RINALATAN 15:17 - Tanou Moonsoi Timugon

¹⁷ koson ngaangai' ulun ra bokon maguyum Raki', ulun sala' ka Jaudi niayuk ondo' piniau Kuno masauk ra ulun Kuno.

RINALATAN 15:17 ပူးပေါင်းရင်းမြစ်များ

KASAUKAN 22:18

Ngaangai' bansa' ra tana' ti makibarakat ilo Raki' koson niayuk ra Aku nambarakat ra papag muno, sabap ra ginagaya' mu susuban Kuli.”

KASAUKAN 48:16

Gama' ru malaikat ondo' namayag raki' intor ra baal makalalaa', mambarakat risilo. Gama' ru inggalan kuno am inggalan ru kinamatuaan kuli, i Abragam am i Isak, magail sisiraan sabap ra anak-anak ragitio! Gama' ru mokoondo' ilo masuang anak am masuang papag!”

KASAUKAN 49:10

Mampaguut i Jiuda ra susukur ru parinta. Papag nano magail mamarinta. Bansa'-bansa' magibit ra upiti riso, am migulatur ra guang gumagaya' ra saang nano.

JISAYA 11:10

Masuku' sangarawan bulintok ra sangulun raja' papag ru raja' Daut masauk ra tatandu' ru ngaangai' bansa'. Matong ilo riso, am bansa' nano galama' masauk ra sasabiton.

JISAYA 43:7

Ilo noyo ulun Kuno, binangun Ku ilo koson mampatulai Raki'.”

JISAYA 63:19

am pamakuan Muno ramon koson ra kalo igondo' Kou nanguasa' ramon, am koson ra kalo igondo' akai kasauk ra ulun Muno.

JISAYA 65:1

Mindagu Tuhan, “Nakatampos Aku no mangiou ra pakiasian ru ulun Kuno, kaa' kalo makiasi' ilo Raki'. Nakatampos Aku no tambuluyon nilo, kaa' kalo kuminam ilo maguyum Raki'. Bansa' ragitio kalo makiasi' Raki', kabalu' pana nakatampos Aku no tumaam, ‘Gitio Aku no. Masaga' Aku mangindangan ramuyun.’

JIRIMIA 14:9

Kua kia koson Okou ra ulun naubong, koson ra ulun tutumula' ondo' kalo makatanggang mangindangan? Maaru' maya' Kou ramon, iou Tuhan! Akai ulun Muno, pai' pangiruan ramon!’ ”

JIRIMIA 16:19

Iou Tuhan, Okou noyo ondo' manindung raki' am mangani' raki' ra kaikangan; Okou noyo mangindangan raki' paat ra kapaganan. Bansa'-bansa' intor ra pompor ru tana' ti am matong Rirun am mindagu, “Kinamatuaan mai mokoondo' ayuk ra tuhan kalo motopot am kolondo' noyo toojo onong.

DANIL 4:35

Ulun ra tana' ti kolondo' arati' Riso; malaikat giu' ra suruga' am ulun ra tana' ti, ngaangai' ragana' ru kuasa' Nano. Kolondo' osoi pana makaanggal ra kasagaan Nano, kapoam mangkuot ra binaal Nano.

DANIL 9:19

Rongogo' akai no, iou Tuhan, am ampuno' akai no. Rongogo' akai no, iou Tuhan, am imbuor no! Pai' kototoi maa' raginio moonong ulun makapandai ra Okou noyo i Aki Kapuuno'! Bandar am ulun ti longgom Muno.”

JOIL 2:32

Kaa' ngaangai' ulun ondo' makiindangan ra Tuhan bayagon. Koson ra rinagu ru Tuhan, ‘Santayaran ulun giu' ra Jirusalim maayag; ilo ondo' pilion Kuno maayag.’ ”

AMOS 9:12

Ulun ru Israil manguasa' ra tayar ru pagun Idom ondo' kalo najajou, am ngaangai' ru pagun ondo' igondo' nasauk ra longgom Kuno.” Gini noyo ragu ru Tuhan ondo' manugut ra baal raginio.

MIKA 5:7

Ilo ondo' lakat poyo maayag ra gino ngai' ru bansa'-bansa' ru bokon masauk koson ra singa' ondo' maguyum ra akanon giu' ra kataunan kapoam giu' ra padang ru sakot; siminubol singa' no ra tatanga' ru domba-domba, nansaam am niayuk bibinsango' domba; kolondo' sangulun pana makapamayag ra domba-domba no.

JAKARIA 2:11

Paat raginio masuang bansa' matong ra Tuhan koson masauk ra ulun Nano. Mayan io ra tatanga' min, am makapandai kau boo ra Tuhan nanusub noyo raki' mongoi ramuyun.

MALIAKI 1:11

Urumaton Aku ru bansa'-bansa' ra titikop ru tana' ti. Solobon nilo kaminyan giu' ra ngaangai' intok koson mangurumat Raki', am mampataak ilo ra taak simbalui ondo' maaya' pataakon. Ilo ngaangai' mangurumat Raki'!

UNTABAN 24:23

I Biliam pana mindagu ra ragu inala' ragitio, “Osoi kia ulun ondo' timinimung giu' ra ralayo no?

UNTABAN 6:27

Indagu Tuhan, “Amon ru mindagu ilo ra inggalan Kuno koson ra barakat ra ulun ru Israil, barakaton Ku ulun ru Israil.”

SAGULION 28:10

Kopongo raginio ngaangai' bansa' ra tana' ti makapandai ra nampili' noyo Tuhan ramuyun masauk ra ulun Nano galama', am malaa' ilo ramuyun.

JAKUBUS 2:7

Ilo ti niayuk magasab ra inggalan min moonsoi, ioginio Kristian, ondo' naapu min intor ri Aki Kapuuno'.