RINALATAN 11:16 - Tanou Moonsoi Timugon

¹⁶ Kakara' ku boo rinagu ru Tuhan, ‘I Juanis nampariu' ramuyun ra timug, kaa' riwon kau poyo ra Ambiluo ri Aki Kapuuno'.’

RINALATAN 11:16 ပူးပေါင်းရင်းမြစ်များ

AMSAL 1:23

Iningo' min aku mangila' ramuyun. Pinsanin takamin, am mantayar ramuyun ra katutunan kuno.

YEHEZKIEL 36:25

Takisin Takamin ra timug mapasau, am mampapasau ramuyun intor ra ngaangai' sinungkalalaing min am ngaangai' no ondo' nampajamol ramuyun.

JOIL 2:28

“Kopongo raginio pasasaron Ku Ambiluo Kuno ra ngaangai' ulun: anak ungkuyon am anak ruandu' min mampatanou ra tanou Kuno; ulun matutuo min maginupi, am ulun mamulok min makakito ra napakitanan.

JOIL 3:18

Paat raginio gunung libungin ru umo ru anggur; bibiag tinambiag soroi giu' ra moonong bulur; ngaangai' sungoi giu' ra Jiuda totopon ra timug. Rondo' sungoi tumilis intor ra Baloi ru Tuhan; sungoi no manimug ra Limayak Akasia.

MATIUS 3:11

Ginio ra riwon takamin ra timug koson ra tatandu' ra akau ti timinalikur noyo intor ra tula. Kaa' Io ondo' matong ra maagu no mampariu' ramuyun ra Ambiluo ri Aki Kapuuno' am apui. Maayo kuasa' Nano ka aku, magibit ra kasut Nano pana kalo maaya' aku.

MATIUS 3:6

Mangiou ilo ra tula nilai am riwon ilo ri Juanis ra Sungoi Jordan.

MARKUS 1:8

Riwon takamin ra timug, kaa' Io mampariu' ramuyun ra Ambiluo ri Aki Kapuuno'.”

LUKAS 24:8

Kakara' boo ru ruandu'-ruandu' no ondo' rinagu ri Jisus i.

LUKAS 3:16

Kaa' indagu i Juanis risilo, “Aku ti mampariu' ramuyun ra timug ayuk, kaa' ra maagu no matong sangulun ondo' maayo kuasa' Nano intor raki'. Mamagus ra kasut Nano pana kalo maaya' aku. Mampariu' Io ramuyun ra Ambiluo ri Aki Kapuuno' am apui.

JUANIS 1:26

Taam i Juanis, “Aku mampariu' ra timug ayuk, kaa' giti ra tatanga' min mokoondo' poyo sangulun ondo' kalo mauligan min.

JUANIS 1:33

Ragili, kalo nakatutun aku osoi Io ti. Kaa' i Aki Kapuuno' ondo' nanusub raki' mampariu' ra timug no minindagu raki', kono, ‘Makito mu Ambiluo ri Aki Kapuuno' tumuun ra sangulun am sumoroi riso. Ulun raginio noyo ondo' mampariu' ramuyun ra Ambiluo ri Aki Kapuuno'.’

JUANIS 14:26

Kaa' Ambiluo ri Aki Kapuuno', Io no Mangingindangan ondo' susubon ri Ama' ralalom ru inggalan Kuno, Io noyo mangila' ramuyun ra ngaangai' no am mampakara' ramuyun ra ngaangai' ondo' rinagu Ku noyo.

JUANIS 16:4

Kaa' mambala' Aku ramuyun raino, maa' raginio ra io masauk, makara' min ra binalaan takamin noyo kalalair.” “Kalo binalaan takamin raginio intor ra talimpuun i, sabap ra lakat Aku ayuk poyo nabaya' ramuyun.

RINALATAN 1:5

Nampariu' i Juanis ramuyun ra timug, kaa' kukula' ngoorou poyo am riwon kau ra Ambiluo ri Aki Kapuuno'.”

RINALATAN 20:35

Ginio ra nanulu' aku no ramuyun ra amon ru mangandoi takau koson raginio makapangindangan takau ra ulun malawo. Karaa' min ati kulaan bala' ru Tuhan Jisus ra io minindagu, ‘Moonsoi poyo mangani' intor ra makitaak.’ ”

1 KORINTUS 12:13

Koson niayuk ritakau ngaangai': ulun ru Jaudi kapoam sala' ka Jaudi, ulipon kapoam sala' ka ulipon; riniu' takau ngaangai' masauk ra rondo' inan ri Kristus ralalom ru Ambiluo ri Aki Kapuuno'. Itakau ngaangai' inanian ra Ambiluo raginio ondo' rondo' ayuk.

2 PITRUS 3:1

Pabukat kau ngai' ondo' tagamin ku, gitio noyo surat karuo ondo' posoboyon kuno ramuyun. Ralalom ru karuruo surat kuno giminogot aku ra guangon toojo ondo' natutunan min noyo. Mampakara' aku toojo ramuyun ra ondo' pinabala' ru nabi matulai ra galing i, am atan kia poyo panusuban ru Tuhan am Mamamayag ondo' pinasaboi ru rasul-rasul ramuyun.