RINALATAN 10:4 - Tanou Moonsoi Timugon

⁴ Nalaa' i Konilius am nonontong ra malaikat indagu io, “Kua guat, tuan?” Taam malaikat i, “Ngaangai' pakiasian am indangan muno ra ulun musikin i naapu noyo ri Aki Kapuuno' am tumaam io rirun.

RINALATAN 10:4 ပူးပေါင်းရင်းမြစ်များ

2 TUNUNG RU BANSA' ISRAIL 32:24

Olo'-olo' paat raginio, narualan Raja' Gijkia saboi maar matoi. Pakiasi' io am nangani' Tuhan ra tatandu' ra mapali' io.

2 TUNUNG RU BANSA' ISRAIL 6:33

rongogo' noyo pakiasian nano. Rongogo' io intor ra intok ayanan Muno giu' ra suruga', am iowo' kitaakon nano, maa' raginio ngaangai' bansa' ra tana' ti makaulig Rirun am gumagaya' Rirun, koson ra ulun ru Israil. Ilo pana makapandai boo ra Baloi ondo' binaal kutu iono intok koson sumambayang Rirun.

MAZMUR 141:2

Apuo' noyo pakiasian kutu koson ra rondo' taak ra kaminyan, am apuo' noyo kalindu' ra patunuyon kutu koson ra taak ra rondom.

MAZMUR 20:3

Gama' ru mangator Io ra pangindanganan intor ra Baloi Nano am manaak ramuyun ra juul intor ra Bulur Sion.

JISAYA 43:26

Ongoi takau ra makama; pasalulaa' noyo panguwan-panguwan mino! Pabalaa' noyo suang ru guang mino am pabalaa' noyo ra akau kolondo' sala!

JISAYA 45:19

Kalo alion Ku ra Aku mindagu, kapoam opoton. Kalo susubon Ku ulun Kuno Israil maguyum Raki' ra kolondo' logo. Aku, Tuhan, mindagu ra motopot, am mambala' ra motopot.”

DANIL 10:11

Kon ru malaikat no raki', “Okou Danil, motogom i Aki Kapuuno' rirun. Sukal no am rongogo' toojo ragu kuti. Sinusub aku mongoi rirun.” Karagu no ginio, sukal aku, am lakat poyo monontol.

IMAMAT 2:2

Ulun no musiti' magibit ra taak nano ra imam-imam papag ri Arun. Imam ondo' mapataak ra taak simbalui no musiti' mangalap ra sogonggom tapung am niayuk umau no am ngaangai' kaminyan no, am solobon ngaangai' no ra rasawat ru altar koson tatandu' ra kasalingai' no pinataak noyo ra Tuhan. Owou ru taak ra akanon no mapabansuk ra guang ru Tuhan.

MALIAKI 3:16

Kopongo raginio ulun ondo' malaa' ra Tuhan mindagu ra ilo galama'. Mangkirongog Tuhan am mampaguang ra ragu-ragu nilo. Giu' ra saang ru Tuhan, inggalan ru moonong ulun ondo' mangurumat Riso am malaa' Riso, tulisin ralalom ru rondo' kitab.

MATIUS 26:13

Karaa' min gitio; ati-ati ayuk ra tana' ti Tanou Moonsoi ti potonowon, ondo' binaal ru ruandu' ti patunungon masauk ra pangkaraan riso.”

LUKAS 1:29

Naliangan kaga' i Maria nakaining ra ragu ru malaikat i, saboi nampaguang io, atan arati' ru ragu ni.

LUKAS 24:5

Sabap ra nangalaa' toojo kubu ruandu'-ruandu' ra tana'. Kaa' indagu boo ruo ngaulun i risilo, konilo, “Kua guat uyumo' min ulun ondo' maayag ra intok ru ulun minatoi?

RINALATAN 10:31

Indagu io, ‘Konilius! Norongog noyo ri Aki Kapuuno' pakiasian muno am nangkara' io ra kataawan ru guang muno.

RINALATAN 14:9

Io ti nanturung liliwa' nangkirongog ri Paulus. Kakito ri Paulus ra ulun ti maalap kababas sabap ra mangintopot io. Ginio ra tantangin no ulun i

RINALATAN 22:10

Pangkuot aku po, ‘Atan kia musiti' ku baalon, Tuhan?’ Taam boo Tuhan, ‘Sukal no am ongoi ra Damsyik. Giu' no bagu tokou balain ra ngaangai' ondo' inaru' noyo ri Aki Kapuuno' rirun.’

RINALATAN 3:4

Tantangi' nilo io, indagu boo i Pitrus riso, kono, “Ponontong ramon!”

PILIPI 4:18

Am raino suang ru pinataak min raki' i, mauli' poyo toojo intor ra kaukapan kuno. Am ngaangai' no pinasuku' noyo raki' ri Ipaproditus. Ondo' pinataak mino raginio, mogondo' ra taak maamis owou, am koson ayuk ra taak simbalui pataakon ri Aki Kapuuno' ondo' mampakatasu' ra guang Nano.

PILIPI 4:6

Pai' kano kaimamang ra atan ayuk pana, kaa' kasalok noyo pasalulaa' ayuk ri Aki Kapuuno' atan ondo' kitaakon mino. Am baalo' min gitio mabaya' ra pakiasian am paringkuanangan.

IBRANI 13:16

Pai' kano pakalilian mambaal ra moonsoi am mangindangan ra rondo' am bokon, sabap raginio noyo koson ra taak simbalui ondo' mapabansuk ra guang ri Aki Kapuuno'.

IBRANI 6:10

Io mabanis guang am kalo malilianan No ati koson nangandoi kau Riso, monogom kau Riso am nangindangan kau ra ulun Kristian ragili suku' raino.

PINAINTALANG 8:4

Lisun ru kaminyan ondo' ginuut ru malaikat no maloi mabaya' ra pakiasian ru ulun-ulun ra saang ri Aki Kapuuno'.

1 SAMUIL 3:10

Kopongo raginio ratong Tuhan am bigor ra intok raginio am niayuk nampiau poyo riso, “Samuil! Samuil!” Taam i Samuil, “Indagu no, iou Tuhan. Rumongog ulipon Mutu.”