RINALATAN 14:21 - Tanou Moonsoi Timugon

²¹ Giu' ra Darbi, nampasaboi i Paulus am i Barnabas ra Tanou Moonsoi am masuang ulun nangintopot ri Jisus. Saguli' ilo boo ra Listra, am ongoi ilo boo ra Ikonium am niayuk ra Antiokia, giu' ra pagun ru Pisidia.

RINALATAN 14:21 ပူးပေါင်းရင်းမြစ်များ

MATIUS 28:19

Ongoi kano ra ngaangai' bansa' ra titikop ru tana' ti am sauko' ilo no ra maamaya' Kuno. Riwo' ilo no ralalom inggalan ri Ama', Anak, am Ambiluo ri Aki Kapuuno'.

RINALATAN 13:14

Intor ra Pirga, tungguli' nilo poyo pangkiralanan nilai mongoi ra Antiokia ra libung ru Pisidia. Paat ra orou Sabat, minumpos ilo ra baloi sambayangan am nanturung ra giu'.

RINALATAN 13:51

Ginio ra kabuli' nilo jamol ru kalayam nilai ra saang ru ulun-ulun no koson rondo' pangkaraan intor ra paliso malaat nilai. Kakabuli' nilo ayuk am ugar ilo boo ongoi ra Ikonium.

RINALATAN 14:1

Giu' ra Ikonium pana nogondo' ayuk nasauk: Minongoi i Paulus am i Barnabas ra baloi sambayangan am sabap ra pambalaan nilo masuang ulun ru Jaudi am sala' ka Jaudi pana nangintopot ri Jisus.

RINALATAN 14:15

“Kua guat baalo' min gitio? Akai ti koson niayuk ramuyun, ulun ayuk toojo! Akai minongoi ragiti mampasaboi ra Tanou Moonsoi ramuyun koson mapainggalur ramuyun ra baal kolondo' onong ti am mapasaguli' ramuyun ri Aki Kapuuno' ondo' maayag. Io no ondo' niayuk nambaal ra limbowon, tana' ti, raat am ngaangai' suang nati.

RINALATAN 14:19

Mokoondo' kukula' ngaulun ru Jaudi minatong intor ra Antiokia giu' ra pagun Pisidia am poyo intor ra Ikonium. Ilo ti noyo nanusuk ra ulun masuang saboi minaya' ilo ayuk risilo. Ginio ra bobolo' nilo ra batu i Paulus am ralaato' io ra liwar ru bandar i sabap ra pangkaraan nilo i Paulus ti minatoi noyo.

RINALATAN 14:26

Intor ra giu' i saguli' ilo boo ra Antiokia. Bandar ragitio noyo nampataakan risilo ri Aki Kapuuno' ondo' nagalung toojo risilo buoi ra kandoi nilo nopongo.

RINALATAN 14:6

Kaa' napandayan ru rasul-rasul no ra naguguuman nilai ti, pagiru' ilo boo ra pagun Likaonia, iono bandar Listra am Darbi am ra libung ondo' nakainggaar no.

RINALATAN 14:7

Giu' i nampasaboi ilo boo ra Tanou Moonsoi.

RINALATAN 14:8

Giu' ra Listra mokoondo' sangulun ungkuyon ondo' kalo makalulu' intor ra io inanak am kalo igondo' makapantana'.

RINALATAN 15:36

Kukula' buoi boo ragili, indagu i Paulus ri Barnabas, “Ongoyo' takau poyo ilai' ulun-ulun Kristian ra ngaangai' nampasabayan takau ra bala' intor ra Tuhan i, koson mapandayan boo rumondon ilo kia mangintopot ra Tuhan.”

RINALATAN 16:2

Ngaangai' ulun Kristian ondo' minayan ra Listra am Ikonium nongompor ri Timotius.

RINALATAN 2:47

Mongongompor ilo ri Aki Kapuuno' am kaansayin ilo ru ngaangai' ulun. Moonong orou ruangin ru Tuhan suang nilo ra ulun ondo' bayagon ri Aki Kapuuno'.

2 TIMOTIUS 3:11

Okou nakakito noyo ra ati kulaan ru kaimbalaan am kapaganan kuli. Nakaintutun kou no ra ngaangai' atan ondo' nasauk giu' ra Antiokia, giu' ra Ikonium, giu' ra Listra am ngaangai' ru kaimbalaan kuli. Kaa' binayag aku ru Tuhan intor ra ngaangai' raginio.