RINALATAN 13:36 - Tanou Moonsoi Timugon

³⁶ Sabap ra sinugut noyo ri Daut ondo' nanusuban ri Aki Kapuuno' paat ra io naayag. Io pana patoi am linobong ra labangan ru kinamatuaan nano. Baangkai nali pana napasa'.

RINALATAN 13:36 ပူးပေါင်းရင်းမြစ်များ

KASAUKAN 3:19

Okou matipatoi mangandoi am rasangon koson mambaal ra tana' ti manangampos saboi sumaguli' kou ra tana' ti sabap intor ra tana' ti okou sinauk. Ginio nai ra okou sinauk intor ra tana' am sumaguli' kou niayuk ra tana'.”

2 SAMUIL 7:12

Amon ru saboi ra pupus ru bayag muno, am lobongon kou ra kalabangan ru kinamatuaan muno, sangulun intor ra anak ungkuyon muno saukon Ku ra raja', am kapioton Ku pamarintaan nano.

1 RAJA'-RAJA' 2:10

Raja' Daut minatoi am linobong giu' ra Bandar Daut.

1 TUNUNG RU BANSA' ISRAIL 11:2

Intor ragili, am poyo paat ra Raja' Saul lakat poyo namarinta ramon, okou naningganai ra saujor ru Israil giu' ra intok pangayawan. Am poyo ra Tuhan i Aki Kapuuno' muno raja' nambantu' ra okou raja' naningganai ra ulun Nano am nasauk ra mamarinta risilo.”

1 TUNUNG RU BANSA' ISRAIL 17:11

Paat ra masaboi patayan muno, am lobongon kou giu' ra kalabangan ru kinamatuaan muno, lantikon Ku sangulun intor ra anak ungkuyon muno masauk ra raja', am ikangon Ku pamarintaan nano.

1 TUNUNG RU BANSA' ISRAIL 18:14

Raja' Daut namarinta ra titikop Israil am nanutun maa' raginio mamagun nano masalok matimpok am moonsoi pamakuan no.

1 TUNUNG RU BANSA' ISRAIL 29:28

Io no langkaya' am inurumat kaga', am minatoi ra matutuo noyo kaga'. I Salomo, anak nano nasauk ra raja' minalit riso.

2 TUNUNG RU BANSA' ISRAIL 12:16

Raja' Rigabiam minatoi am linobong giu' ra kalabangan ru raja' giu' ra bandar Daut, am anak ungkuyon nano, i Abia, namalit riso koson ra raja'.

2 TUNUNG RU BANSA' ISRAIL 21:1

Raja' Josapat minatoi am linobong giu' ra kalabangan ru raja' giu' ra Bandar Daut, am anak ungkuyon nano i Jigoram minalit riso koson ra raja'.

2 TUNUNG RU BANSA' ISRAIL 26:23

Raja' Ujia minatoi am linobong giu' ra tana' kalabangan ru kinamatuaan nano, kaa' sabap ra maruol nano kalo linobong io giu' ra kalabangan ru raja'. Kopongo raginio anak ungkuyon nano i Jotam minalit riso koson ra raja'.

2 TUNUNG RU BANSA' ISRAIL 9:31

Io minatoi am linobong giu' ra Bandar Daut. Anak nano, i Rigabiam minalit riso koson ra raja'.

AYUP 17:14

Inggalanin ku lobong ra ‘ama' kuno’, am lingguang ondo' mangakan ra inan kuno sabiton ku ra ‘ina' kuno’ am ‘pabukat ku ra ruandu'’.

AYUP 21:26

Kaa' giu' ra ralalom ru lobong ilo ngaangai' nababaya' nakalangan; linibungan ru ulor am lingguang.

MAZMUR 49:14

Ginio noyo nasip ru ulun ondo' mangintopot ra inan nilo galama', am nasip ru ulun ondo' maringkuanang ra linangkayaan nilo.

MAZMUR 49:9

sabap ra logo papalabusan ra ulun no mologo kaga'; atan ondo' pabayaron nano kalo noyo makaukop

MATIUS 25:16

Ulipon ondo' inanian ra limo ngaribu ruit mas ti parayus ongoi palaburo' ruit ra tinaakan riso, am pakaalap limo ngaribu poyo.

JUANIS 11:39

Indagu i Jisus, “Insiro' min batu no.” Kaa' i Marta, pagaka' ru minatoi i, timinaam, “Tuhan, maaru' mootong noyo baangkai no, naapatan noyo io linobong.”

RINALATAN 13:22

Kopongo i Saul ininggi', papalito' ri Aki Kapuuno' i Daut koson ra raja' nilo. Gitio ragu ri Aki Kapuuno' ri Daut, ‘Napandayan Ku i Daut, anak ri Isai, kasagaan ru guang Kuno, am niayuk gumagaya' io ra ngaangai' susuban Kuno.’

RINALATAN 2:29

“Pabukat ku ngaangai', raino balain takamin toojo ondo' nasauk ra raja' Daut i, sangulun kinamatuaan takali. Minatoi io am nolobong noyo, am saboi raino lobong nano pana lakat ayuk poyo soroi ra tatanga' takau.

RINALATAN 20:27

Kalo igondo' aku nompoloso ra kandoi kutu koson mambala' ramuyun ra ngaangai' kasagaan ri Aki Kapuuno' no ramuyun.

RINALATAN 7:60

Igulatur io am pompogolok poyo ra mosongou, “Tuhan, pai' polosoo' tula ti sumaboi risilo!” Paat ragili niayuk i Stipanus minatoi.

RINALATAN 8:1

I Saulus niayuk nangiou ra namatayan ri Stipanus. Orou ragili niayuk pasimpungan ulun Kristian ra Jirusalim inimbolo' ra maaja'. Ngaangai' ulun nangintopot nantutuliar pagiru' ra Judia am niayuk Samaria, kaa' rasul-rasul ayuk kalo.

1 KORINTUS 15:18

Arati' no poyo ra ulun Kristian ondo' minatoi pana kolondo' boo kalansanan.

1 KORINTUS 15:6

Kopongo ragili igondo' Io po minintalang ra maamaya' Nano ondo' suang olo'-olo' limo ngaatus ngaulun. Kasuangan nilono lakat ayuk poyo maayag, kaa' kukula' ngaulun minatoi noyo boo.

1 TISALONIKA 4:13

Pabukat ku ngai', masaga' akai ra akau makapandai ra sauk ru ulun namagatoi, maa' raginio kalo mangiluk guang min, koson ra ulun ondo' kolondo' kalansanan no.