RINALATAN 13:12 - Tanou Moonsoi Timugon

¹² Paat ra gabenor no nakakito ra nasauk ni, nangintopot io ri Jisus, sabap ra nabunduk toojo guang no ra pangilaan ru Tuhan.

RINALATAN 13:12 ပူးပေါင်းရင်းမြစ်များ

MATIUS 27:54

Tingganai ru saujor am saujor-saujor ondo' nantamung ri Jisus ni nalaa' ilo kaga' paat ra ilo nakakito ra tana' ti nauyog am ngaangai' ondo' nasauk ni am indagu, “Motopot toojo Io ti Anak ri Aki Kapuuno'!”

LUKAS 4:22

Moonsoi kaga' rinagu Nali, saboi nangimuag am nangiou ulun Riso, konilo, “Anak alia gitio ri Jusup.”

LUKAS 7:16

Ngaangai' ulun nalaa' tojojo am nongompor ri Aki Kapuuno'. Konilo, “Sangulun nabi ondo' makakuasa' minatong ra tatanga' takau! Minatong noyo i Aki Kapuuno' mongoi pamayag ra ulun Nati!”

JUANIS 7:46

Taam ru pulis-pulis no, “Kalo igondo' akai pakaining ra sangulun makaindagu koson ra ulun raginio.”

RINALATAN 13:48

Pakaining ayuk ulun sala' ka Jaudi ragu raginio, naansukan ilo toojo saboi mongongompor ilo ra bala' intor ra Tuhan i. Ulun ondo' inaru' noyo ri Aki Kapuuno' koson mokoowot ra kaayagan motopot am mantilayun, nangintopot ilo ri Jisus niayuk.

RINALATAN 13:49

Bala' ru Tuhan nakatabual ra ati ayuk intok ra libung raginio.

RINALATAN 13:7

Io ti noyo rangan ri Sirgius Paulus, gabenor ru pulu' no, sangulun mapintar. Nampiau gabenor no ri Barnabas am i Paulus sabap ra masaga' io mangkirongog ra bala' ri Aki Kapuuno'.

RINALATAN 13:8

Kaa' i Ilimias, (ginio inggalan ri Bar-Jisus ralalom ragu Junani), mangingilong i, nanginga' risilo. Nangkinam io mangkinibit ra gabenor no kalo mangintopot ri Jisus.

RINALATAN 15:35

I Paulus am i Barnabas niayuk minayan ra Antiokia ra kukula' buoi. Nabaya' ra kukula' ngaulun ra bokon, nangila' am nampasaboi ilo ra bala' intor ra Tuhan.

RINALATAN 15:36

Kukula' buoi boo ragili, indagu i Paulus ri Barnabas, “Ongoyo' takau poyo ilai' ulun-ulun Kristian ra ngaangai' nampasabayan takau ra bala' intor ra Tuhan i, koson mapandayan boo rumondon ilo kia mangintopot ra Tuhan.”

RINALATAN 18:12

Paat ri Galio nasauk ra gabenor libung Akaya, nampapakat ulun ru Jaudi am namparakop ilo ri Paulus am ibito' io ra bisaraan.

RINALATAN 19:10

Sabuoi ruo ngambilor io nambaal raginio am ngaangai' ulun ra pagun ru Asia, io no ulun ru Jaudi am niayuk ulun sala' ka Jaudi, nokorongog niayuk ra bala' intor ra Tuhan.

RINALATAN 19:20

Kon raginio noyo ra bala' intor ra Tuhan nakatabual poyo am masuang poyo boo ulun nangintopot ri Jisus.

RINALATAN 19:38

Amon ru mokoondo' poyo panguwan ri Dimitrius am ulun mangngandoi riso no ra sasangulun, moonsoi salasayon nilo ayuk ra makama. Paat ra orou inaru' no moonsoi mongoi ilo ra makama am ginio salasayon ru akim ra giu' no.

RINALATAN 19:7

Suang nilai olo'-olo' mopor am ruo ngaulun.

RINALATAN 28:7

Kalo maalur intor ra giu' i, mokoondo' intok ru gabenor ru pulu' i, makainggalan i Pabilus. Io nanguma' ramon ra guang moonsoi, saboi nataluan io tinambului mai ra baloi no.

RINALATAN 6:10

Kaa' Ambiluo ri Aki Kapuuno' nangani' ri Stipanus ra kapintaran manaam, ginio ra kalo boo makaanggal ilo riso.

RINALATAN 8:25

Kopongo ilo nangani' ra sasi' am nampatanou ra bala' ru Tuhan, i Pitrus am i Juanis siminaguli' ra Jirusalim. Ralalom pangkiralanan nilai nampasaboi ilo ra Tanou Moonsoi ti ra ati ayuk pekan ru ulun ru Samaria.