RINALATAN 12:21 - Tanou Moonsoi Timugon

²¹ Sangarawan ragili ondo' inaru' no, nambayang i Irodis ti ra bayang ru raja' am panturung ra takhta am nangani' ra pambalaan ra ulun masuang.

RINALATAN 12:21 ပူးပေါင်းရင်းမြစ်များ

1 RAJA'-RAJA' 22:10

Karuo-ruo ngaulun raja' no, ondo' nambayang ra bayang ru raja', nanturung ra kurisi' raja' giu' ra intok pangagikan ra gandum, giu' ra liwar ru kulobon garabang ru Samaria. Ngaangai' ru nabi manala' giu' ra saang nilo ruo.

AYUP 15:21

Mokorongog ilo ra bolos ondo' makalalaa', am ulun mantakou mamulunsar risilo paat ra mamimio.

AMSAL 18:12

Ulun ondo' minggana' guang urumaton; ulun malilimbau maaru' iono mapuso.

JISAYA 5:14

Kabang ru intok kapatayan gumaal toojo koson monolon ra ulun paawang giu' ra Jirusalim mababaya' ra nasuangan ulun ondo' mangiantak.

MALIAKI 3:15

Itakau galama' makakito ra ulun malilimbau noyo ondo' maansukan. Ulun malaat kalo ayuk rumuang langkaya', kaa' niayuk mangkinam ilo ra guang tumaan ri Aki Kapuuno' ra mambaal ra malaat, am masalok ilo makalabus intor ra ukuman.’ ”

MATIUS 27:19

Paat ri Pilatus nanturung ra intok pangakiman no, panusub andu' nano ra sangulun mongoi pambala' riso, kono, “Pai' no babaya' mangukum Riso sabap ra Io ti ulun kolondo' sala, sabap ra magalabo aku ra naupi ku Io ra rondom i.”

RINALATAN 12:20

Mokoondo' kasisangan ru raja' Irodis ra ulun ru Tirus am Sidon. Ginio ra nababaya' ilo minuma' ra raja' Irodis. Ragui' nilo galing i Blastus, pagawai istana, koson makiindangan risilo. Kopongo ragili ongoi ilo uma' ri Irodis koson makimobonsoi riso, sabap ra pagun nilo makaalap ra akanon intor ra pagun ru raja' Irodis.

RINALATAN 12:22

Ulun masuang ondo' nangkirongog giminolok, konilo, “Gitio bolos ru dewa am sala' ka bolos ru ulun!”

RINALATAN 24:1

Kalimaan ragili, i Ananias, iono Tingganai Maayo Imam Jaudi am poyo tingganai ru ulun ru Jaudi ra bokon nababaya' ra sangulun akim makainggalan ri Tirtulus, ngaangai' ilo minongoi ra Kaisaria. Umaa' nilo Gabenor Piliks am pambala' riso ra atan panguwan nilo ri Paulus i.

RINALATAN 25:23

Suabon ragili, i Agripa am Birniki siminubol ra Makama mabaya' ra tingganai maayo ru saujor am poyo ulun maatang ru bandar no, maya' ra kaulayan ru raja'. Panusub boo i Pistus ra nampaumpos ri Paulus.