RINALATAN 13:50 - Tanou Moonsoi Timugon

⁵⁰ Kaa' ulun ru Jaudi nanusuk ra tingganai ru bandar raginio am poyo ruandu' kauligan ondo' nangintopot ri Aki Kapuuno' am sala' ka Jaudi. Pinasalula' nilo boo ra rondo' imbolo' ri Paulus am i Barnabas, saboi pinaugar ilo karuo intor ra libung nilai.

RINALATAN 13:50 ပူးပေါင်းရင်းမြစ်များ

1 RAJA'-RAJA' 21:25

Kolondo' osoi pana ondo' igondo' nambaal ra malaat ra pagilangan ru Tuhan nakasail intor ra Raja' Agab – ngaangai' ru kalaatan no binaal sabap ra nasusuk ru andu' nano i Ijibil.

JISAYA 66:5

Rongogo' noyo ragu ru Tuhan, akau ngai' ondo' malaa' am gumagaya' Riso: “Sabap ra akau gumagaya' Raki', santayaran intor ra bansa' mino galama' masisang am mangimpai ramuyun. Magasab ilo ramuyun am mindagu, ‘Polosoon noyo Tuhan mapaintalang ra katulayan Nano am mamayag ramuyun, maa' raginio makakito akai ra akau maansukan.’ Kaa' ilo galama' tauyuon.

AMOS 7:12

I Amajia pana mindagu boo ri Amos, “Okou nabi, uli' no ra Jiuda! Raguo' manala' ra giu' no. Polosoon ilo ondo' mangani' ra akanon rirun!

MATIUS 10:23

Paat ra akau imboloon ra rondo' pekan, pagiru' no ra pekan ra bokon. Mindagu Aku ramuyun: Ra kalo poyo masuku' min ngaangai' pekan ru Israil, Anak ru Ulun rumatong noyo.

MARKUS 5:17

Kitaako' boo ru ulun-ulun no i Jisus mangiruan ra intok nilo.

RINALATAN 13:43

Pakaingkual boo ngaangai' ulun intor ra baloi sambayangan i, masuang ulun siminunu' ri Paulus am i Barnabas, ilo ti am ulun ru Jaudi am niayuk ulun sala' ka Jaudi ondo' siminubol noyo ra ugama Jaudi. Pambilin ruo ngaulun rasul i risilo koson marayus malansan ra asi' ri Aki Kapuuno'.

RINALATAN 13:45

Kaa' paat ra ulun ru Jaudi nakakito ra ulun masuang no, nangusolon ilo toojo. Inanggal nilo ngaangai' rinagu ri Paulus saboi nagasab riso.

RINALATAN 14:19

Mokoondo' kukula' ngaulun ru Jaudi minatong intor ra Antiokia giu' ra pagun Pisidia am poyo intor ra Ikonium. Ilo ti noyo nanusuk ra ulun masuang saboi minaya' ilo ayuk risilo. Ginio ra bobolo' nilo ra batu i Paulus am ralaato' io ra liwar ru bandar i sabap ra pangkaraan nilo i Paulus ti minatoi noyo.

RINALATAN 14:2

Kaa' ulun ru Jaudi ondo' kalo nangintopot nanusuk poyo ra ulun sala' ka Jaudi saboi nasisang ilo ra ulun ondo' nangintopot ri Jisus.

RINALATAN 14:4

Kaa' mamagun ru bandar i nansasangor ra rondo' am bokon: mokoondo' santayaran ondo' minaya' ra ulun ru Jaudi am santayaran i poyo minaya' ra rasul-rasul no.

RINALATAN 14:5

Ginio ra pupus ti ulun ru Jaudi am tingganai nilai nababaya' ra ulun sala' ka Jaudi pana naguguum mangimbolo' ruo ngaulun rasul no ra bobolon ilo ra batu.

RINALATAN 16:14

Sangulun intor risilo i, i Lidia, ondo' mantatalan ra konoon matanggilung. Io no intor ra Tiatira am nangintopot ri Aki Kapuuno'. Ginio ra ukabo' ri Aki Kapuuno' guang nano koson nangapu ra pangilaan ri Paulus.

RINALATAN 17:12

Masuang intor risilo nangintopot ri Jisus. Masuang poyo ruandu' kauligan kaga' am niayuk ungkuyon Junani nangintopot ri Jisus.

RINALATAN 17:13

Mokoondo' ulun ru Jaudi giu' ra Tisalonika nakaining ra i Paulus nampasaboi ra bala' intor ri Aki Kapuuno' giu' ra Biria poyo. Ginio ra ongoi ilo ra Biria am panusuk ilo ra ulun ra giu' i kumuliangi-angi.

RINALATAN 17:17

Ginio boo ra, nakimansusunur i Paulus baal raginio giu' ra baloi sambayangan ra ulun ru Jaudi am ulun sala' ka Jaudi pana ondo' sumamba ri Aki Kapuuno'. Giu' ra pasar niayuk moonong orou nakimansunur io ra osoi ayuk mokoondo' ra giu' i.

RINALATAN 17:4

Mokoondo' kukula' ngaulun intor risilo nangintopot am minaya' ilo boo ri Paulus am i Silas. Koson niayuk ra masuang poyo toojo ulun ru Junani ondo' sumamba ri Aki Kapuuno' am niayuk masuang ruandu' kauligan kaga'.

RINALATAN 18:7

Ginio ra iruani' no ilo am ongoi ayan ra rondo' baloi ondo' nansapapa' ra baloi sambayangan. Tatangan ra baloi ti am sangulun sala' ka Jaudi makainggalan ri Titius Justus, ondo' sumamba ri Aki Kapuuno'.

RINALATAN 2:5

Paat ragili masuang ulun ru Jaudi intor ra nansusuai pagun ru tana' ti minongoi ra Jirusalim. Ilo ti am ulun ondo' sumamba ri Aki Kapuuno'.

RINALATAN 21:27

Paat ra tulu' ngoorou maar maampus, kukula' ngaulun ru Jaudi intor ra pagun Asia minongoi ra Baloi Tuhan ti am nakito nilo i Paulus ra giu' i. Ginio ra susuko' nilo ulun masuang am rokopo' nilo i Paulus.

RINALATAN 28:17

Pakasail nataluan, timungo' ri Paulus tingganai-tingganai ru ulun ru Jaudi. Pakatimung ilo, pambala' boo i Paulus, kono, “Pabukat kau ngaangai'! Kolondo' sala kuno ra bansa' takau galama', kapoam kalo minanggal aku ra kaulayan ru kinamatuaan takali. Kabalu' pana koson raginio, rinakop aku niayuk giu' ra Jirusalim am pinataak aku ra ulun ru Roma.

RINALATAN 6:12

Nanusuk ilo niayuk ra ulun masuang, tingganai ru ulun ru Jaudi am poyo mangingila' ra Ukum ri Musa, saboi ongoyon nilo rokopo' i Stipanus koson bisaraan giu' ra Majlis Ugama.

RINALATAN 8:1

I Saulus niayuk nangiou ra namatayan ri Stipanus. Orou ragili niayuk pasimpungan ulun Kristian ra Jirusalim inimbolo' ra maaja'. Ngaangai' ulun nangintopot nantutuliar pagiru' ra Judia am niayuk Samaria, kaa' rasul-rasul ayuk kalo.

ROMA 10:2

Mampaintutun aku ra ilo ti mirot toojo mangandoi ri Aki Kapuuno', kaa' binaal nilono kalo inimpuun ra katutunan intor ri Aki Kapuuno'.

2 KORINTUS 11:26

Buoi ra pangkiralanan kutu, magail aku ayuk makakapaganan; masakaban am matakawan, inuupan aku ru ulun ru Jaudi am niayuk ulun sala' ka Jaudi. Makakapaganan aku ra bandar, liwar ru bandar am niayuk giu' ra raat, am poyo tinipagon aku ru ulun ondo' migiangku ra ilo Kristian.

1 TISALONIKA 2:14

Pabukat ku ngai', akau pana nakaliman ra atan ondo' nasauk ra pasimpungan ulun Kristian giu' ra Judia, ioginio ilo ondo' nangintopot ri Jisus Kristus. Kaimbalaan ondo' malimanan min ti intor ra bansa' min galama', mogondo' niayuk ra sauk ru ulun Kristian ru Judia ra ilo inimbolo' ru ulun ru Jaudi.

2 TIMOTIUS 3:11

Okou nakakito noyo ra ati kulaan ru kaimbalaan am kapaganan kuli. Nakaintutun kou no ra ngaangai' atan ondo' nasauk giu' ra Antiokia, giu' ra Ikonium, giu' ra Listra am ngaangai' ru kaimbalaan kuli. Kaa' binayag aku ru Tuhan intor ra ngaangai' raginio.