RINALATAN 13:32 - Tanou Moonsoi Timugon

³² Raino akai mampasaboi ra Tanou Moonsoi ti ramuyun: Atan ondo' binantu' ri Aki Kapuuno' ra kinamatuaan takali,

RINALATAN 13:32 ပူးပေါင်းရင်းမြစ်များ

KASAUKAN 12:3

Barakaton Ku ilo ondo' mambarakat rirun, kaa' ulason Ku ilo ondo' magulas rirun. Sabap ra okou no, barakaton Ku ngaangai' bansa' ra tana' ti.”

KASAUKAN 22:18

Ngaangai' bansa' ra tana' ti makibarakat ilo Raki' koson niayuk ra Aku nambarakat ra papag muno, sabap ra ginagaya' mu susuban Kuli.”

KASAUKAN 26:4

Aniin Tokou ra papag masuang, koson kinasuang ru butitin giu' ra limbowon am pataakon Ku risilo titikop ru wilayah ti. Ngaangai' bansa' ra tana' ti makibarakat Raki' koson ra Aku nambarakat noyo ra papag muno.

KASAUKAN 3:15

Okou am ruandu' raginio mansisang, papag nano am papag muno magail mantutula'. Papag nano mamabak ra ulu muno am okou maninduk ra tunob nilono.”

KASAUKAN 49:10

Mampaguut i Jiuda ra susukur ru parinta. Papag nano magail mamarinta. Bansa'-bansa' magibit ra upiti riso, am migulatur ra guang gumagaya' ra saang nano.

JISAYA 11:1

Papag ri Raja' Daut koson ra puun ondo' tinagar. Kaa' koson ra talantar bagu tumuu' ra tuor ru puun tataun, koson niayuk ra sangulun raja' bagu ondo' sumalula' intor ra papag ri Raja' Daut.

JISAYA 40:9

Okou Jirusalim, pangkiwa' no ra bujuk ru gunung ondo' masawat am pabalaa' noyo tanou moonsoi! Okou Sion, pampiau no ra bolos matangil am potonowo' noyo tanou moonsoi! Pampiau no am pai' kalaa'. Balai' noyo bandar-bandar giu' ra Jiuda ra i Aki Kapuuno' nilo matong!

JISAYA 41:27

Aku Tuhan, Aku noyo nakapagulu napatanou ra babaal raginio ra Sion; Aku nangator ra ulun sinusub giu' ra Jirusalim koson mapasaboi ra tanou moonsoi, ‘Ilai' noyo bansa' mino rumatong! Ilai' noyo ilo minuli'!’

JISAYA 52:7

Mapara' piboo bonsoi magilong ra ratangan ru ulun sinusub; mugar io mansail ra kagunungan am magibit ra tanou moonsoi, tanou pababansayan, tanou pamayagan ra tayar Sion; kono, “I Aki Kapuuno' muno Raja'!”

JISAYA 61:1

Kuasa' ru Tuhan Ondo' Masawat Kaga' soroi raki'; Io nampili' raki' am nanusub raki' koson mapatanou ra tanou moonsoi ra ulun musikin, koson mapatapuli' ra ulun natutuk guang, koson mapatanou ra ulun rinakop ra ilo palabuson mataki', am ra ulun-ulun ralalom ru pangaputan ra paingkualon ilo.

JISAYA 7:14

Raino, Tuhan galama' manaak rirun ra tatandu': sangulun ralaa ondo' maapang maganak ra sangulun anak ungkuyon ondo' inggalanin ri ‘Imanuil’.

JIRIMIA 23:5

Indagu Tuhan, “Masaboi paat no ra mampalantik Aku ra sangulun raja' ondo' matimpok intor ra papag ri Daut. Mamarinta raja' no ra matanda', am mambaal ra atan ondo' matimpok am motopot giu' ra titikop pagun.

YEHEZKIEL 34:23

Pasaukon Ku sangulun ra raja' koson ri Daut, ulipon Kuno, koson masauk ra rorondo' magagalung risilo, am magalung io risilo.

MIKA 5:2

Ginio ra nompoloso Tuhan ra ulun Nano kinuasa' ru pantula' saboi ruandu' ondo' maganak no makapaganak ra anak ungkuyon nano. Kopongo raginio ulun ralalom pamatiran tumimung saguli' mabaya' ra bansa' nilo.

AGAI 2:7

Luiron Ku ngaangai' pamarintaan am ngaangai' rapu' nilo ibiton ra giti, saboi Baloi Kuno mososok ra kalangkayaan.

JAKARIA 13:1

Mindagu Tuhan Ondo' Maayo Kaga' Kuasa', “Paat raginio ra tauli no, rondo' taur ru timug sumalula' koson mamasau ra papag ri Daut am mamagun ru Jirusalim intor ra tula am sumamba ra sinungkalalaing ondo' binaal nilo.

JAKARIA 13:7

Mindagu Tuhan Ondo' Maayo Kaga' Kuasa', “Tirong no, okou ilang, am bulunsaro' magagalung ondo' mangandoi Raki'! Potoyo' io maa' raginio domba sampanon nano mantutuliar. Bulunsaron Ku ulun Kuno,

JAKARIA 6:12

Balai' io ra Aku, Tuhan Ondo' Maayo Kaga' Kuasa' mindagu, ‘Ulun ondo' sabiton ri Talantar nakasugut giu' ra intok sinarayan nano, am mambaal io saguli' ra Baloi ru Tuhan.

JAKARIA 9:9

Pakaansuk kano, akau mamagun ru Sion! Pagitapap kano, akau mamagun ru Jirusalim! Ilai', raja' min matong! Matong io ra katulayan am kamanangan, kaa' ra minggana' guang, matong io nangura' ra kaladai, am nangura' ra anak kaladai ondo' mamulok.

MALIAKI 3:1

Tumaam Tuhan Ondo' Maayo Kaga' Kuasa', “Atarin Ku ulun sinusub Kuno koson manampos ra ralan Kuno. Pulusat ru Tuhan ondo' uyumon min, matong ra Baloi ru Tuhan. Ulun sinusub Kuno ondo' inaanin min matong am mampatanou ra nabantuan Kuno.”

MALIAKI 4:2

Kaa' akau ondo' gumagaya' Raki', kuasa' Kuno ondo' mamayag ramuyun sumirang koson ra mato ru orou, am kuasa' Kuno mangani' ra pamabasan koson ra sinda mato ru orou. Makalabus kau am maansukan koson ra anak ru sapi' ondo' pinaingkual intor ra kandang.

LUKAS 1:19

Taam malaikat no, “I Gabriil aku. Mangandoi aku ri Aki Kapuuno'. Io nanusub raki' mampasaboi ra pambalaan moonsoi ti rirun.

LUKAS 2:10

Kaa' indagu malaikat no, “Pai' kalaa'! Aku ti minatong nagibit ra tanou moonsoi ramuyun. Tanou ragitio mampakaansuk ra ngaangai' ulun.

RINALATAN 10:36

Nakapandai kau noyo ra bala' ondo' pinasaboi ri Aki Kapuuno' ra bansa' ru Israil. Ginio noyo Tanou Moonsoi intor ra pabansayan ralalom inggalan ri Jisus Kristus, Tuhan ru ngaangai' ulun.

RINALATAN 13:23

I Jisus ti noyo papag ri Daut am sinauk Io ri Aki Kapuuno' ra Mamamayag ra ulun ru Israil sumugut ra bantu' Nali.

RINALATAN 13:38

Ginio boo ra pabukat kau ngaangai', intutun kano toojo ra ralalom inggalan ri Jisus noyo tanou ti posoboyon ramuyun, koson ra tula mino maampun. Osoi ayuk mangintopot Riso makalabus intor ra ngaangai' tula ondo' kalo maalap kapuso ru Ukum ri Musa.

RINALATAN 14:15

“Kua guat baalo' min gitio? Akai ti koson niayuk ramuyun, ulun ayuk toojo! Akai minongoi ragiti mampasaboi ra Tanou Moonsoi ramuyun koson mapainggalur ramuyun ra baal kolondo' onong ti am mapasaguli' ramuyun ri Aki Kapuuno' ondo' maayag. Io no ondo' niayuk nambaal ra limbowon, tana' ti, raat am ngaangai' suang nati.

RINALATAN 26:6

Raino bisaraan aku ragiti sabap ra lakat aku poyo mangintopot ra bantu' ri Aki Kapuuno' ra kinamatuaan maili.

RINALATAN 3:19

Ginio nai ra, talikur kano intor ra tula mino am saguli' kano ri Aki Kapuuno', maa' raginio pusoon No ngaangai' tula mino.

RINALATAN 5:42

Moonong orou, giu' ra Baloi Tuhan kapoam baloi ru ulun niayuk, kalo linanggaan nilo mangila' am mampabala' ra Tanou Moonsoi, ra i Jisus noyo Mamamayag ondo' sinusub ri Aki Kapuuno'.

ROMA 1:2

Tanou Moonsoi no binantu' noyo ri Aki Kapuuno' ra nabi-nabi Nano ra galing i am pinabatik noyo ra Buuk Kitab.

ROMA 10:15

Mailo ilo mampatanou amon ru kolondo' manusub risilo. Kon niayuk tinulisan ra Buuk Kitab, “Mumpara' boo bonsoi ratangan ru ilo ondo' mampabala' ra tanou moonsoi!”

ROMA 4:13

I Aki Kapuuno' nambantu' ri Abragam am ra papag nali, ra tana' ti ilo no tatangan. Ginio binantu' Nano sala' ka sabap ra giminagaya' i Abragam ra Ukum ri Musa, kaa' sabap ra nangintopot am inapu io ri Aki Kapuuno' koson ra sangulun ondo' mobonsoi saguli' Riso.

ROMA 9:4

Ilo no ulun ru Israil ondo' pinili' ri Aki Kapuuno'. Piniau ilo noyo ri Aki Kapuuno' ra anak Nano galama', am pinakito No ilo ra katulayan Nano. Binantuan No ilo am inanian No ilo ra Ukum ri Musa. Tinuluan No ilo ra sambayang ondo' motopot am naapu nilo ondo' binantu' Nali.

SAGULION 18:15

Kaa' manusub Tuhan i Aki Kapuuno' min ra sangulun nabi ramuyun; nabi no koson raki' am iono intor ra bansa' min galama'; musiti' kau gumagaya' riso.