RINALATAN 12:19 - Tanou Moonsoi Timugon

¹⁹ Nanusub raja' Irodis ra ulun maguyum ri Pitrus, kaa' kalio nauyum nilo. Panusub io boo koson imumuyin toojo saujor-saujor am papatayin boo. Iruani' boo ru raja' Irodis pagun Judia ti am minayan io ra Kaisaria ra kukula' buoi.

RINALATAN 12:19 ပူးပေါင်းရင်းမြစ်များ

1 RAJA'-RAJA' 20:43

Kopongo raginio uli' Raja' Agab giu' ra Samaria ra guang ondo' pansagulian am siminangit.

ESTER 6:12

I Mordikai pana turung saguli' boo giu' ra kulobon garabang istana. Kaa' i Gaman agou-agou minuli' ra baloi liliwa' nanili ra bulos nano sabap ra nauyu' kaga'.

JIRIMIA 36:26

Raja' pana nanusub boo ra anak nano i Jiragmiil, i Siraya anak ri Ajriil am i Silimia anak ri Abdiil koson mamparakop raki' am niayuk i Baruk, mamamatik kuno, kaa' pinasibuni akai ru Tuhan intor risilo.

MATIUS 2:1

I Jisus inanak giu' ra pekan Bitligim ra pagun ru Judia paat ra Irodis nasauk ra raja'. Kalo boo nabuoi ragili, kukula' ngaulun magugulig ra butitin riminatong intor ra Sirangon mongoi ra Jirusalim

MATIUS 2:13

Pakaugar magugulig ra butitin no am paginupi i Jusup. Pulusat ru sangulun malaikat ru Tuhan am indagu riso, “Sukal no, ibito' magina' no magiru' mongoi ra pagun ru Misir. Ayan kano ra giu' no saboi aku mambala' ramuyun saguli'. Uyumon ru raja' Irodis lalaing no koson potoyon no!”

MATIUS 2:16

Paat ri raja' Irodis nakatutun ra rinuung io ru magugulig ra butitin no siminangit io toojo. Sumugut ra bala' ru magugulig ra butitin no koson buoi ru butitin nakito nilo i siminila', nanusub i raja' Irodis ra potoyon ngaangai' lalaing ungkuyon giu' ra pekan Bitligim ondo' bagu inanak suku' ruo ngambilor.

RINALATAN 12:18

Io suabon ragili, posongonsol boo saujor-saujor naubong ra atan kia boo nasauk ri Pitrus i?

RINALATAN 12:4

Karakop i Pitrus, pasubolo' io ra lamin pangaputan. Mokoondo' apat ngantayaran saujor sinusub magalung riso am moonong tayar mokoondo' apat ngaulun saujor. Mopongo Pangiantakan ra Paska masaga' i Irodis mamisara' ri Pitrus ra saang ru ulun masuang.

RINALATAN 12:6

Iorondom ra kalo poyo pamisaraan ri Pitrus ra saang ru ulun masuang, nombolong io ra tatanga' ra ruo ngaulun saujor am karuruo kalindu' nali binangkil ra rantai. Giu' ra kulobon ru lamin pangaputan mokoondo' niayuk saujor ra bokon magalung ra pangaputan i.

RINALATAN 16:27

Tingganai ru magalung ra pangaputan i pana sukal am nakakito ra kulobon ru pangaputan i naukab. Pangkaraan nali ra nagiru' noyo ngaangai' ulun inaput. Ginio ra alapo' no boo ilang nali koson mantuwo io kunu'.

RINALATAN 21:8

Iosuabon, ugar akai po am nakasuku' ra Kaisaria. Giu' i, minayan akai ra baloi ru sangulun mampasaboi ra Tanou Moonsoi, makainggalan ri Pilipus. Io ti sangulun intor ra tulu' ngaulun ondo' pinili' giu' ra Jirusalim i.

RINALATAN 25:13

Kalo nabuoi ragili, raja' Agripa am i Birniki minongoi panguma' ri Pistus ra Kaisaria.

RINALATAN 27:42

Saujor-saujor makaguang mamatoi ra ngaangai' ulun inaput no, sabap ra malaa' ilo ra makapansarui lair ulun-ulun inaput no ra lantur am magiru'.

RINALATAN 8:40

I Pilipus pana nakaliman ra giu' io noyo ra Asdod. Ongoi io ra ngaangai' intok ru libung ragitio am mampatanou ra Tanou Moonsoi intor ri Jisus saboi nakasuku' io ra Kaisaria.

1 SAMUIL 23:14

Nansibuni i Daut giu' ra intok-intok panindungan giu' ra kabuluran, giu' ra tana' kaagisan Jiip. Masalok io ilolowon ru Raja' Saul, kaa' Tuhan kalo napataak riso ra Raja' Saul.