RINALATAN 14:5 - Tanou Moonsoi Timugon

⁵ Ginio ra pupus ti ulun ru Jaudi am tingganai nilai nababaya' ra ulun sala' ka Jaudi pana naguguum mangimbolo' ruo ngaulun rasul no ra bobolon ilo ra batu.

RINALATAN 14:5 ပူးပေါင်းရင်းမြစ်များ

MAZMUR 83:5

Konilo, “Pusoo' takau bansa' nilono, maa' raginio lilianin Israil ra sabuoi-buoi no!”

MATIUS 5:44

Kaa' raino ti balain takamin: Tagami' noyo pantula' mino am pakiasi' kano koson ra ulun ondo' mangimbolo' ramuyun,

LUKAS 6:28

Barakati' min ulun ondo' magasab ramuyun, am pakiasi' kano ri Aki Kapuuno' ra ulun ondo' malaat ramuyun no.

RINALATAN 13:45

Kaa' paat ra ulun ru Jaudi nakakito ra ulun masuang no, nangusolon ilo toojo. Inanggal nilo ngaangai' rinagu ri Paulus saboi nagasab riso.

RINALATAN 13:50

Kaa' ulun ru Jaudi nanusuk ra tingganai ru bandar raginio am poyo ruandu' kauligan ondo' nangintopot ri Aki Kapuuno' am sala' ka Jaudi. Pinasalula' nilo boo ra rondo' imbolo' ri Paulus am i Barnabas, saboi pinaugar ilo karuo intor ra libung nilai.

RINALATAN 14:19

Mokoondo' kukula' ngaulun ru Jaudi minatong intor ra Antiokia giu' ra pagun Pisidia am poyo intor ra Ikonium. Ilo ti noyo nanusuk ra ulun masuang saboi minaya' ilo ayuk risilo. Ginio ra bobolo' nilo ra batu i Paulus am ralaato' io ra liwar ru bandar i sabap ra pangkaraan nilo i Paulus ti minatoi noyo.

RINALATAN 14:2

Kaa' ulun ru Jaudi ondo' kalo nangintopot nanusuk poyo ra ulun sala' ka Jaudi saboi nasisang ilo ra ulun ondo' nangintopot ri Jisus.

RINALATAN 14:4

Kaa' mamagun ru bandar i nansasangor ra rondo' am bokon: mokoondo' santayaran ondo' minaya' ra ulun ru Jaudi am santayaran i poyo minaya' ra rasul-rasul no.

RINALATAN 17:5

Kaa' maruol guang ru ulun-ulun ru Jaudi. Ginio ra panusub ilo kukula' ngaulun malaat ongoi ra ralan koson mampakasalula' ra pagagabuan giu' ra bandar i. Subolo' nilo boo baloi ri Jason, koson maguyum ri Paulus am i Silas sabap ra masaga' ilo magibit risilo ra saang ru ulun masuang.

2 KORINTUS 11:26

Buoi ra pangkiralanan kutu, magail aku ayuk makakapaganan; masakaban am matakawan, inuupan aku ru ulun ru Jaudi am niayuk ulun sala' ka Jaudi. Makakapaganan aku ra bandar, liwar ru bandar am niayuk giu' ra raat, am poyo tinipagon aku ru ulun ondo' migiangku ra ilo Kristian.

1 TISALONIKA 2:14

Pabukat ku ngai', akau pana nakaliman ra atan ondo' nasauk ra pasimpungan ulun Kristian giu' ra Judia, ioginio ilo ondo' nangintopot ri Jisus Kristus. Kaimbalaan ondo' malimanan min ti intor ra bansa' min galama', mogondo' niayuk ra sauk ru ulun Kristian ru Judia ra ilo inimbolo' ru ulun ru Jaudi.

1 TISALONIKA 2:16

Am mulu' poyo ilo mongompong ramon mambala' ra bansa' ondo' sala' ka Jaudi ra tanou ondo' mampakaayag risilo. Koson boo raginio gumaai poyo tula nilai saboi maukop suang no am raino matiu' ilo boo ra sangit am ukum ri Aki Kapuuno'.

1 TISALONIKA 2:2

Nakapandai kau ra kalo poyo nakaratong akai ramuyun ra Tisalonika, inimbolo' am inasaban akai giu' ra bandar Pilipi. Kaa' iou pana masuang ulun tumula' ramon ragili, inindangan akai ri Aki Kapuuno' ra makaatas akai mampasaboi ra Tanou Moonsoi ondo' intor Riso.

2 TIMOTIUS 3:11

Okou nakakito noyo ra ati kulaan ru kaimbalaan am kapaganan kuli. Nakaintutun kou no ra ngaangai' atan ondo' nasauk giu' ra Antiokia, giu' ra Ikonium, giu' ra Listra am ngaangai' ru kaimbalaan kuli. Kaa' binayag aku ru Tuhan intor ra ngaangai' raginio.