RINALATAN 13:19 - Tanou Moonsoi Timugon

¹⁹ Pinuso No tulu' ringai' bansa' ra tana' ru Kanaan i am pataaki' no pagun raginio risilo koson ra longgom nilo.

RINALATAN 13:19 ပူးပေါင်းရင်းမြစ်များ

KASAUKAN 12:5

Inibit ri Abram andu' nano i Sarai, akon nano i Lot, ngaangai' kuliamos am ulipon ondo' noowot nilo ra Aran am ongoi ilo ra pagun Kanaan. Pakasuku' ilo ra pagun ru Kanaan,

KASAUKAN 17:8

Manaak Aku rirun am papag muno ra tana' ragitio, intok inayanan muno raino ti koson ra ulun bansa' ru bokon. Titikop tana' ru Kanaan masauk ra longgom ru papag muno ra sabubuoi no am Aku masauk ri Aki Kapuuno' nilo.”

1 RAJA'-RAJA' 6:1

Kopongo 480 ngambilor ulun ru Israil nangiruan ra Misir, paat ra bilor kaapat ra pamarintaan ru Raja' Salomo, paat ra sila' Jib, iono sila' karuo, Raja' Salomo tumalimpuun mambaal ra Baloi ru Tuhan.

NIGIMIA 9:24

Inayanan nilo pagun ru Kanaan; kinala Mu mamagun ru pagun raginio. Nangani' Kou ra ulun Muno ra kuasa' koson pamakuan ra mamagun am raja'-raja' ru Kanaan maya' ra kasagaan ru guang.

MAZMUR 135:11

I Sigon raja' ru Amori am i Og, raja' ru Basan, am ngaangai' raja' giu' ra Kanaan.

MAZMUR 78:55

Bulintok ra ulun Nano nakasuku' ininggalaran No namagun no, am tatayaro' no pagun no ra ngaangai' ru bansa' ru Israil, am intok ru pantula' pinataak No ra ulun Nano.

JISAYA 34:17

Tuhan noyo mantayar ra tana' ra ilo ngai' ondo' maayag no; moonong nilo matayaran, am mayan ra tana' no ra sabuoi-buoi no am niayuk mompolonggom ra tana' no ra papag ka papag.

RINALATAN 7:45

Kopongo ragili kinamatuaan takali nangapu ra Kim ti am inibit nilo paat ra ilo minaya' ri Josua minongoi pampagaau ra pagun takau ti. Ioginio paat ri Aki Kapuuno' nampagiru' ra bansa' ru bokon ondo' nongompong risilo. Kim i siminoroi ra giu' i saboi ra paat ru raja' Daut.

SAGULION 7:1

“Ibiton kau ru Tuhan i Aki Kapuuno' min mongoi ra tana' ondo' ayanin min, am mapagiru' Io ra masuang bansa' intor ra tana' raginio. Paat akau jumalai, mapagiru' Io ra tulu' bansa' ondo' maayo poyo am maikang poyo intor ramuyun: ulun ru Git, Girgasi, Amori, Kanaan, Piris, Giwi am Jibusi.

JOSUA 14:1

Gitio noyo tunung ra ralan ru tana' ru Kanaan giu' ra tampilon kalasaan ru Sungoi Jordan tinayar-tayar ra ulun ru Israil. Imam Iliajar, Josua anak ri Nun am tingganai-tingganai intor ra sasambaloi bansa' ru Israil nantatayar ra tana' no.

JOSUA 18:10

Inundi' ri Josua koson makapandai ra kasagaan ru Tuhan risilo, am napataak ra tayar ru tana' ra moonong bansa' ru Israil ondo' kalo poyo nakaalap ra tana'.

JOSUA 19:51

Ginio noyo Imam Iliajar, Josua anak ri Nun, am ngaangai' tingganai intor ra sasambaloi ru bansa' ru Israil nantatayar ra tana' raginio ra inundi' giu' ra Silo, giu' ra kulobon ru Kim ru Tuhan koson makapandai ra kasagaan ru Tuhan risilo. Raginio noyo ilo nanalasai ra pantayaran ra tana' raginio.

JOSUA 23:4

Tinayar-tayar ku noyo tana' ru bansa'-bansa' ragitio ra bansa' min koson ra longgom min, iou pana tana' ondo' kalo poyo nagaau am ra tana' ondo' nagaau noyo, tumalimpuun intor ra Sungoi Jordan giu' ra tampilon sirangon saboi ra Raat Tanga' giu' ra tampilon kalasaan.

JOSUA 24:11

Liminaup kau ra Sungoi Jordan am nakasaboi giu' ra bandar Jiriko. Mamagun ru Jiriko nangayou ramuyun; koson niayuk ra ulun ru Amori, Piris, Kanaan, Git, Girgasi, Giwi am Jibusi. Kaa' nanaak Aku ramuyun ra kamanangan risilo ngai'.

TINGGANAI RU BANSA' 11:26

Ulun ru Israil minayan ra Gisybon, Aroir am pekan-pekan ra libung no, am niayuk ngaangai' bandar ra igig ru Sungoi Arnon buoi talu ngaatus ngambilor. Kua pai' mu gaawo' buoi ru ginio?