RINALATAN 13:21 - Tanou Moonsoi Timugon

²¹ Paat ra ilo nakitaak ra raja', anii' ilo ri Aki Kapuuno' ra sangulun anak ri Kis intor ra tayar ru Binjamin, iono i Saul, koson namarinta buoi apat ngoopor ngambilor.

RINALATAN 13:21 ပူးပေါင်းရင်းမြစ်များ

1 SAMUIL 10:1

Kopongo raginio nangalap i Samuil ra sambutul umau jaitun, am pabuuro' umau no ra rasawat ru ulu ri Saul. Inalok no i Saul am indagu, “Pinili' kou ru Tuhan masauk ra raja' ru Israil, ulun Nano. Mamarinta kou ra ulun Nano am mangampin risilo intor ra ngaangai' pantula'. Gitio noyo inono' no ra pinili' kou noyo ru Tuhan masauk ra raja' ru ulun Nano:

1 SAMUIL 15:1

Sangarawan raginio indagu i Samuil ra Raja' Saul, “Nanusub noyo Tuhan no raki' koson mampili' rirun masauk ra raja' ru ulun Nano Israil. Raino rongogo' noyo ragu ru Tuhan Ondo' Maayo Kaga' Kuasa'.

1 SAMUIL 11:15

Ginio ra ilo ngaangai' minongoi ra Gilgal, am giu' no, giu' ra intok sambayangan no sinauk nilo Raja' Saul ra raja'. Napataak ilo ra taak simbalui koson makibarakat ra Tuhan am Raja' Saul am ngaangai' ulun ru Israil nangiantak ra kasaukan raginio.

1 SAMUIL 8:5

Indagu ilo risilo, “Rongogo' tuan, matutuo kou noyo am anak-anak muno kalo namaya' rirun. Ginio ra moonsoi poyo pilion mu sangulun raja' ra tayar mai, maa' raginio akai ti pana mokoondo' sangulun raja' koson ra bansa'-bansa' ra bokon.”

1 SAMUIL 9:1

Mokoondo' sangulun ungkuyon ondo' langkaya' am makakuasa' intor ra bansa' ru Binjamin. Inggalan ru ulun no i Kis anak ri Abiil, akupu ri Jiror, intor ra sasambaloi ri Bikorat, iono santayaran intor ra bansa' ru Apia.

1 SAMUIL 9:15

Songorou ra kalo poyo raginio, minindagu noyo Tuhan ri Samuil,