RINALATAN 12:4 - Tanou Moonsoi Timugon

⁴ Karakop i Pitrus, pasubolo' io ra lamin pangaputan. Mokoondo' apat ngantayaran saujor sinusub magalung riso am moonong tayar mokoondo' apat ngaulun saujor. Mopongo Pangiantakan ra Paska masaga' i Irodis mamisara' ri Pitrus ra saang ru ulun masuang.

RINALATAN 12:4 ပူးပေါင်းရင်းမြစ်များ

ESTER 3:13

Susuban no mataki' inataran ru ulun-ulun sinusub ra moonong wilayah ru pamarintaan. Suang ru susuban no nambala' ra ralalom songorou, iono paat ra orou koopor am talu ru sila' Adar, ngaangai' ulun ru Jaudi, matutuo am mamulok, ruandu' am lalaing, musiti' potoyon ra kalo makaasi', am rapu' nilo gaawon.

KAINGKUALAN 12:1

Indagu Tuhan ri Musa am i Arun giu' ra pagun ru Misir,

AMSAL 19:21

Masuang atangon ru ulun, kaa' kasagaan ru Tuhan ayuk masauk.

AMSAL 27:1

Pai' pamanggo atan kasaukan ra susuab, sabap ra kalo poyo natutunan min atan kasaukan no.

SULABOI 3:37

Kasagaan ru Tuhan ayuk ondo' masalok masauk.

MATIUS 24:9

“Akau pana rokopon boo am imboloon am potoyon. Ngaangai' ru ulun masisang ramuyun sabap ra akau maya' Raki'.

MATIUS 26:5

Kaa' konilo, “Pai' takau sasati' ginio ra paat pangiantakan no, sabap ra mamagun kumuliangi-angi lair.”

MARKUS 14:1

Pangiantakan ra Ruti' Kalo Linatakan ra Ragi am Pangiantakan ra Paska, karuaan poyo am tumalimpuun. Tingganai imam Jaudi am mangingila' ra Ukum ri Musa maguyum ra ralan koson mamparakop am mamatoi ri Jisus, koson kalo mapandayan ru ulun ra bokon.

LUKAS 21:12

Kaa' io kalo poyo masauk ngaangai' no, rokopon am imboloon kau. Pataakin am uwin kau giu' ra baloi sambayangan, am aputon poyo ra lamin pangaputan. Ibiton kau ra saang ru raja' am niayuk tingganai sabap ra mangintopot kau Raki'.

LUKAS 22:33

Taam i Pitrus, “Tuhan, aputon kapoam matoi marumar Rirun pana, nakatampos aku noyo!”

JUANIS 19:23

Kopongo Io sinalip ru saujor-saujor no, alapo' nilo bayang Nali am tinayar nilo ra apat ngantayaran; santayar sangulun. Sukub Nali niayuk inalap nilo, kaa' mapila' toojo konoon i am kolondo' pipikit.

JUANIS 21:18

Balain tokou toojo: Buoi okou mamulok, okou galama' tumampos am mugar ra ati ayuk kasagaan muno. Kaa' paat ra okou matutuo, patutuyon mu kalindu' muno am bangkilon kou ru ulun bokon, am ibiton kou ra intok kararaan mu.”

RINALATAN 12:3

Ilai' ri Irodis maansayan ulun ru Jaudi ra baal raginio, giminaai poyo laat nati am panusub io koson mamparakop ri Pitrus. (Ginio nasauk paat ra Pangiantakan ra Ruti' Kalo Linatakan ra Ragi.)

RINALATAN 12:5

Ginio noyo ra i Pitrus inaput ra lamin pangaputan; kaa' pasimpungan ulun Kristian nakiasi' toojo ri Aki Kapuuno' koson riso.

RINALATAN 4:28

Ilo rondo' guang nambaal ra ngaangai' ondo' inaru' Muno kalalair masauk. Inaru' Muno koson raginio maya' ra kuasa' am kasagaan Muno.

RINALATAN 4:3

Rokopo' nilo boo ruo ngaulun rasul i am pasubolo' ra lamin pangaputan. Sabap ra molondom noyo, pinoloso ilo ra giu' i saboi ra suabon.

RINALATAN 5:18

Rokopo' nilo rasul-rasul no am pasubolo' ra lamin pangaputan ru bandar.

RINALATAN 8:3

Kaa' i Saulus mangkinam mamuso risilo. Ginio ra mongoi io ra baloi nilai am ralaaton no ulun-ulun nangintopot am pasubolon no ilo ra lamin pangaputan.