RINALATAN 13:22 - Tanou Moonsoi Timugon

²² Kopongo i Saul ininggi', papalito' ri Aki Kapuuno' i Daut koson ra raja' nilo. Gitio ragu ri Aki Kapuuno' ri Daut, ‘Napandayan Ku i Daut, anak ri Isai, kasagaan ru guang Kuno, am niayuk gumagaya' io ra ngaangai' susuban Kuno.’

RINALATAN 13:22 ပူးပေါင်းရင်းမြစ်များ

2 SAMUIL 2:4

Kopongo raginio minatong ulun ru Jiuda ra Gibron, am ra upacara pangumawan, pinili' nilo i Daut nasauk ra raja' Jiuda. Pakaining Raja' Daut ra baangkai ru Raja' Saul no linobong noyo ru mamagun Jabis giu' ra Giliad no,

2 SAMUIL 7:15

Kaa' mantilayun togom Kuno riso nontopot ra bantu' Kuno. Bantu' Kuno riso rayuson Ku guuton, am sala' ka koson binaal Kuno ri Saul ondo' ininggi' Ku intor ra intok nano maa' raginio okou masauk ra raja'.

2 SAMUIL 7:8

Ginio ra balai' ulipon Kuno Raja' Daut ra gitio noyo ragu Kutu, Tuhan Ondo' Maayo Kaga' Kuasa' no riso, ‘Nangalap Aku rirun intor ra magalung ra domba giu' ra padang am napasauk Aku rirun ra tingganai ru ulun Kuno Israil.

1 RAJA'-RAJA' 15:3

Koson ra ama' nali, Raja' Abiam niayuk makatula am kalo giminagaya' ra Tuhan, i Aki Kapuuno' nano. Io kalo koson ra Raja' Daut, kinamatuaan nali.

1 RAJA'-RAJA' 15:5

Binaal ru Tuhan ginio sabap ra Raja' Daut napabansuk ra guang Nano. Kalo igondo' Raja' Daut no anggal ra susuban ru Tuhan, ondo' ayuk am ralalom ru baal ri Uria, ulun ru Git no.

1 TUNUNG RU BANSA' ISRAIL 10:13

Raja' Saul minatoi sabap ra kalo giminagaya' io ra Tuhan, am kalo siminugut ra susuban ru Tuhan. Nakitulu' Raja' Saul intor ra ambiluo ru ulun namagatoi,

1 TUNUNG RU BANSA' ISRAIL 2:12

Obid, Isai.

MAZMUR 2:6

Minindagu Io, “Giu' ra Sion, bulur Kuno ondo' matulai, pinasauk Ku noyo raja' Kuno.”

JIRIMIA 33:21

Koon raginio noyo ra Aku nakimabantu' ra ulipon Kuno i Daut, ra intor ra papag nano masalok mokoondo' sangulun ondo' masauk ra raja'; am nakimabantu' Aku ra imam-imam intor ra papag ru Liwi, ra masalok ilo mangandoi ayuk Raki'. Nabantuan raginio kalo noyo toojo masulang.

JIRIMIA 33:26

Koson ra baal raginio kalo masulang, koson niayuk ra nabantuan Kuno ra papag ri Jakub am ulipon Kuno i Daut, kalo masulang. Pilion Kuno sangulun intor ra papag ri Daut koson mamarinta ra papag ri Abragam, i Isak am i Jakub. Makaasi' Aku ra ulun Kuno am mapasauk risilo ra langkaya' saguli'.”

YEHEZKIEL 34:23

Pasaukon Ku sangulun ra raja' koson ri Daut, ulipon Kuno, koson masauk ra rorondo' magagalung risilo, am magalung io risilo.

GOSIA 3:5

Kaa' masaboi paat ra ulun ru Israil sumaguli' ra Tuhan, i Aki Kapuuno' nilo, am ra sangulun intor ra papag ru Raja' Daut, raja' nilo. Ilo pana malaa' am mangurumat ra Tuhan, am niayuk mangapu ra pataakon-pataakon Nano ondo' moonsoi.

RINALATAN 13:36

Sabap ra sinugut noyo ri Daut ondo' nanusuban ri Aki Kapuuno' paat ra io naayag. Io pana patoi am linobong ra labangan ru kinamatuaan nano. Baangkai nali pana napasa'.

RINALATAN 15:8

I Aki Kapuuno' ondo' makaintutun ra guang ru ulun, nampakito ra nangapu Io noyo risilo, ra nangani' Io risilo ra Ambiluo Nano nogondo' niayuk ra ondo' tinaakan Nano ritakau i.

RINALATAN 7:46

I Daut napabansuk ra guang ri Aki Kapuuno'. Ginio ra kitaako' no koson mambaal ra rondo' baloi ri Aki Kapuuno' ondo' sambaan ri Jakub.

1 SAMUIL 12:25

Kaa' amon ru mararayus kau makatula, akau am raja' mino pusoon.”

1 SAMUIL 15:11

“Pansagulian aku nampili' ri Saul nasauk ra raja'. Tinalikuran no Aku am kalo boo gumagaya' ra susuban Kuno.” Siminangit i Samuil, am nosorondom io nakimasi' ra Tuhan.

1 SAMUIL 15:23

Gumuor ra Tuhan nogondo' laat no ra mambaal ra sihir, am guang ra malilimbau nogondo' laat no ra sumamba ra sinungkalalaing. Ginio sabap ra okou nangimpai ra susuban ru Tuhan, Tuhan pana nangimpai rirun koson ra raja'.”

1 SAMUIL 15:26

Kaa' taam i Samuil, “Kalo masaga' aku maya' rirun. Nangimpai kou noyo ra susuban ru Tuhan, am raino nangimpai Io rirun koson raja' ru Israil.”

1 SAMUIL 15:28

Ginio ra kon ri Samuil ra Raja' Saul, “Paat ra orou raiti' niayuk rinilak noyo ru Tuhan no pamarintaan ru Israil intor rirun am pinataak ginio ra ulun ra bokon ondo' moonsoi poyo intor rirun.

1 SAMUIL 16:1

Tuhan pana mindagu boo ri Samuil, “Kula' poyo buoi ra okou mangiluk guang sabap ri Saul? Inimpayan Ku noyo io koson raja' ru Israil. Raino, ibito' noyo umau jaitun am ongoi no ra Bitligim, ongoi ra sangulun ondo' makainggalan ri Isai, sabap ra nampili' Aku noyo ra sangulun intor ra anak nano koson masauk ra raja'.”

1 SAMUIL 16:13

Nangalap i Samuil ra umau jaitun, am nampili' ri Daut no am nangumau ra ulu ri Daut no ra umau giu' ra saang ru ngaangai' maayo ri Daut. Paat raginio niayuk Ambiluo ru Tuhan nanguasa' ri Daut am nabaya' riso intor ra orou raginio. Kopongo raginio minuli' i Samuil giu' ra Rama.

1 SAMUIL 28:16

Kon ri Samuil, “Atan onong no ra okou mampiau raki' amon ru nangiruan noyo Tuhan no rirun, am nasauk ra pantula' muno?

1 SAMUIL 31:6

Kon raginio noyo Raja' Saul am talu ngaulun anak ungkuyon nano minatoi, am niayuk ulun magibit ra kinandoi no, am ngaangai' ulun ru Raja' Saul minatoi ra orou raginio.