RINALATAN 13:46 - Tanou Moonsoi Timugon

⁴⁶ Kaa' mulu' piboo i Paulus am i Barnabas makakau' mindagu, konilo, “Akau no galing sotopot no papasabayan ra bala' intor ri Aki Kapuuno' ti. Kaa' kalo inapu min am pangkaraan min poyo ra kalo noyo maaya' kau mokoowot ra kaayagan motopot am mantilayun ti. Ginio sabap ra akau iruanin mai am mongoi akai poyo ra ulun sala' ka Jaudi.

RINALATAN 13:46 ပူးပေါင်းရင်းမြစ်များ

AMSAL 28:1

Ulun malaat masimbul kabalu' pana kolondo' ulun mangilou risilo, kaa' ulun mabanis guang baani koson ra singa'.

JISAYA 55:5

Piawon min bansa'-bansa' suai, am magindibok ilo matong ramuyun, sabap ra Aku, Tuhan i Aki Kapuuno' min, i Aki Kapuuno' matulai ru Israil, sabap ra Aku manulai ramuyun.”

YEHEZKIEL 2:5

Ulun giminuor no rumongog rirun kapoam kalo, makapandai ilo ra mokoondo' nabi ra ilo po ngai'.

MATIUS 10:6

Kaa' ongoi kau ayuk ra ulun ru Israil, domba ondo' timinanggau.

MATIUS 21:41

Taam ilo, “Maaru' potoyon no ngaangai' ulun malaat i, am pasiwain no boo umo ru anggur nano ra ulun bokon ondo' masaga' mantayar ra nakumos i paat masuku' orou pantayaran.”

MATIUS 21:43

“Karaa' min,” ragu ri Jisus, “Barakat ru Pamarintaan ri Aki Kapuuno' alapon intor ramuyun am pataakin ra bansa' ondo' gumagaya' ra panusuban ri Aki Kapuuno'.” [

MATIUS 25:46

Akau ti ukumin ra ukum mantilayun, kaa' ulun motopot mokoowot ra kaayagan mantilayun.”

LUKAS 24:47

Am poyo, Tanou Moonsoi ti musiti' potonowon ra ngaangai' bansa' ru tana' ti, tumalimpuun intor ra Jirusalim. Maa' raginio ralalom inggalan Kuno tumalikur ilo intor ra tula nilono bagu ampunon ilo ri Aki Kapuuno'.

JUANIS 1:11

Minatong Io ra intok Nano galama', kaa' bansa' Nano galama' kalo nangapu Riso.

JUANIS 4:22

Akau ulun ru Samaria sotopot no kalo makatutun osoi sambaan min; kaa' akai ulun ru Jaudi nakatutun osoi sambaan mai, sabap ra pamayagan matong intor ra bansa' ru Jaudi.

RINALATAN 13:14

Intor ra Pirga, tungguli' nilo poyo pangkiralanan nilai mongoi ra Antiokia ra libung ru Pisidia. Paat ra orou Sabat, minumpos ilo ra baloi sambayangan am nanturung ra giu'.

RINALATAN 13:26

Pabukat kau ngaangai', papag ri Abragam am niayuk ngaangai' sala' ka Jaudi ondo' sumamba ri Aki Kapuuno'; itakau no napasabayan ra Tanou pamayagan no.

RINALATAN 13:5

Pakasaboi ra Salamis, nampasaboi ilo ra bala' ri Aki Kapuuno' ra baloi sambayangan. Nangindangan i Juanis Markus risilo.

RINALATAN 19:9

Kaa' mokoondo' intor risilo i mokotog guang am kalo nangintopot, am nagasab ilo poyo ra pamayagan ri Aki Kapuuno' ra saang ru ulun masuang. Ginio ra i Paulus pana nangiruan risilo am ibito' no ulun ondo' nangintopot noyo ri Jisus am moonong orou nangila' io risilo giu' ra intok igigilaan ri Tiranus.

RINALATAN 22:21

Kaa' indagu poyo Tuhan i raki', ‘Ugar no, sabap ra Aku noyo mopoongoi rirun ra intok maalur, mongoi ra ulun ondo' sala' ka Jaudi.’ ”

RINALATAN 26:20

Ginio ra mambala' aku toojo ra ulun ra musiti' ilo tumalikur intor ra tula nilo am sumaguli' ri Aki Kapuuno', am niayuk maayag ra matanda'. Giu' ra Damsyik galing nambalaan kuno raginio, giu' poyo ra Jirusalim am niayuk ngaangai' ru Judia am poyo intok ru ulun sala' ka Jaudi.

RINALATAN 28:28

Pupus no indagu boo i Paulus, “Balain takamin: Raino ti pambalaan ru pamayagan intor ri Aki Kapuuno' pinabala' noyo ra bansa' ondo' sala' ka Jaudi. Ilo ti masaga' mangkirongog.” [

RINALATAN 3:26

Ginio sabap ri Aki Kapuuno' nampili' am nanusub ra Ulipon Nano matong ramuyun galing koson mambarakat Io no ramuyun. Binaal No ginio koson akau ngaangai' tumalikur intor kiralan ru bayag min ra malaat.”

RINALATAN 4:13

Ulun ru Majlis Ugama nangimuag magilong ra kinabaani ri Pitrus am i Juanis, am poyo katutuni' nilo karuo rasul ti sala' ka ulun maatang am kolondo' sikul. Katutuni' nilo boo ruo ngaulun rasul ti rangan toojo ri Jisus.

RINALATAN 7:51

Mapara' boo kotog ru guang min! Mapara' pagon mino mangkirongog ra bala' ri Aki Kapuuno'! Nogondo' kau ra kinamatuaan mini, masalok manggal kau ra Ambiluo ri Aki Kapuuno'!

RINALATAN 9:20

Minongoi io ra ngaangai' baloi sambayangan ra giu' i am timinalimpuun mampatanou ra i Jisus i noyo Anak ri Aki Kapuuno'.

ROMA 1:16

Ginio ra mangintopot aku toojo ra Tanou Moonsoi ti mampakito ra kuasa' ri Aki Kapuuno' mamayag ra ngaangai' ulun ondo' mangintopot ri Jisus, kasaa' ra ulun ru Jaudi am niayuk ra bansa' ra bokon.

ROMA 2:10

Kaa' moonong ulun ondo' mambaal ra moonsoi aniin ri Aki Kapuuno' ra katulayan, urumat am kaansayan; kasaa' ra ulun ru Jaudi am niayuk sala' ka Jaudi.

SAGULION 32:21

Mangkinibit ilo Raki' mangusolon ra ondo' sala' ka Aki Kapuuno', am sumangit ra sinungkalalaing nilo. Ginio ra mangkinibit Aku risilo sumangit ra ondo' sala' ka bansa'. Mangkinibit Aku risilo mangusolon ra bansa' ondo' sasambungon.

PILIPI 1:14

Am sabap ra kinibit ra aku inaput ti, masuang boo ulun Kristian intor ra bandar ragitio mangintopot poyo toojo ra Tuhan, saboi mulu' ilo poyo makakau' mampasaboi ra bala' Nano ra kolondo' kalaanan nilo.

IBRANI 11:34

Mokoondo' niayuk nampalasa' ra apui makalalaa', mokoondo' nakapagiru' paat ra inuupan ru ulun makakinandoi. Malawo ilo kaa' nasauk ilo ra maikang, am makakau' ilo saboi nangala ilo ra saujor ru pagun ra bokon.