RINALATAN 11:24 - Tanou Moonsoi Timugon

²⁴ I Barnabas ti sangulun moonsoi, mokoondo' ra kuasa' ru Ambiluo ri Aki Kapuuno' am mangintopot toojo ra Tuhan am masuang ulun nangintopot ra Tuhan.

RINALATAN 11:24 ပူးပေါင်းရင်းမြစ်များ

2 SAMUIL 18:27

Taam mantamung no, “Ulun ondo' kasaa' no i Agimaas. Nakapandai aku intor ra simbul nano.” Indagu raja', “Io ulun moonsoi, maaru' nagibit io ra tanou moonsoi.”

MAZMUR 112:5

Pakaansuk noyo ulun ondo' mataau am masaga' mampaira', am niayuk mabanis guang ralalom nansalinut kandoi.

MAZMUR 37:23

Tuhan mangitang ra ulun mongoi ra ralan ondo' sukuon no am manindung ra ulun ondo' iniou No.

AMSAL 12:2

Ulun moonsoi kaansayin ru Tuhan, kaa' ulun ondo' mangatang ra kalaatan makaapu ra ukuman.

AMSAL 13:22

Ulun moonsoi patungkuson no rapu' nano ra anak am akupu, kaa' rapu' ru ulun makatula patungkuson ra ulun ondo' mabanis guang.

AMSAL 14:14

Ulun malaat makaapu ra kinibit ru kalaatan nilo, kaa' ulun moonsoi makaapu ra balos intor ra kinoonsoi nilo.

MATIUS 12:35

Ulun moonsoi mampasalula' ra paliso moonsoi intor ra ralalom no, sabap ra io ti moonsoi. Ulun malaat mampasalula' ra paliso malaat intor ra ralalom no, sabap ra io ti malaat.

MATIUS 19:17

Taam i Jisus, “Kua pangkuot kou Raki' ra atan moonsoi? I Aki Kapuuno' ayuk moonsoi. Amon ru masaga' kou maayag mantilayun, gagaya' no ra ukum ri Aki Kapuuno'.”

LUKAS 23:50

Mokoondo' sangulun ungkuyon makainggalan ri Jusup, intor ra bandar Arimatia ra Judia. Io ti sangulun motopot am kalansanan ru ulun am maginaa io ra i Aki Kapuuno' matong am mamarinta. Kabalu' pana io sangulun suang ru Majlis Ugama, kalo nangiou io ra binaal nilo ra raitii' i.

JUANIS 7:12

Ulun masuang i pana posokonos ayuk mansunur Riso. Mokoondo' mindagu ra, “Ulun moonsoi Io.” Mokoondo' poyo bokon mindagu, “Kalo! Mampakalayau Io ra ulun.”

RINALATAN 11:21

Kuasa' ru Tuhan mabaya' risilo saboi masuang ulun nangintopot am minaya' ra Tuhan.

RINALATAN 2:4

Ilo ngaangai' kinuasa' ru Ambiluo ri Aki Kapuuno'. Tumalimpuun ilo mindagu ralalom nansalinut ragu ra bokon maya' ra atan ondo' tinaakan ru Ambiluo ri Aki Kapuuno' no risilo.

RINALATAN 2:47

Mongongompor ilo ri Aki Kapuuno' am kaansayin ilo ru ngaangai' ulun. Moonong orou ruangin ru Tuhan suang nilo ra ulun ondo' bayagon ri Aki Kapuuno'.

RINALATAN 24:16

Ginio boo ra masalok aku mangkinam ra tumanda' ayuk guang kuno ri Aki Kapuuno' am ngaangai' ulun.

RINALATAN 5:14

Ginio ra buoi-kabuoi rumuang poyo ulun mangintopot ra Tuhan, ungkuyon am ruandu'.

RINALATAN 6:3

Ginio ra aruo' min tulu' ngaulun ondo' mangatanda', kinuasa' ru Ambiluo ri Aki Kapuuno' am mapintar, ginio ra makapalit ilo boo ramon mambaal ra kandoi ti.

RINALATAN 6:5

Ngaangai' ru ulun no pana nangiou ra rinagu ru rasul, am aruo' nilo i Stipanus, sangulun ondo' mapiot pangintapatan nano am niayuk kinuasa' ru Ambiluo ri Aki Kapuuno', am poyo i Pilipus, Porokus, Nikanor, Timon, Parminas, Nikolaus intor ra Antiokia, ondo' ragili minaya' ra ugama Jaudi, kabalu' pana io sala' ka bansa' ru Jaudi.

RINALATAN 6:8

I Stipanus binarakat toojo ri Aki Kapuuno' am makakuasa', saboi makapambaal ra kaimuagan am tatandu' ra ulun masuang.

RINALATAN 9:31

Intor raginio ngaangai' pasimpungan ulun Kristian ra Judia, Galilia am Samaria kolondo' boo kapaganan. Nangurumat ilo ri Aki Kapuuno' am nabaya' ra indangan ru Ambiluo ri Aki Kapuuno' siminuang am maikang pangintapatan nilo.

ROMA 15:15

Kaa' ralalom surat kutu ragitio makakau' aku mampakara' ramuyun ra kukula' baal, sabap ri Aki Kapuuno' noyo nangani' raki' ra kandoi raginio.

ROMA 5:7

Sabap ra mapagon sangulun masaga' matoi malit ra ulun ondo' mampakaatang ra ukum, kaa' mokoondo' lair sangulun makakau' matoi malit ra ulun moonsoi guang.