RINALATAN 10:32 - Tanou Moonsoi Timugon

³² Panusub ra ulun mongoi ra Jopi koson mampiau ra sangulun ungkuyon ondo' makainggalan ri Simon Pitrus. Minayan io ra sangulun ondo' makainggalan ri Simon niayuk; ondo' kandoi nano mambaal ra kuliamos intor ra kungkung maayag am baloi nano ra kiing ru raat.’

RINALATAN 10:32 ပူးပေါင်းရင်းမြစ်များ

2 TUNUNG RU BANSA' ISRAIL 2:16

Tagaron mai tataun sidar giu' ra kagunungan Libanon ra kinasuang ondo' kitaakon muno. Bongkoson mai tataun-tataun balak no masauk ra rakit, am abason ginio giu' ra raat saboi ra Jopi. Intor ra giu' no maibit mu ginilo ra Jirusalim.”

MIKA 4:2

am konilo, “Ibok no magaloi takau ra bulur ru Tuhan, mongoi ra Baloi ru Tuhan, i Aki Kapuuno' ru Israil. Mangila' Io ra kasagaan Nano ondo' musiti' baalon takau; maya' takau ra ralan ondo' pinili' Nano, sabap ra pangilaan ru Tuhan i minatong intor ra Jirusalim; intor ra Sion minindagu Io ra ngaangai' ulun Nano.”

JUANIS 18:28

Nokorondom ra iosusuab, ibito' nilo i Jisus intor ra baloi ri Kayapas mongoi ra istana ru gabenor. Kaa' tingganai ru Jaudi galama' kalo minumpos ra istana i, koson kalo majamol ilo sumugut ra kaulayan ru ugama nilai, sabap ra masaga' ilo gumulung ra akanon ru Pangiantakan ra Paska.

JUANIS 4:9

Kaa' taamo' Io ru ruandu' no, “Okou ulun ru Jaudi am aku ulun ru Samaria; kua pakitaak Kou raki' ra inumon?” (Ulun ru Jaudi kalo lumatok ra ulun ru Samaria.)

RINALATAN 10:31

Indagu io, ‘Konilius! Norongog noyo ri Aki Kapuuno' pakiasian muno am nangkara' io ra kataawan ru guang muno.

RINALATAN 10:33

Ginio sabap ra nampiau aku rirun ra mataki' am naringkuanang akai ra minatong kou ragiti. Raino tumimung akai ra saang ri Aki Kapuuno' koson mangkirongog ra atan ayuk panusuban nano koson pabalaan muno ramon.”

RINALATAN 10:5

Raino panusub ra kukula' ngaulun mongoi ra Jopi koson mampiau ra ulun ondo' makainggalan ri Simon Pitrus.

RINALATAN 11:14

Mampasaboi io ra tanou ondo' makapamayag ramuyun sambaloi.’

RINALATAN 11:3

“Minongoi kou po ra baloi ru ulun sala' ka Jaudi, ioginio ondo' kalo poyo sinunatan, am giminulung kou risilo niayuk nangakan!”

RINALATAN 15:7

Nabuoi ilo toojo nagindagu, bigor boo i Pitrus am indagu, “Pabukat kau ngaangai'! Akau galama' nakapandai ra aku inaru' ri Aki Kapuuno' intor ramuyun koson mampasaboi ra Tanou Moonsoi ra ulun sala' ka Jaudi, koson ilo ti niayuk makaining ragitio am mangintopot.

RINALATAN 16:9

Rondom ragili, nakakito i Paulus ra pagilangan; mokoondo' sangulun Makidonia minigor ra saang nali am mangkimait, kono, “Sandaup kano ra giti am indangano' akai!”

RINALATAN 9:43

Minayan i Pitrus ra kukula' ngoorou poyo ra Jopi, giu' ra baloi ri Simon, io ti sangulun mambaal ra kuliamos intor ra kungkung ru bibiag.

RINALATAN 9:6

Kaa' raino sukal am ongoi ra Damsyik no. Giu' no balain tokou atan ondo' musiti' baalon muno.”