RINALATAN 15:19 - Tanou Moonsoi Timugon

¹⁹ Pupusi' ri Jakubus, kono, “Sumugut ra pamaguangan kuno, pai' takau pantipagon ra ulun sala' ka Jaudi ondo' raino mangintopot ri Aki Kapuuno'.

RINALATAN 15:19 ပူးပေါင်းရင်းမြစ်များ

JISAYA 55:7

Musiti' ulun malaat mapatanda' ra bayag nano, am mangulau ra ralan ru pangkaraan nano. Polosoon io sumaguli' ra Tuhan, maa' raginio makaalap io ra kaasian Nano. Musiti' io tumingkuang ri Aki Kapuuno' takau, sabap ra Tuhan mangampun am mataau.

GOSIA 14:2

Saguli' no ra Tuhan, i Aki Kapuuno' min, ulun ru Israil kau. Tula min nangkinibit ramuyun nakasunsuyar am naratu'.

RINALATAN 15:10

Ginio ra, kua guat pangkinam kau ri Aki Kapuuno' koson mantipagon ra ulun Kristian ti ondo' kalo noyo nasugut ru kinamatuaan takali am mulu' poyo itakau galama'?

RINALATAN 15:24

Naala' akai noyo ra mokoondo' kukula' ngaulun intor ramon nantipagon am niayuk nampajajou ramuyun ra nangilaan nilai. Kaa' pai' ru akai nanusub risilo.

RINALATAN 15:28

Ambiluo ri Aki Kapuuno' nabaya' ramon nangiou ra kalo mantipagon akai ramuyun suai poyo gitio ayuk ondo' kalo mabaal min:

RINALATAN 21:21

Kaa' nokorongog ilo ra okou kunu' mangila' ra ngaangai' ulun ru Jaudi ondo' mayan ra bansa' ru bokon i, maa' raginio kalo boo pana maya' ra Ukum ri Musa. Kamu poyo ra kalo pana sunatin anak nilono kapoam suguton kaulayan ru ulun ru Jaudi.

RINALATAN 21:25

Kaa' koson ra ulun Kristian ondo' sala' ka Jaudi, nangator akai noyo risilo ra surat. Gili suang ru surat maili; kalo makaakan ilo ra akanon ondo' pinasulung ra sinungkalalaing, kapoam mangakan ra raraa' kapoam mangakan ra kual ru bibiag ondo' pinatoi sikako' am musiti' ilo minggalur niayuk intor ra baal pansasawaan.”

RINALATAN 26:20

Ginio ra mambala' aku toojo ra ulun ra musiti' ilo tumalikur intor ra tula nilo am sumaguli' ri Aki Kapuuno', am niayuk maayag ra matanda'. Giu' ra Damsyik galing nambalaan kuno raginio, giu' poyo ra Jirusalim am niayuk ngaangai' ru Judia am poyo intok ru ulun sala' ka Jaudi.

GALATIA 2:4

kabalu' pana ginio gogoton ru ulun migiangku ra Kristian ondo' liminatok ramon. Giminogot ilo pangimumui ra kalabusan ondo' noowot mai intor ri Jisus Kristus. Nangkinam ilo mangulipon poyo saguli' ramon,

1 TISALONIKA 1:9

Sabap ra ilo galama' mantunung boo ra ati kulaan nangapuan min ramon paat ra akai minongoi ramuyun gili. Mantunung ilo ati kulaan timinalikur kau intor ra sumamba ra sinungkalalaing, am mangandoi boo ri Aki Kapuuno' ondo' maayag am motopot.