RINALATAN 13:15 - Tanou Moonsoi Timugon

¹⁵ Kopongo binasa' Ukum ri Musa am Kitab ru Nabi-nabi, tingganai-tingganai ru baloi sambayangan nanusub ra ulun mangkuot ri Paulus am rangan-rangan nano, konilo, “Pabukat kau, amon ru mokoondo' paraguon min koson mangila' ra ulun ragiti, posoboyo' min ayuk.”

RINALATAN 13:15 ပူးပေါင်းရင်းမြစ်များ

MARKUS 5:22

Ratong boo sangulun tingganai ru baloi sambayangan, ininggalanan ri Jairus. Pakakito io ri Jisus, igulatur io ra saang ri Jisus

LUKAS 16:16

Sotopot no Ukum ri Musa am kitab ru nabi-nabi pinataak polos ra paat ri Juanis Mampariu' ayuk. Intor ragili, Tanou Moonsoi intor ati kulaan i Aki Kapuuno' mamarinta pinabala' noyo, am ulun gumogot masauk ra ulun ri Aki Kapuuno'.

RINALATAN 1:16

“Pabukat kau ngaangai'! Atan ondo' tinulisan ra Buuk Kitab no, maaru' masauk. Ragili Ambiluo ri Aki Kapuuno' nambala' noyo mansail ra ragu ru raja' Daut intor ri Judas ti, ra io nanulu' ra ulun mamparakop ri Jisus.

RINALATAN 13:27

Sabap ra ulun minayan ra Jirusalim am tingganai nilo kalo nakatutun ra Io no Mamamayag i. Kalo nangarati' ilo ra nangilaan ru nabi-nabi, kabalu' pana basaan ra moonong orou Sabat. Ginio nangkinibit risilo nangukum ri Jisus am koson raginio norontop noyo ragu ru nabi-nabi.

RINALATAN 15:21

Sabap ra intor ra galing i noyo, Ukum ri Musa ti binasa' ra moonong orou Sabat giu' ra baloi sambayangan am pinabala' ra moonong pekan.”

RINALATAN 15:7

Nabuoi ilo toojo nagindagu, bigor boo i Pitrus am indagu, “Pabukat kau ngaangai'! Akau galama' nakapandai ra aku inaru' ri Aki Kapuuno' intor ramuyun koson mampasaboi ra Tanou Moonsoi ra ulun sala' ka Jaudi, koson ilo ti niayuk makaining ragitio am mangintopot.

RINALATAN 18:17

Kaa' rokopo' nilo boo i Sostinis, tingganai ru baloi sambayangan i, am lambaa' nilo io ra saang ru intok pamisaraan i. Kaa' pinoloso ayuk ri Galio.

RINALATAN 18:8

Kaa' tingganai ru baloi sambayangan, io no i Krispus am ilo sambaloi, nangintopot ri Jisus. Masuang niayuk ulun Korintus ra bokon nokorongog ra pinasaboi ri Paulus am nangintopot ilo ri Jisus am riniu' ilo.

RINALATAN 2:29

“Pabukat ku ngaangai', raino balain takamin toojo ondo' nasauk ra raja' Daut i, sangulun kinamatuaan takali. Minatoi io am nolobong noyo, am saboi raino lobong nano pana lakat ayuk poyo soroi ra tatanga' takau.

RINALATAN 2:37

Pakaining ulun-ulun no ra ragu ri Pitrus ni, napasilak guang nilai. Pangkuot ilo boo ri Pitrus am rasul ra bokon no, “Pabukat kau, raino atan kia maaru' baalon mai?”

RINALATAN 2:4

Ilo ngaangai' kinuasa' ru Ambiluo ri Aki Kapuuno'. Tumalimpuun ilo mindagu ralalom nansalinut ragu ra bokon maya' ra atan ondo' tinaakan ru Ambiluo ri Aki Kapuuno' no risilo.

RINALATAN 20:2

Minongoi io ra ngaangai' libung ru Makidonia am pambilin io ra ulun Kristian ra giu' no koson mampaikang ra pangintapatan nilai. Ongoi io boo ra Akaya

RINALATAN 22:1

“Pabukat kau ngaangai'! Rongogo' min aku! Masaga' aku mapaintutun ramuyun ra sala' ka malaat aku.”

RINALATAN 4:36

Koson niayuk ri Jusup. Io ti am sangulun papag ru Liwi am inanak Io giu' ra pulu' Siprus. Sabiton io ru rasul ri Barnabas (arati' nano ‘Mampapirot ra guang’).

RINALATAN 7:2

Taam i Stipanus, “Pabukat ku ngaangai'! Rongogo' min gitio! I Aki Kapuuno' nampakito ra katulayan Nano ra kinamatuaan takau i Abragam paat ra io lakat ayuk poyo minayan giu' ra pagun Misopotamia, ra kalo poyo minanding ra pagun ru Aran.

ROMA 12:8

Osoi ondo' inanian ra kapandayan mampaikang ra guang ru ulun, papiroto' noyo. Osoi ondo' inanian ra guang mangani' ra rapu' no ra bokon, pangani' no maya' ra kataawan. Osoi ondo' inanian ra kapandayan maningganai, paningganai no toojo. Osoi ondo' inanian ra guang makaasi' ra ulun bokon, pakaasi' no mabaya' ra maansukan.

1 KORINTUS 14:3

Kaa' ulun ondo' mampasaboi ra bala' intor ri Aki Kapuuno', potonowon no ginio ra ulun koson mampasingkot, mampaikang am mampabansuk risilo.

2 KORINTUS 3:14

Kaa' koson risilo, kinotog nilo guang nilai no. Saboi ra orou raiti' guang nilai no lakat ayuk poyo nasilian paat ra ilo mambasa' ra kitab Nabantuan Lair no. Ginio maalap ayuk kairu' paat ra sasangulun no masimpung ri Kristus.

1 TISALONIKA 2:3

Pangkimaitan maiti ramuyun pai' ru mampakalayau ramuyun kapoam intor ra guang mai malaat kapoam mamparuung ramuyun.

IBRANI 13:22

Pabukat kau ngai' ra Kristian, maminson aku po ra posoroto' min noyo pambalaan kutu ra guang pantataan, sabap ra surat kutu ragitio kalo kukula' maawar.