RINALATAN 11:26 - Tanou Moonsoi Timugon

²⁶ Katuum no i Saulus, ibito' no ra Antiokia am buoi sambilor siminimpung ilo ra pasimpungan ulun Kristian ra giu' i liliwa' nangila' risilo. Giu' ra Antiokia noyo maamaya' ri Jisus kainsaa' sabiton ra ulun Kristian.

RINALATAN 11:26 ပူးပေါင်းရင်းမြစ်များ

JISAYA 65:15

Ulun pinili' Kuno mamakai ra inggalan mino koson ra pagulasan, Aku, Tuhan Raja' mamatoi ramuyun, kaa' ilo ondo' gumagaya' Raki' aniin Ku ra inggalan bagu.

MATIUS 28:19

Ongoi kano ra ngaangai' bansa' ra titikop ru tana' ti am sauko' ilo no ra maamaya' Kuno. Riwo' ilo no ralalom inggalan ri Ama', Anak, am Ambiluo ri Aki Kapuuno'.

JUANIS 2:2

I Jisus am maamaya' Nano piniau niayuk minongoi ra bunsag i.

RINALATAN 1:15

Paat ra rondo' orou timinimung olo'-olo' maatus ruo ngoopor ngaulun, bigor i Pitrus koson mambala' risilo, kono,

RINALATAN 11:20

Kaa' mokoondo' poyo intor risilo ti ulun Siprus am Kirini, ondo' minongoi ra Antiokia am nampasaboi ra Tanou Moonsoi intor ri Jisus ra ulun sala' ka Jaudi niayuk.

RINALATAN 11:22

Kaala' pasimpungan ulun Kristian ra Jirusalim raginio, susubo' nilo i Barnabas minongoi ra Antiokia.

RINALATAN 11:27

Paat ragili mokoondo' kukula' ngaulun nabi intor ra Jirusalim minongoi ra Antiokia.

RINALATAN 11:29

Ginio ra ngaangai' maamaya' ri Jisus ra giu' i nangiou koson mangindangan ra ulun Kristian ra Judia; nangani' ilo maya' ra kamaanan ru sasangulun.

RINALATAN 14:20

Kaa' paat ra ulun-ulun nangintopot ri Jisus minongoi limpu riso, sukal io am subol saguli' ra bandar i. Io suabon, ugar io mabaya' ri Barnabas am minongoi ra Darbi.

RINALATAN 14:22

Nampaikang ilo ra ulun-ulun nangintopot am nangkimait risilo koson marayus mangintopot ri Jisus. “Masuang kapaganan matuum takau galing maa' raginio makaili' takau Pamarintaan ri Aki Kapuuno',” nangilaan nilo.

RINALATAN 14:23

Inaru' i Paulus am i Barnabas ra magagalung ra moonong pasimpungan ulun Kristian. Ginio ra nakiasi' am nampali ilo, am nampataak risilo ra alungin ru Tuhan ondo' inintopot nilo.

RINALATAN 14:27

Paat ra ilo nakasaboi ra Antiokia, timungo' nilo pasimpungan ulun Kristian am tunungo' nilo atan ondo' sinauk ri Aki Kapuuno' pinasumbaya' risilo. Tinunung nilo niayuk ra ati kulaan i Aki Kapuuno' nangukab ra ralan koson ulun ondo' sala' ka Jaudi pana mangintopot ri Jisus.

RINALATAN 14:28

Nabuoi i Paulus am i Barnabas minayan ra giu' i, nasisimpung ra ulun-ulun ondo' nangintopot ri Jisus.

RINALATAN 18:27

I Apolos pana makaguang boo mongoi ra Akaya. Ginio ra ulun Kristian ra Ipisus nanulis ra surat posoboyon ra ulun Kristian ra Akaya koson ra apuon nilo i Apolos ti. Pakasuku' ra giu' i, pangindanganan nali totopot mokoonong ra ulun Kristian, ondo' ralalom ru kataawan ri Aki Kapuuno' nangintopot ri Jisus.

RINALATAN 19:9

Kaa' mokoondo' intor risilo i mokotog guang am kalo nangintopot, am nagasab ilo poyo ra pamayagan ri Aki Kapuuno' ra saang ru ulun masuang. Ginio ra i Paulus pana nangiruan risilo am ibito' no ulun ondo' nangintopot noyo ri Jisus am moonong orou nangila' io risilo giu' ra intok igigilaan ri Tiranus.

RINALATAN 20:1

Pakalinos boo bandar Ipisus i, timungo' ri Paulus ulun Kristian am pambilin io koson mampaikang ra pangintapatan nilai. Ugar io boo ongoi ra Makidonia.

RINALATAN 20:30

Mokoondo' niayuk kukula' ngaulun intor ramuyun no magabau am mampalayau ra ulun Kristian koson maya' boo risilo.

RINALATAN 21:4

Ongoi akai boo tuum ra ulun Kristian am minayan akai risilo buoi saminggu'. Ralalom kuasa' ru Ambiluo ri Aki Kapuuno', bilini' nilo i Paulus koson kalo mongoi ra Jirusalim.

RINALATAN 26:28

Taam boo i Agripa ri Paulus, “Indoson muno kia ra mampasauk kou raki' ra Kristian ra mataki'?”

RINALATAN 6:1

Paat ragili niayuk siminuang ulun ondo' mangintopot ri Jisus i, am nansasangor boo ulun ru Jaudi ondo' mindagu ra ragu Junani am ondo' mindagu ra ragu Ibrani. Ilo ondo' mindagu ra ragu Junani ti nanguu' ra bokon ra napuor nilo ti linilianan ra kalo aniin ra ruit moonong orou.

RINALATAN 6:5

Ngaangai' ru ulun no pana nangiou ra rinagu ru rasul, am aruo' nilo i Stipanus, sangulun ondo' mapiot pangintapatan nano am niayuk kinuasa' ru Ambiluo ri Aki Kapuuno', am poyo i Pilipus, Porokus, Nikanor, Timon, Parminas, Nikolaus intor ra Antiokia, ondo' ragili minaya' ra ugama Jaudi, kabalu' pana io sala' ka bansa' ru Jaudi.

RINALATAN 9:19

Pakaakan io ayuk ragili, maikang io boo saguli'. Minayan i Saulus ra ulun nangintopot ra kukula' ngoorou giu' ra Damsyik.

RINALATAN 9:38

Jopi ti kalo maalur intor ra Lida. Paat ra ulun nangintopot ri Jisus intor ra Jopi nokorongog ra i Pitrus soroi ra Lida, pambilin ilo ra ruo ngaulun intor risilo mongoi ri Pitrus. Pambala' ilo riso, konilai, “Ribaki' noyo am ratong ra Jopi.”

1 KORINTUS 11:18

Kasaa' i, nokorongog aku ra paat ru pasimpungan mino, mokoondo' mansusuai am mansasangor ra rondo' am bokon. Am mangintopot aku niayuk ra tanou raginio.

1 KORINTUS 12:12

Itakau ondo' mangintopot ri Kristus mogondo' ra inan ru ulun; inan no rondo' ayuk, kaa' masuang tayar. Kabalu' pana masuang tayar, kaa' rondo' ayuk inan no.

1 KORINTUS 14:23

Amon ru paat ra pasimpungan ulun Kristian, ngaangai' makiasi' mindagu ra ragu imuagan, am ratong boo kukula' ngaulun ra bokon kapoam ulun ondo' sala' ka Kristian, maaru' ulun raginilo mindagu ra akau ngaangai' ti mantuyang.

1 KORINTUS 4:17

Ginio kuayan ra mompoongoi aku ri Timotius ramuyun. Koson sangulun Kristian, io ti anak kuno ondo' tagamin kuno am malansanan. Io mampakara' ramuyun ra ati kulaan kaayagan kuno koson ra sangulun ondo' mangintopot ri Kristus. Ginio noyo pangilaan kuno ra ngaangai' pasimpungan ulun Kristian ra ati ayuk intok.

IPISUS 3:15

Io no ondo' mangani' ra painawo ra ngaangai' maayag giu' ra suruga' am niayuk giti ra tana' ti.

JAKUBUS 2:7

Ilo ti niayuk magasab ra inggalan min moonsoi, ioginio Kristian, ondo' naapu min intor ri Aki Kapuuno'.

1 PITRUS 4:14

Pakaansuk kano kabalu' pana ra asabin kau sabap ra maamaya' kau ri Kristus. Arati' no, mokoondo' noyo Ambiluo Maayo Kaga' Kuasa', ioginio Ambiluo ri Aki Kapuuno' rumondon ramuyun.

1 PITRUS 4:16

Kaa' amon ru maimbolo' kau sabap ra akau ulun Kristian, pai' kau kauyu' raginio. Paringkuanang kano ri Aki Kapuuno' ra akau inggalanin ra ulun Kristian.

1 JUANIS 2:27

Kaa' akau galama', inanian noyo ri Jisus Kristus ra Ambiluo Nali. Am buoi ru Ambiluo no soroi ramuyun, kalo pana ilaan kau ru ulun. Ambiluo no mangila' ramuyun ra atan-atan ayuk am pangilaan Nano motopot, sala' ka magabau. Ginio boo ra akau musiti' gumagaya' ra pangilaan ru Ambiluo no, am maayag kau sumimpung ri Jisus Kristus.

PINAINTALANG 3:18

Sabap raginio balain takamin, balio' mas Kuno, mas kopoyo, maa' raginio langkaya' kau! Bayang mapulak pana balio', koson mampasibuni ra nagibabaang kau ra makauyuyu'! Tatapis ra mato pana balio', maa' raginio makakito kau!