RINALATAN 14:14 - Tanou Moonsoi Timugon

¹⁴ Paat ri Barnabas am i Paulus nokorongog ra kasagaan nilai, rilako' nilo bayang nilai am pasimbul ilo ra tatanga' ru ulun masuang am pompogolok,

RINALATAN 14:14 ပူးပေါင်းရင်းမြစ်များ

2 RAJA'-RAJA' 18:37

I Iliakim, i Sibna am i Joa pana namparilak boo ra bayang nilo sabap ra mangiluk. Pinabala' nilo ragu-ragu ru pagawai ru Asyur no ra Raja' Gijkia.

2 RAJA'-RAJA' 5:7

Pakabasa' raja' ru Israil ra surat no, rilako' no bayang nano sabap ra mangiluk guang. Kono, “Ati kulaan raja' ru Siria no makitaak raki' mamabas ra ulun ti? Mangkara' io nua' ra aku ti i Aki Kapuuno' ondo' makakuasa' koson mamayag am mamatoi ra ulun? Maaru' maguyum-guyum io ra sasaban koson makimansangor raki'!”

JIRIMIA 36:24

Kaa' raja' kapoam pagawai-pagawai ondo' nokorongog ra ngaangai' no kalo malaa' kapoam nampakito ra pansagulian guang.

UNTABAN 14:6

Ruo ngaulun intor ra ulun pansigo no, i Josua anak ri Nun am i Kalib anak ri Jipuni, naparilak ra bayang nilo ra tayar ru tatandu' mangiluk guang.

MATIUS 26:65

Tingganai Maayo Imam Jaudi ti pana namparilak ra bayang nali galama' am indagu, “Nagasab Io ri Aki Kapuuno'! Raino kalo pana maguyum takau ra sasi'. Akau ngai' nakaining atan rinagu Nani, ra magasab ri Aki Kapuuno'.

MARKUS 14:63

Rilako' ru Tingganai Maayo Imam Jaudi i bayang nali galama', sabap ra nakatigog am siminangit io toojo nakaining ra ragu ri Jisus ni am indagu, “Kalo pana rongogon sasi' ra bokon!

RINALATAN 14:4

Kaa' mamagun ru bandar i nansasangor ra rondo' am bokon: mokoondo' santayaran ondo' minaya' ra ulun ru Jaudi am santayaran i poyo minaya' ra rasul-rasul no.

1 KORINTUS 9:1

Kalo boo uliponon aku ru kaulayan ru Jaudi. Aku ti sangulun rasul. Nakakito aku no toojo ri Jisus, Tuhan takau am akau no ampos ru kandoi kuli.