RINALATAN 13:16 - Tanou Moonsoi Timugon

¹⁶ Bigor boo i Paulus am nangani' risilo ra pulanu am indagu io; “Pabukat kau ngaangai', ondo' ulun ru Israil am niayuk bansa' ru bokon ondo' sumamba ri Aki Kapuuno', rongogo' min pambalaan kutu ragitio:

RINALATAN 13:16 ပူးပေါင်းရင်းမြစ်များ

1 RAJA'-RAJA' 8:40

maa' raginio ulun Muno magail gumagaya' Rirun am mayan ra pagun ondo' tinaakan Muno ra kinamatuaan maili.

MAZMUR 135:20

Omporo' noyo Tuhan, akau ulun ru Liwi; omporo' noyo Tuhan, akau ngai' ondo' siminamba Riso!

MAZMUR 67:7

Tana' napaingkual ra ampos no; i Aki Kapuuno', i Aki Kapuuno' takau, nambarakat noyo ritakau.

MAZMUR 85:9

Rongogon ku ragu ru Tuhan i Aki Kapuuno'; binantu' No kaansayan ritakau, ulun Nano, amon ru kalo sumaguli' takau mambaal ra tula.

MATIUS 11:15

Rongogo' am karaa' min!

LUKAS 1:22

Paat ra io miningkual, kalo boo makaindagu io risilo, mambaal io ayuk ra tatandu' ra kalindu' mambala' risilo. Ilo pana nakapandai boo ra i Jakaria ti nakakito ra rondo' pagilangan intor ri Aki Kapuuno' ralalom ru Baloi Tuhan i.

LUKAS 1:50

Makaasi' i Aki Kapuuno' ra ulun ondo' mangurumat Riso intor ra rondo' papag suku' ra papag ra bokon.

LUKAS 23:40

Kaa' sawayo' io ru rangan nali ra sinalip i, kono, “Kua pai' kou kalaa' ri Aki Kapuuno'? Okou niayuk inukuman nogondo' Riso.

RINALATAN 10:2

Io sangulun ondo' sumugut toojo ri Aki Kapuuno' am masalok ilo sambaloi sumamba ri Aki Kapuuno'. Masuang indangan nano ra ulun ru Jaudi ondo' musikin am niayuk masalok makiasi' io ri Aki Kapuuno'.

RINALATAN 10:35

Intor ra ngaangai' bansa', osoi ayuk pana sumamba ri Aki Kapuuno' am mambaal ra motopot, ulun no apuon ri Aki Kapuuno'.

RINALATAN 12:17

Nangani' i Pitrus risilo ra pulanu koson mongkoror am tunungo' no ati kulaan Tuhan nagibit riso miningkual ra lamin pangaputan. Kono poyo, “Balai' min i Jakubus am ulun Kristian ra bokon ra atan ondo' nasauk raki' ti.” Kopongo ragili, iruani' boo ri Pitrus intok raginio am ongoi ra intok ra bokon.

RINALATAN 13:26

Pabukat kau ngaangai', papag ri Abragam am niayuk ngaangai' sala' ka Jaudi ondo' sumamba ri Aki Kapuuno'; itakau no napasabayan ra Tanou pamayagan no.

RINALATAN 13:46

Kaa' mulu' piboo i Paulus am i Barnabas makakau' mindagu, konilo, “Akau no galing sotopot no papasabayan ra bala' intor ri Aki Kapuuno' ti. Kaa' kalo inapu min am pangkaraan min poyo ra kalo noyo maaya' kau mokoowot ra kaayagan motopot am mantilayun ti. Ginio sabap ra akau iruanin mai am mongoi akai poyo ra ulun sala' ka Jaudi.

RINALATAN 19:33

Mokoondo' nangkara' ri Aliksandir ti namuun raginio, sabap ra io ti ondo' jinuulan ru ulun ru Jaudi ra saang ru ulun masuang. Ginio ra nangani' i Aliksandir ra ulun-ulun no ra pulanu maa' raginio mongkoror, am masaga' io mambala' risilo atan masauk.

RINALATAN 2:14

Bigor boo i Pitrus nababaya' ra mopor am rondo' rasul ra bokon am indagu io ra ulun masuang ra bolos mosongou, kono, “Pabukat kau ngaangai', ulun ru Israil am ngaangai' ondo' mayan ra Jirusalim! Rongogo' toojo atan ondo' pabalaan kuno ramuyun.

RINALATAN 2:22

“Pabukat kau ngaangai' ulun ru Israil, rongogo' min ragu kuti: I Jisus ulun ru Nasarit i sinusub ri Aki Kapuuno'. Ginio pinakito ramuyun ralalom kaimuagan am tatandu' ondo' binaal ri Aki Kapuuno' ralalom ru Inggalan Nano. Akau ngaangai' makatutun noyo raginio, sabap ra ginio nasauk noyo ra tatanga' min.

RINALATAN 21:40

Nangiou io am i Paulus pana minigor ra tukar i am nangani' io ra ulun ra pulanu koson mongkoror. Pokopongkoror ilo, indagu boo i Paulus risilo ra ragu Ibrani.

RINALATAN 22:22

Ulun-ulun no lakat ayuk poyo nangkirongog ra atan rinagu ri Paulus, kaa' ondo' rinagu no ra pupus ti boo, golok ilo, “Potoyo' io! Kalo maaya' io maayag!”

RINALATAN 3:12

Pakakito i Pitrus ra ulun ra masuang no, indagu io risilo, “Pabukat kau ngaangai' ulun ru Israil, kua pangimuag kau ragitio? Kua urioo' min akai? Guang min kia ra ulun ti makaugar sabap ra makakuasa' akai, kapoam mampagagaya' akai toojo ri Aki Kapuuno'?

PINAINTALANG 2:11

“Rongogo' am karaa' noyo atan kon ru Ambiluo ri Aki Kapuuno' ra pasimpungan ulun Kristian no! “Osoi ayuk mangala ra kuasa' ru kalaatan kalo makaliman ra kapatayan karuo.”

PINAINTALANG 2:17

“Rongogo' am karaa' noyo atan kon ru Ambiluo ri Aki Kapuuno' ra pasimpungan ulun Kristian no! “Osoi mangala ra kuasa' ru kalaatan, aniin Ku io ra ruti' ondo' nakasibuni no – ondo' sabiton ra manna. Mangani' Aku niayuk riso ra rondo' batu mapulak ondo' tinulisan ra inggalan nakabagu ondo' kalo mauligan ru ulun bokon kaa' ulun mangapu no ayuk.”

PINAINTALANG 2:29

“Rongogo' am karaa' noyo atan kon ru Ambiluo ri Aki Kapuuno' ra pasimpungan ulun Kristian no!”

PINAINTALANG 2:7

“Rongogo' am karaa' noyo atan kon ru Ambiluo ri Aki Kapuuno' ra pasimpungan ulun Kristian no! Osoi ayuk mangala ra kuasa' ru kalaatan paakanon Ku io ra kawa' intor ra puun ru mampakaayag ondo' tumuu' ra Pirdaus.”