RINALATAN 13:3 - Tanou Moonsoi Timugon

³ Kopongo ilo nampali am nakiasi', pabantaa' nilo kalindu' nilai ri Barnabas am i Saulus. Susubo' nilo ruo ngaulun i mugar.

RINALATAN 13:3 ပူးပေါင်းရင်းမြစ်များ

UNTABAN 27:23

I Musa pana napabanta' ra kalindu' nano ra rasawat ru ulu ri Josua am napatanou ra i Josua suali nano, sumugut ra susuban ru Tuhan riso.

LUKAS 2:37

Raino balu' ngoopor am apat ngambilor noyo kinatuo nano. Orou-rondom io soroi ra Baloi Tuhan koson makiasi' ri Aki Kapuuno' am mampali.

RINALATAN 1:24

Pakiasi' ilo boo, konilo, “Tuhan, Okou nakapandai ra guang ru ngaangai' ulun. Tinatang noyo ri Judas kandoi nali koson sangulun rasul am minatoi noyo. Tului' akai, osoi intor ra ruo ngaulun ti ondo' pilion Muno koson pamamalit ri Judas i.”

RINALATAN 13:2

Igondo' ragili, tatanga' ilo sambayang am nampali, indagu Ambiluo ri Aki Kapuuno' no risilo, “Pasuayo' min i Barnabas am i Saulus koson mangangandoi raki' ra kandoi ondo' inaru' Ku noyo risilo.”

RINALATAN 13:4

Pakapanusub ayuk Ambiluo ri Aki Kapuuno' risilo, ongoi i Barnabas am i Saulus ra Siliukia. Intor ra giu' i siminundoi ilo ra pulu' Siprus.

RINALATAN 14:23

Inaru' i Paulus am i Barnabas ra magagalung ra moonong pasimpungan ulun Kristian. Ginio ra nakiasi' am nampali ilo, am nampataak risilo ra alungin ru Tuhan ondo' inintopot nilo.

RINALATAN 14:26

Intor ra giu' i saguli' ilo boo ra Antiokia. Bandar ragitio noyo nampataakan risilo ri Aki Kapuuno' ondo' nagalung toojo risilo buoi ra kandoi nilo nopongo.

RINALATAN 15:40

Kaa' i Paulus nagibit ri Silas. Minugar ilo malupus pasimpungan ulun Kristian nampataak risilo ri Aki Kapuuno' ondo' magalung toojo risilo.

RINALATAN 6:6

Tulu' ngaulun ti pinauma' boo ra rasul-rasul, am pabantaa' nilo kalindu' nilai risilo koson makitaak ra barakat intor ri Aki Kapuuno'.

RINALATAN 9:17

Ginio ra ongoi i Ananias ra baloi i am pabantaa' no kalindu' no ri Saulus. Indagu io, “Saulus, pabukat kuno, i Tuhan Jisus ondo' nakito mu ra tanga' ru ralan paat ra okou minongoi ragiti, nanusub raki' muma' rirun koson makakito kou saguli' am mokoowot ra Ambiluo ri Aki Kapuuno'.”

ROMA 10:15

Mailo ilo mampatanou amon ru kolondo' manusub risilo. Kon niayuk tinulisan ra Buuk Kitab, “Mumpara' boo bonsoi ratangan ru ilo ondo' mampabala' ra tanou moonsoi!”

1 TIMOTIUS 4:14

Pai' polosoo' ayuk kandoi tinaakan ri Aki Kapuuno' no rirun, paat ra tingganai-tingganai napabanta' ra kalindu' nilai ra ulu muli liliwa' nabi-nabi nampabala' ondo' inaru' rirun ri Aki Kapuuno'.

1 TIMOTIUS 5:22

Pai' kaluoi papabanta' ra kalindu' ra ulu ru sasangulun, koson ra tatandu' ra mangiou riso ra mangngandoi ru Tuhan. Amon ru ulun ra bokon mambaal ra tula, pai' no pakaayaya'. Kaa' alungi' ayuk toojo kapasawan ru kaayagan muno.

2 TIMOTIUS 1:6

Ginio sabap ra mampakara' aku rirun ra rayuso' noyo kandoi tinaakan ri Aki Kapuuno' rirun paat ra aku napabanta' ra kalindu' kuno ra ulu muli.

2 TIMOTIUS 2:2

Pangilaan kuli ondo' naining mu noyo ra saang ru masuang sasi', ilaan mu gitio ra ulun ondo' malansanan am ondo' matasik mangila' poyo ra bokon.

3 JUANIS 1:6

Togom muno tinunung nilo ra pasimpungan ulun Kristian giti ra intok mai galama'. Moonsoi indangano' ilo manunggul ra pangkiralanan nilono, maa' raginio maansukan i Aki Kapuuno'.

3 JUANIS 1:8

Ginio ra itakau ulun Kristian musiti' mangindangan ra ulun Kristian ti, maa' raginio makapangindangan ra kondoyon nilo mampatanou ra pambalaan motopot intor ri Aki Kapuuno'.