RINALATAN 10:38 - Tanou Moonsoi Timugon

³⁸ Nakapandai kau poyo ra i Aki Kapuuno' nampili' noyo ri Jisus, ulun Nasarit i, am inanian No ra Ambiluo ri Aki Kapuuno' am niayuk kuasa'. Minongoi Io ra ati ayuk intok koson mambaal ra moonsoi am mamabas ra ulun masuang ondo' kinuasa' ru Tingganai ru riwato, sabap ra mabaya' i Aki Kapuuno' ri Jisus.

RINALATAN 10:38 ပူးပေါင်းရင်းမြစ်များ

2 TUNUNG RU BANSA' ISRAIL 17:9

Inibit nilo kitab Ukum ru Tuhan, am nariput ra ngaangai' bandar ru Jiuda am nangila' ra mamagun ra giu' no.

MAZMUR 2:2

Raja'-raja' ru tana' ti nagagampan giminuor, am ngaangai' namarinta maguguum guang tumula' ra Tuhan am raja' pinili' Nano.

MAZMUR 2:6

Minindagu Io, “Giu' ra Sion, bulur Kuno ondo' matulai, pinasauk Ku noyo raja' Kuno.”

MAZMUR 45:7

Kuasa' pinataak rirun ri Aki Kapuuno' mantilayun ra sabuoi-buoi no. Namarintaan muno ra mamagun muno matimpok toojo.

JISAYA 11:2

Kuasa' ru Tuhan manaak riso ra kapintaran am niayuk katutunan am kapintaran koson mamarinta ra ulun nano. Makaulig io ra kasagaan ru Tuhan am mangurumat Riso.

JISAYA 42:1

Indagu Tuhan, “Gitio noyo ulipon Kutu, ondo' pinaikang Kuli; sangulun noyo pinili' Kuli, am mapabansuk ra guang Kutu. Kuasa' Kuno pinataak Ku noyo riso, magibit Io ra katimpakan ra moonong bansa'.

MATIUS 12:15

Paat ri Jisus nakatutun ra panguyatan mamatoi Riso, ugar Io intor ra intok raginio; am masuang ulun ondo' minaya' Riso. Namabas Io ra ngaangai' ulun ondo' marualan,

MATIUS 12:28

Ambiluo ri Aki Kapuuno' nangani' Raki' ra kuasa' mampagiru' ra riwato, am gitio mampainono' ra i Aki Kapuuno' nakatalimpuun noyo mamarinta ra gino ngai' min.

MATIUS 9:19

Ongoi i Jisus nababaya' ra ama' ru lalaing i am maamaya'-maamaya' Nano.

MATIUS 9:35

Minongoi i Jisus ra ngaangai' pekan am pamagunan. Nangila' Io giu' ra baloi sambayangan am nampatanou ra Tanou Moonsoi ra i Aki Kapuuno' mamarinta. Namabas Io ra ulun-ulun intor ra nansalinut maruol nilono.

MARKUS 6:6

Mangimuag Io risilo ra ilo kalo mangintopot. Ongoi boo i Jisus ra kukula' pamagunan paginggaar am mangila' Io ra ulun.

LUKAS 3:22

am Ambiluo ri Aki Kapuuno' koson ra baal ru susuit asang timinuun Riso. Morongog boo bolos ri Aki Kapuuno' mambala', “Okou noyo Anak Kuno ondo' tagamin Kuno, maansayan Aku Rirun.”

LUKAS 4:18

“Ambiluo ru Tuhan soroi Raki', nanusub Io noyo Raki' mampabala' ra Tanou Moonsoi ra ulun musikin. Pinili' No Aku koson mambala' ra pampalabusan ra ulun rinakop am mamabas ra ulun noolou. Am niayuk mampalabus ra ulun kikinjangin.

LUKAS 9:42

Pakainggaar lalaing no ri Jisus, pinagiampas io ru riwato no am inan nano pana kumakang. Kaa' susubo' ri Jisus riwato no magiru' am babaso' no lalaing i. Pasagulio' boo lalaing i ra ama' nali.

LUKAS 9:56

Ugar ilo boo ongoi ra pamagunan ra bokon.

JUANIS 10:32

Kaa' indagu i Jisus risilo, “Masuang binaal Kuno ra moonsoi maya' ra nanusuban ri Ama'; ati kia rondo' binaal Kuli ra akau momobol boo Raki'?”

JUANIS 16:32

Paat no masuku', am sotopot no nasuku' noyo, ra akau pantutuliaron am muli' ra intok min sigagama'. Tatangon min Aku misasangulun. Kabalu' pana koson raginio, kalo misasangulun Aku sabap ra i Ama' mabaya' Raki'.

JUANIS 3:2

Sarandaman ragili ongoi io tuum ri Jisus am indagu, “Mangingila', makapandai akai ra Okou no sinusub ri Aki Kapuuno' mongoi pangila'. Sabap ra kolondo' sangulun pana makapambaal ra kaimuagan koson ra baalon Muno, amon ru kalo indanganon io ri Aki Kapuuno'.”

JUANIS 3:34

Io ondo' sinusub ri Aki Kapuuno' mampasaboi ra ragu Nano, sabap ra kalo palasin i Aki Kapuuno' mangani' Riso ra Ambiluo Nano.

JUANIS 6:27

Pai' kano paguyum ra akanon ondo' mataki' malaat. Kaa' paguyum kano ra akanon ondo' tumaan, ioginio mangani' ra kaayagan motopot am mantilayun. Anak ru Ulun noyo mangani' ramuyun ra akanon ragitio, sabap ra i Aki Kapuuno' noyo galama' nangiou Riso.”

RINALATAN 10:37

Nakapandai kau niayuk ra atan ondo' nasauk ra ngaangai' Judia, timinalimpuun intor ra Galilia, kokopongo ayuk i Juanis Mampariu' nampatanou pampariwan nali.

RINALATAN 2:22

“Pabukat kau ngaangai' ulun ru Israil, rongogo' min ragu kuti: I Jisus ulun ru Nasarit i sinusub ri Aki Kapuuno'. Ginio pinakito ramuyun ralalom kaimuagan am tatandu' ondo' binaal ri Aki Kapuuno' ralalom ru Inggalan Nano. Akau ngaangai' makatutun noyo raginio, sabap ra ginio nasauk noyo ra tatanga' min.

IBRANI 1:9

Maansayan Kou ra katapatan am masisang Kou ra kalaatan. Ginio sabap ra Aku, i Aki Kapuuno', Tuhan Muno, nampili' am nangurumat Rirun am nangani' Rirun ra kaansukan maayo intor ra rangan-rangan Muno.”

1 PITRUS 5:8

Tampos kano am pagilalai' min! Sabap ra Tingganai ru riwato, pantula' mino, mijajawot am mansangal' koson ra singa' maguyum ra osoi ayuk mapatoi nano.

1 JUANIS 2:20

Kaa' nakaapu kano ra Ambiluo ri Aki Kapuuno' ondo' pinataak ri Jisus Kristus. Ginio sabap ra akau nakaulig toojo ra pangilaan ri Aki Kapuuno' ondo' motopot.

1 JUANIS 3:8

Kaa' osoi ayuk marayus mambaal ra tula, io no anak ru Tingganai ru riwato. Sabap ra naintaran noyo ra talimpuun i, Tingganai ru riwato no makatula. Ginio ra Anak ri Aki Kapuuno' riminatong, mongoi pamuso ra kandoi ru Tingganai ru riwato no.