RINALATAN 11:27 - Tanou Moonsoi Timugon

²⁷ Paat ragili mokoondo' kukula' ngaulun nabi intor ra Jirusalim minongoi ra Antiokia.

RINALATAN 11:27 ပူးပေါင်းရင်းမြစ်များ

MATIUS 23:34

Ginio ra rongogo' min toojo gitio: Manusub Aku ra nabi-nabi matong ramuyun, ulun pintar am niayuk mangingila': Potoyon min kukula' intor ilo ngaangai', salipon min bokon no am bokon no poyo loposon min ra baloi sambayangan, am mangilou kau niayuk risilo intor ra rondo' pekan mongoi ra pekan ra bokon.

LUKAS 11:49

Ginio nai kon ru Kapintaran ri Aki Kapuuno', ‘Manusub Aku ra nabi am rasul Kuno mongoi risilo, kaa' sampiruo intor risilo no potoyon nilo am bokon no imboloon!’

RINALATAN 11:20

Kaa' mokoondo' poyo intor risilo ti ulun Siprus am Kirini, ondo' minongoi ra Antiokia am nampasaboi ra Tanou Moonsoi intor ri Jisus ra ulun sala' ka Jaudi niayuk.

RINALATAN 11:22

Kaala' pasimpungan ulun Kristian ra Jirusalim raginio, susubo' nilo i Barnabas minongoi ra Antiokia.

RINALATAN 13:1

Ralalom pasimpungan ulun Kristian ra Antiokia, mokoondo' kukula' ngaulun nabi am niayuk mangingila'. Ilo ti am i Barnabas, Simon ondo' sabiton ri Maitom, Lukius intor ra Kirini, i Minaim ondo' tinalanak nabaya' ra gabenor Irodis am niayuk i Saulus.

RINALATAN 14:26

Intor ra giu' i saguli' ilo boo ra Antiokia. Bandar ragitio noyo nampataakan risilo ri Aki Kapuuno' ondo' nagalung toojo risilo buoi ra kandoi nilo nopongo.

RINALATAN 15:22

Kapatasan boo ru rasul-rasul am tingganai nabaya' ra ngaangai' ulun Kristian nampili' ra ruo ngaulun intor risilo poongoyon ra Antiokia mabaya' ri Paulus am i Barnabas. Ondo' pinili' nilai ti i Silas am i Judas, ondo' sabiton ri Barsabas; karuruo ti inurumat tojojo ru ulun Kristian giu' ra Jirusalim.

RINALATAN 15:30

Ulun-ulun sinusub no minugar am minongoi ra Antiokia. Pakasuku' ra giu' i, timungo' nilo boo ngaangai' ulun Kristian am pataako' risilo surat i.

RINALATAN 15:32

I Judas am i Silas, ondo' karuruo ti nabi, nampasaboi ra masuang pambalaan am nampaikang ra guang ru ulun Kristian koson makakau' ilo boo.

RINALATAN 18:22

Pakasaboi io ra Kaisaria, ongoi io ra Jirusalim koson mangani' ra bilin kaansayan ra ulun Kristian ra giu' i. Parayus io poyo ra Antiokia.

RINALATAN 2:17

Kon ri Aki Kapuuno', ‘Paat ra orou pupus pataakon Ku Ambiluo Kuno ra ngaangai' ulun. Ginio ra anak ungkuyon am ruandu' mino mampasaboi ra bala' intor Raki'; Tuu'-bagu mino makakito ra baal ondo' pakitonon Kuno risilo, am matutuo mino maginupi ra baal ondo' paintalangon Kuno risilo.

RINALATAN 21:4

Ongoi akai boo tuum ra ulun Kristian am minayan akai risilo buoi saminggu'. Ralalom kuasa' ru Ambiluo ri Aki Kapuuno', bilini' nilo i Paulus koson kalo mongoi ra Jirusalim.

RINALATAN 21:9

Io mokoondo' apat ngaulun anak ralaa ondo' mapandai toojo mampatanou ra bala' intor ri Aki Kapuuno'.

RINALATAN 6:5

Ngaangai' ru ulun no pana nangiou ra rinagu ru rasul, am aruo' nilo i Stipanus, sangulun ondo' mapiot pangintapatan nano am niayuk kinuasa' ru Ambiluo ri Aki Kapuuno', am poyo i Pilipus, Porokus, Nikanor, Timon, Parminas, Nikolaus intor ra Antiokia, ondo' ragili minaya' ra ugama Jaudi, kabalu' pana io sala' ka bansa' ru Jaudi.

1 KORINTUS 12:10

Ambiluo raginio noyo mangani' ra sangulun ra kuasa' mambaal ra kaimuagan, am ulun ra bokon inanian no ra kapandayan mampasaboi ra bala' intor ri Aki Kapuuno'. Ulun ra bokon poyo inanian ru Ambiluo no ra kapandayan magilong ra ati ka rondo' intor ra Tuhan am ati sala'. Mokoondo' inanian ra kapandayan mindagu ra nansalinut ragu imuagan, am mokoondo' poyo inanian ra kapandayan mambala' ra arati' ru ragu imuagan no.

1 KORINTUS 12:28

Ralalom pasimpungan ulun Kristian, nangaru' i Aki Kapuuno' ritakau ra tayar sigagama'; kasaa' am rasul; karuo am nabi-nabi; katalu am mangingila'; am ilo ondo' mambaal ra kaimuagan, am niayuk ilo ondo' inanian ra kapandayan mamabas ra ulun, mangindangan ra ulun, maningganai ra ulun, kapoam mindagu ra nansalinut ragu imuagan.

1 KORINTUS 14:32

Kapandayan intor ra Ambiluo ri Aki Kapuuno' mampasaboi ra bala' intor ri Aki Kapuuno', musiti' makuasa' ru ulun ondo' inanian.

GALATIA 2:11

Paat ri Pitrus minongoi ra Antiokia, sinawai ku io ra saang ru ulun masuang sabap ra makasala io.

IPISUS 4:11

Io no nangani' ra ulun ra taak; mokoondo' sinauk Nano ra rasul am bokon no nabi; mokoondo' poyo sinauk Nano ra ulun mampasaboi ra Tanou Moonsoi, am bokon no magagalung kapoam mangingila' ra pasimpungan ulun Kristian.