Paat ri Pilatus nanturung ra intok pangakiman no, panusub andu' nano ra sangulun mongoi pambala' riso, kono, “Pai' no babaya' mangukum Riso sabap ra Io ti ulun kolondo' sala, sabap ra magalabo aku ra naupi ku Io ra rondom i.”
Pangkuot i Pilatus Riso, “Atan nua' katapatan?” Pakapangkuot i Pilatus raginio, ingkual io poyo am indagu ra ulun-ulun ru Jaudi no, “Kolondo' rondo' pana sala natuum ku ra ulun ti.
Igondo' poyo miningkual i Pilatus am indagu ra ulun masuang no, “Ilai'! Paingkualon ku Io ramuyun, maa' raginio makapandai kau ra kolondo' rondo' pana sala natuum kuno ra ulun ti.”