RINALATAN 14:17 - Tanou Moonsoi Timugon

¹⁷ Kaa' kalo linilianan No nangani' risilo ra tatandu' ra Io ti soroi ralalom ru binaal moonsoi Nano: Mamparatu' ra rasam intor ra limbowon am niayuk nampasalula' ra tutuu' ru tana' paat ra pangkawaan nano; mangani' Io po ra akanon am katasuan ru guang min.”

RINALATAN 14:17 ပူးပေါင်းရင်းမြစ်များ

1 RAJA'-RAJA' 18:1

Kalo nabuoi raginio, paat ra bilor katalu ru tampio no, indagu Tuhan ri Ilia, “Ongoi no uma' ra Raja' Agab sabap ra mampatuun Aku ra rasam.”

NIGIMIA 9:25

Ulun Muno nampagaau ra bandar-bandar ondo' mokoondo' ra kubu, tana' ondo' malabung, am baloi-baloi ondo' nososok ra rapu', tulubong ondo' kinali noyo, puun ru jaitun, puun ru kikinawa' am niayuk umo ru anggur. Nalabaan ilo ra akanon saboi mongolomok; nakasia' ilo ra ngaangai' taak Muno ondo' moonsoi.

AYUP 36:31

Ginio noyo ralan Nano mangani' ra akanon ra ulun, am manampos ra akanon ondo' masuang kaga'.

AYUP 37:6

Ais rumatu' ra tana' ti sumugut ra susuban Nano, am rasam maawas rumatu' sumugut ra susuban Nano.

AYUP 5:10

Rinasam No tana' am nanguas ra umo saboi maasa'.

MAZMUR 145:9

Moonsoi Io ra moonong ulun, am makaasi' ra ngaangai' binaal Nano.

MAZMUR 4:7

Masuang ulun makiasi', “Kasuango' barakat Muno ramon, iou Tuhan. Gama' ru mangiou Kou ramon.”

MAZMUR 52:1

Ra tingganai ru santimungan maririmbai. Sisindiron ri Daut,

JISAYA 22:13

Kaa' sala' boo maansukan kau am maantak. Nanimbalui kau ra domba am sapi', mangakan ra kual, am manginum ra wain, liliwa' mindagu, “Ibok pangakan am panginum takau sabap susuab no matoi takano.”

JISAYA 40:21

Kalo kia nakapandai kau? Kalo kia binalaan kau intor ra galing i? Sala' kia ka i Aki Kapuuno' namangun ra tana'?

JISAYA 5:6

Polosoon ku tuwin io ru alab. Puun ru anggur kalo boo indaanin ku kapoam intawangin ku. Kaa' polosoon ku malungkutan ru kusingan. Ompolon ku poyo gaun maa' raginio kalo mamparatu' io ra rasam.”

JIRIMIA 14:22

Kolondo' dewa ru bansa'-bansa' makapamparatu' ra rasam; limbowon pana kalo makapamparatu' ra rasam. Iou Tuhan, i Aki Kapuuno' mai, Okou no rorondo' ayuk kalansanan mai, sabap ra Okou no ondo' nangkinibit ra ngaangai' no nasauk.

JIRIMIA 5:24

Kalo igondo' min karaa' koson mangurumat Raki', alika Aku noyo nangator ra rasam bulintok raun matutu' am bulintok mambusak. Nangani' Aku niayuk ramuyun ra bulintok mangkumos ra moonong bilor.

YEHEZKIEL 34:26

Mambarakat Aku risilo am mangiou risilo maayag ra libung ru bulur Kuno ondo' matulai. Giu' no mambarakat Aku risilo ra rasam bulintok ra ilo makapakuan no.

JOIL 2:23

“Pakaansuk kano, akau mamagun ru Sion, pakaansuk kano sabap ra atan ondo' binaal ru Tuhan, i Aki Kapuuno' min ramuyun; Nangani' Io ra rasam ondo' maukop bulintok raun tumutu', Namparatu' Io ra rasam bulintok ra masimu' am rasam bulintok ra mambusak koson ragili.

IMAMAT 26:4

mapatuun Aku ra rasam ra matuma' paat no maa' raginio makapanangampos tana' mino am mangkawa' puun-puun no.

MATIUS 5:45

maa' raginio masauk kau ra anak ru Ama' min giu' ra suruga'. Sabap ra pinoloso ri Aki Kapuuno' mato ru orou Nano sumirang ra ngaangai' ulun ondo' moonsoi am malaat. Io niayuk mampatuun ra rasam no ra ngaangai' ulun, ondo' mambaal ra moonsoi am niayuk ondo' mambaal ra malaat.

LUKAS 6:35

Kaa' akau, tagami' noyo pantula' mino am koonsoi kau risilo. Pairaa' min ayuk am pai' kau kalansan maalap saguli'. Amon ru koson raginio, maayo ampos mino am akau masauk ra anak ri Aki Kapuuno' Ondo' Masawat Kaga'. Sabap ra moonsoi Io toojo ra ulun ondo' kalo mapandai maringkuanang am ra ulun ondo' malaat niayuk.

RINALATAN 14:18

Kaa' kabalu' pana minindagu ilo koson raginio, mamaar ilo kalo makapanginga' ra ulun manimbalui ra taak nilo risilo.

RINALATAN 17:26

Intor ra sangulun ayuk nakapambaal Io ra nansalinut bansa' am pinaayan No ilo ra ati ayuk intok ra tana' ti. Intor ra galing i noyo inaru' No niayuk ra atan ayuk masauk risilo am ati ayanan nilo.

SAGULION 11:14

Amon ru mambaal kau koson raginio, mamparatu' Io ra rasam ra tana' min ra bulintok nano, bulintok mopongo mangkumos am bulintok tumalimpuun mantanom. Koson raginio boo mokoondo' kau ra gandum, wain, umau jaitun,

SAGULION 28:12

Tuhan mamparatu' ra rasam ra bulintok nano intor ra intok pambulian ra rasam giu' ra limbowon; mambarakat Io ra ngaangai' kandoi min maa' raginio makapapaira' kau ra masuang bansa', kaa' akau galama' kalo boo magira' ra atan pana intor ra osoi pana.

1 TIMOTIUS 6:17

Pinsono' noyo ilo ondo' langkaya' ra kalo noyo minsawat guang am kalo lumansan ayuk ra kalangkayaan nilai ti, ondo' kalo noyo makapantilayun. Kaa' moonsoi ru lumansan ilo ayuk ri Aki Kapuuno' ondo' mangani' ritakau ra ngaangai' ru kalangkayaan Nano koson ra katasuan takau.