RINALATAN 11:1 - Tanou Moonsoi Timugon

¹ Rasul am ngaangai' ulun nangintopot ra ati ayuk ra Judia nakaining ra ulun sala' ka Jaudi nokoowot ra bala' ri Aki Kapuuno'.

RINALATAN 11:1 ပူးပေါင်းရင်းမြစ်များ

KASAUKAN 49:10

Mampaguut i Jiuda ra susukur ru parinta. Papag nano magail mamarinta. Bansa'-bansa' magibit ra upiti riso, am migulatur ra guang gumagaya' ra saang nano.

MAZMUR 22:27

Ulun balabag mangkan am maasug; ilo ondo' matong ra Tuhan mongompor Riso. Gama' lumangkaya' ilo ra sabubuoi no!

JISAYA 11:10

Masuku' sangarawan bulintok ra sangulun raja' papag ru raja' Daut masauk ra tatandu' ru ngaangai' bansa'. Matong ilo riso, am bansa' nano galama' masauk ra sasabiton.

JISAYA 32:15

Kaa' igondo' poyo i Aki Kapuuno' matong ralalom kuasa' Nano. Tana' ra mapua' pana masauk malabung, am umo no mapaingkual ra ampos ondo' masuang.

JISAYA 42:1

Indagu Tuhan, “Gitio noyo ulipon Kutu, ondo' pinaikang Kuli; sangulun noyo pinili' Kuli, am mapabansuk ra guang Kutu. Kuasa' Kuno pinataak Ku noyo riso, magibit Io ra katimpakan ra moonong bansa'.

JISAYA 42:6

“Aku, Tuhan nampiau rirun am manaak rirun ra kandoi koson mapaugar ra katimpakan ra tana'. Pinabala' galing Rirun ra Aku mambaal ra nabantuan ra ngaangai' ulun; pinabala' galing rirun ra Aku mampasinda ra bansa'-bansa'.

JISAYA 49:6

Tuhan mindagu raki', “Kandoi ra maayo kaga' maginaa rirun, okou ulipon Kuno; okou sala' ka mapasaguli' ayuk ra suwo ru papag ri Jakub am mapatapuli' ra kinaayo ru bansa'-bansa' ru Israil, kaa' saukon Ku poyo okou ra sinda ru bansa'-bansa' maa' raginio titikop ru tana' ti bayagon.”

JISAYA 52:10

Tuhan mapakito ra kuasa' Nano ra saang ru mato ru nansalinut bansa'. Titikop ru tana' pana makainono' ra pamayagan intor ri Aki Kapuuno' takau.

JISAYA 60:3

Bansa'-bansa' ra bokon matong saguguluyur ra sinda muno, raja'-raja' nabunduk ru sinda siminila' koson rirun.

JISAYA 62:2

Okou Jirusalim, bansa'-bansa' magilong ra kamanangan muno, raja'-raja' magilong ra kaantakan muno! Sabiton kou ra inggalan bagu, inggalan ondo' tinaakan galama' ru Tuhan.

JIRIMIA 16:19

Iou Tuhan, Okou noyo ondo' manindung raki' am mangani' raki' ra kaikangan; Okou noyo mangindangan raki' paat ra kapaganan. Bansa'-bansa' intor ra pompor ru tana' ti am matong Rirun am mindagu, “Kinamatuaan mai mokoondo' ayuk ra tuhan kalo motopot am kolondo' noyo toojo onong.

MIKA 5:7

Ilo ondo' lakat poyo maayag ra gino ngai' ru bansa'-bansa' ru bokon masauk koson ra singa' ondo' maguyum ra akanon giu' ra kataunan kapoam giu' ra padang ru sakot; siminubol singa' no ra tatanga' ru domba-domba, nansaam am niayuk bibinsango' domba; kolondo' sangulun pana makapamayag ra domba-domba no.

JIPANYA 2:11

Tuhan mangkinibit risilo malaa' kaga'. Tutukon No dewa-dewa ra tana' ti. Mopongo raginio ngaangai' bansa' sumambayang ra Tuhan, sigagama' giu' ra pagun galama'.

JIPANYA 3:9

Kaa' malupus raginio kulawon Ku guang ru bansa'-bansa' no, saboi makiasi' ilo Raki' ayuk am sala' ka tuhan-tuhan ra bokon. Ngaangai' bansa' no gumagaya' Raki'.

JAKARIA 2:11

Paat raginio masuang bansa' matong ra Tuhan koson masauk ra ulun Nano. Mayan io ra tatanga' min, am makapandai kau boo ra Tuhan nanusub noyo raki' mongoi ramuyun.

MALIAKI 1:11

Urumaton Aku ru bansa'-bansa' ra titikop ru tana' ti. Solobon nilo kaminyan giu' ra ngaangai' intok koson mangurumat Raki', am mampataak ilo ra taak simbalui ondo' maaya' pataakon. Ilo ngaangai' mangurumat Raki'!

MATIUS 2:1

I Jisus inanak giu' ra pekan Bitligim ra pagun ru Judia paat ra Irodis nasauk ra raja'. Kalo boo nabuoi ragili, kukula' ngaulun magugulig ra butitin riminatong intor ra Sirangon mongoi ra Jirusalim

MATIUS 8:11

Karaa' min gitio! Masuang ulun sala' ka bansa' ru Jaudi mabubunsag mababaya' ri Abragam, i Isak am i Jakub giu' ra Tana' Bagu ri Aki Kapuuno'.

MARKUS 16:5

Umpos ilo ra lobong i. Ralalom i tampilon ra pamiris, nakito nilo mokoondo' sangulun ungkuyon mamulok nanturung, nambayang ra sukub ondo' mapulak, ginio ra ilo nakatigog.

LUKAS 2:32

Koson ra sinda mapakatawang ra ralan manulu' Io ra ulun sala' ka Jaudi rumatong Rirun. Io niayuk sinda ondo' mampasauk ra ulun Muno Israil urumaton.”

RINALATAN 1:15

Paat ra rondo' orou timinimung olo'-olo' maatus ruo ngoopor ngaulun, bigor i Pitrus koson mambala' risilo, kono,

RINALATAN 11:29

Ginio ra ngaangai' maamaya' ri Jisus ra giu' i nangiou koson mangindangan ra ulun Kristian ra Judia; nangani' ilo maya' ra kamaanan ru sasangulun.

RINALATAN 14:27

Paat ra ilo nakasaboi ra Antiokia, timungo' nilo pasimpungan ulun Kristian am tunungo' nilo atan ondo' sinauk ri Aki Kapuuno' pinasumbaya' risilo. Tinunung nilo niayuk ra ati kulaan i Aki Kapuuno' nangukab ra ralan koson ulun ondo' sala' ka Jaudi pana mangintopot ri Jisus.

RINALATAN 15:3

Ginio ra ulun Kristian ra Antiokia nompoongoi noyo risilo ra Jirusalim. Minapit ilo poyo ra Pinisia am Samaria. Pakasuku' ilo ra giu' i, pantunung ilo ra ati kulaan ulun sala' ka Jaudi nangintopot noyo ri Aki Kapuuno'. Tanou ragitio nampakaansuk toojo ra guang ru ulun Kristian ondo' soroi ra giu' i.

RINALATAN 28:15

Kaa' ulun Kristian ra Roma nakaining noyo ra tanou intor ramon am minongoi ilo uma' ramon giu' ra ruo pekan ondo' ininggalanan ra Apius am Talu Ngaintok Apitan. Pakauma' i Paulus risilo, naringkuanang io ri Aki Kapuuno' am guang nali pana pinaikang boo.