RINALATAN 14:20 - Tanou Moonsoi Timugon

²⁰ Kaa' paat ra ulun-ulun nangintopot ri Jisus minongoi limpu riso, sukal io am subol saguli' ra bandar i. Io suabon, ugar io mabaya' ri Barnabas am minongoi ra Darbi.

RINALATAN 14:20 ပူးပေါင်းရင်းမြစ်များ

RINALATAN 11:26

Katuum no i Saulus, ibito' no ra Antiokia am buoi sambilor siminimpung ilo ra pasimpungan ulun Kristian ra giu' i liliwa' nangila' risilo. Giu' ra Antiokia noyo maamaya' ri Jisus kainsaa' sabiton ra ulun Kristian.

RINALATAN 11:29

Ginio ra ngaangai' maamaya' ri Jisus ra giu' i nangiou koson mangindangan ra ulun Kristian ra Judia; nangani' ilo maya' ra kamaanan ru sasangulun.

RINALATAN 12:17

Nangani' i Pitrus risilo ra pulanu koson mongkoror am tunungo' no ati kulaan Tuhan nagibit riso miningkual ra lamin pangaputan. Kono poyo, “Balai' min i Jakubus am ulun Kristian ra bokon ra atan ondo' nasauk raki' ti.” Kopongo ragili, iruani' boo ri Pitrus intok raginio am ongoi ra intok ra bokon.

RINALATAN 14:22

Nampaikang ilo ra ulun-ulun nangintopot am nangkimait risilo koson marayus mangintopot ri Jisus. “Masuang kapaganan matuum takau galing maa' raginio makaili' takau Pamarintaan ri Aki Kapuuno',” nangilaan nilo.

RINALATAN 14:28

Nabuoi i Paulus am i Barnabas minayan ra giu' i, nasisimpung ra ulun-ulun ondo' nangintopot ri Jisus.

RINALATAN 14:6

Kaa' napandayan ru rasul-rasul no ra naguguuman nilai ti, pagiru' ilo boo ra pagun Likaonia, iono bandar Listra am Darbi am ra libung ondo' nakainggaar no.

RINALATAN 16:1

Minongoi i Paulus ra Dirbi am Listra. Giu' ra Listra mokoondo' sangulun Kristian, inggalan nali i Timotius. Ina' nano ulun ru Jaudi, ondo' niayuk sangulun Kristian kaa' ama' nano ulun ru Junani.

RINALATAN 16:40

Iruani' boo ri Paulus am i Silas pangaputan i am ongoi ra baloi ri Lidia. Pakatuum ilo ra ulun Kristian ra giu' i, nampaikang ilo poyo ra pangintapatan nilai. Kopongo ragili ugar ilo boo.

RINALATAN 20:1

Pakalinos boo bandar Ipisus i, timungo' ri Paulus ulun Kristian am pambilin io koson mampaikang ra pangintapatan nilai. Ugar io boo ongoi ra Makidonia.

2 KORINTUS 6:9

Karaan akai ra kalo kauligan, kaa' matutunan akai niayuk ru ngaangai' ulun. Masalok akai makauma' ra baal makapatoi, kaa' ilai', maayag akai niayuk. Kabalu' pana imboloon akai, kaa' kalo poyo napatoi.