intor ra baal pansasawaan.”

1 KORINTUS 5:11

Kaa' ondo' kon kuli, pai' kano latok ra ulun ondo' migiangku ra io Kristian, kaa' mansawa', makalit, sumamba ra sinungkalalaing, manimbaal ra ragu ra ulun bokon, gagaukon, kapoam mantatakou. Gumulung riso mangakan pana am pai'!

1 KORINTUS 6:13

Mokoondo' niayuk ulun mindagu ra, “Akanon pasuangon ra tinai', am tinai' papasuangan ra akanon.” Ginio motopot: Kaa' karuruo no pusoon ri Aki Kapuuno'. Kaa' kalo moonsoi amon ru ulun mansasawa' ayuk, kaa' musiti' takau mangurumat ra Tuhan ra inan takano pana. Bagu alungin ru Tuhan inan takati.

1 KORINTUS 6:18

Inggaluri' min noyo pansasawaan. Atan ayuk tula ra bokon ondo' baalon ru sasangulun, kalo mangkinibit ra inan nano. Kaa' ulun ondo' mansawa', io galama' mangkinibit ra inan nano makatula.

1 KORINTUS 6:9

Maaru' natutunan min ra ulun malaat kalo masauk ra ulun ri Aki Kapuuno'. Pai' kano iruung; ulun ondo' mansawa', sumamba ra sinungkalalaing, lumapau am ungkuyon homoseksual,

1 KORINTUS 7:2

Kaa' koson kalo makinibitan kau ru paliso pansasawaan, moonsoi poyo ru moonong ungkuyon makaandu' sigagama' am niayuk moonong ruandu' makaralaki sigagama'.

1 KORINTUS 8:1

Raino manaam aku ra pangkuatan min poyo ra bokon intor ra akanon ondo' pinampakan ra sinungkalalaing. Motopot ragu ru ulun ra, “Itakau ngaangai' makakapandayan.” Kaa' kapandayan no mangkinibit ra ulun masauk masumbung; kaa' togom mompokoonsoi ra paliso ru ulun.

2 KORINTUS 12:21

Malaa' aku ra paat ra aku matong ra maagu no, tauyuon aku ri Aki Kapuuno' ra saang min, am tangiin ku ulun makatula no ondo' kalo poyo timinalikur intor ra pansasawaan am baal nilo ra majamol am makauyuyu' no.

GALATIA 5:19

Kinibit ru paliso ru ulun nauligan noyo: Ioginio baal ru pansasawaan, baal majamol am baal makauyuyu';

IPISUS 5:3

Akau ti noyo ulun ri Aki Kapuuno'. Ginio ra atan ayuk baal ru pansasawaan, baal makauyuyu' kapoam mangangkum, kalo masauk ra tatanga' min.

SAGULION 12:16

Kaa' pai' pangakan ra raraa' ru bibiag no; sasari' raraa' no ra tana' koson ra timug.

SAGULION 14:21

“Pai' pangakan ra bibiag ondo' minatoi ra kaindalaman. Kual ru bibiag no maakan ru ulun bansa' ru bokon ondo' minayan ramuyun, kapoam talanon ra ulun bansa' ru bokon. Kaa' akau longgom ru Tuhan i Aki Kapuuno' min; akau ulun Nano. Pai' tonoko' anak domba kapoam anak kambing ralalom ru gatas ru ina' nano.”

SAGULION 15:23

Pai' pangakan ra raraa' ru kual no; pasasaro' noyo raraa' no ra tana' koson ra timug.”

KOLOSI 3:5

Ginio ra patiri' noyo kasagaan ra pansasawaan, mansalinut baal ra makauyuyu', kasagaan ru guang malaat am maringkumaa' (sabap ra paliso raginio mogondo' ayuk koson sumamba ra sinungkalalaing).

1 TISALONIKA 4:3

Sabap ra masaga' i Aki Kapuuno' ra kaayagan mino mapasau, ginio ra inggalur kano ra baal ru pansasawaan.

IBRANI 12:16

Ilalai' noyo ra kolondo' sangulun mansawa' kapoam tumilu ri Isau ondo' kalo nangurumat ri Aki Kapuuno' ragili. Tayar tungkuson nali koson ra anak katuaan inaligan no ra samangkuk akanon ayuk.

IBRANI 13:4

Kaulayan ru paguatan musiti' no urumaton ru ngaangai' ulun, ra moonong ralaki kapoam andu' kalo iowon sumimpung ra bokon. Sabap ra ulun ondo' lumapau kapoam mansawa' pana, ukumin ri Aki Kapuuno'.

1 PITRUS 4:3

Paat ragili, kaayagan min koson niayuk ra ulun ondo' kalo poyo makaulig ra Tuhan. Kalo noyo moonsoi kiralan ru kaayagan min: Minaya' kau ra guang mansasawa', mangagauk, magiginum ra majanjayan saboi mokoondo' baal makauyuyu' masauk am poyo siminamba kau ra sinungkalalaing ondo' kasisangin ru Tuhan.

PINAINTALANG 10:2

Mokoondo' io ra rondo' naskhah rinulun boborok nabingkal ra kalindu' nano. Kimininjang kalayam ra pamiris nano ra raat am kalayam ra kait nano ra lantur.

PINAINTALANG 10:8

Bolos intor ra suruga' ondo' minindagu raki' ni, nambala' poyo raki', kono, “Ongoyo' noyo alapo' naskhah rinulun boborok ondo' nabingkal intor ra kalindu' ru malaikat no ondo' migor ra raat am lantur no.”

PINAINTALANG 2:14

Kaa' mokoondo' kalo kaansayan Kuno ramuyun; mokoondo' kukula' ramuyun minaya' ra pangilaan ri Biliam. Sabap ra nangila' i Biliam ri Balak ra mangkinibit ra ulun ru Israil mambaal ra tula, koson mangkinibit risilo mangakan ra akanon ondo' pinataak ra sinungkalalaing am inila' ra mansasawa'.

PINAINTALANG 2:20

Kaa' mokoondo' kalo kaansayan Kuno ramuyun: Mompoloso kau ri Ijabil, ruandu' no ondo' migiangku ra nabi. Mansail ra pangilaan nano mampakalayau io ra ulipon-ulipon Kuno koson mansasawa' am mangakan ra akanon ondo' pinataak ra sinungkalalaing.

PINAINTALANG 9:20

Kaa' ulun-ulun ra bokon ondo' kalo napatoi ra talu kapaganan malaat no, kalo niayuk timinalikur intor ra ondo' binaal ru kalindu' nilo galama'. Kalo liminonggo' ilo sumamba ra riwato am sinungkalalaing ondo' binaal nilo ra mas, pirok, gangsa', batu am tataun. Ginilo kalo makakito, mokorongog kapoam makaugar.

1 SAMUIL 14:32

saboi nagagaau ilo nangalap ra kuliamos ondo' bagu tinalingaau intor ra pantula'; nangalap ilo ra domba am sapi', am niayuk nanimbalui ra ngaangai' no ra intok raginio niayuk, am rayus nanginta' ra kual ondo' lakat poyo makararaa'.

1 SAMUIL 14:33

Kopongo raginio binalaan Raja' Saul ra baal raginio, “Raja' mai, makatula mamagun ra Tuhan sabap ra nanginta' ra kual ondo' lakat poyo makararaa'.” Golok Raja' Saul, “Totopot kano ra najanjayan! Luiro' kon rondo' batu maayo ragiti!”