RINALATAN 12:10 - Tanou Moonsoi Timugon

¹⁰ Pansail ilo ra intok nagalungan kasaa' ru saujor am niayuk ra karuo i. Tauli pakasuku' ilo boo ra kulobon basi', ingkualan mongoi ra bandar i. Kaukab boo kulobon no am ingkual ilo boo. Nangkiralan ilo ra rondo' ralan boborok am malaikat i nangiruan ri Pitrus.

RINALATAN 12:10 ပူးပေါင်းရင်းမြစ်များ

KASAUKAN 40:3

pasubolo' no boo ilo ra lamin pangaputan ra baloi ru tingganai magagalung ra istana no, nogondo' ra nangaputan ri Jusup.

KASAUKAN 42:17

Aputo' no boo ilo ra pangaputan buoi kataluan.

JISAYA 21:8

Mantatamung raginio nampiau, “Tuan, nangandoi aku ra intok pantamungan ti orou am rondom.”

UNTABAN 15:34

am inaput boo ulun no sabap ra kalo poyo naimumuyan atan baalon riso.

JUANIS 20:19

Orou minggu' ragili niayuk ra io palunggai', maamaya'-maamaya' ri Jisus timinimung ra rondo' baloi am nagaput ilo, sabap ra nangalaa' ilo ra tingganai ru ulun ru Jaudi. Pulusat boo ri Jisus, minigor ra tatanga' nilai am indagu, “Kaansayan ramuyun.”

JUANIS 20:26

Saminggu' boo ragili, maamaya' ri Jisus timinimung poyo ra baloi i, am soroi niayuk i Tomas ra giu' i. Ngaangai' ru kulobon piniot ra kunsi', kaa' pulusat ri Jisus, minigor ra tatanga' nilai am indagu, “Kaansayan ramuyun.”

RINALATAN 12:4

Karakop i Pitrus, pasubolo' io ra lamin pangaputan. Mokoondo' apat ngantayaran saujor sinusub magalung riso am moonong tayar mokoondo' apat ngaulun saujor. Mopongo Pangiantakan ra Paska masaga' i Irodis mamisara' ri Pitrus ra saang ru ulun masuang.

RINALATAN 16:26

Paat ragili niayuk kalunggun boo tana', saboi ngaangai' pangaputan ti nakaaya' kalunggun. Naukab ngaangai' kulobon i am rantai pinabangkil risilo i naugal.

RINALATAN 5:19

Kaa' rondom ragili, sangulun malaikat ru Tuhan nangukab ra kulobon-kulobon ru lamin pangaputan no, am ibito' no rasul-rasul no miningkual. Indagu malaikat no risilo, kono,

PINAINTALANG 3:7

“Tulisi' koson ragitio ra malaikat ru pasimpungan ulun Kristian giu' ra bandar Piladilpia: “Gitio noyo bilin intor Riso ondo' matulai am motopot, am kunsi' ru raja' Daut soroi Riso; paat ra ukabin No kulobon no, angabin ru osoi ayuk pana kalo maangaban, am paat ra angabin No, ukabin ru osoi ayuk pana kalo maukaban.