RINALATAN 10:28 - Tanou Moonsoi Timugon

²⁸ Indagu i Pitrus risilo, “Akau galama' nakapandai ra maya' ra kaulayan ru ugama Jaudi, ulun ru Jaudi kalo makasubol ra baloi ru ulun sala' ka Jaudi kapoam kumubayau risilo. Kaa' i Aki Kapuuno' nampakito noyo raki' ra kalo noyo karaan ku ra ulun bokon malaat kapoam majamol.

RINALATAN 10:28 ပူးပေါင်းရင်းမြစ်များ

JISAYA 65:5

Kopongo raginio mindagu ilo, ‘Inggalur no ramon. Pai' kambong ramon sabap ra akai ti mapasau kaga' ramuyun!’ Masisang Aku ra ulun makapaliso koson raginio. Sangit Kuno risilo koson ra apui ondo' kalo igondo' kalasa'.

MARKUS 7:2

Nakakito ilo ra maamaya' ri Jisus nangakan ra kalindu' nilo kalo mapasau, ioginio kalo mambagu' galing ra kalindu' sumugut ra kaulayan ru ugama Jaudi.

LUKAS 18:11

Ulun ru Parisi no minigor am nakiasi' io, kono, ‘Aki Kapuuno', paringkuanangan ku Rirun, sabap ra kalo makalit aku kapoam magabau, kapoam lumapau, koson ra ulun bokon. Paringkuanangan ku sabap ra aku sala' ka koson ra mampalulur ra cukai no.

JUANIS 18:28

Nokorondom ra iosusuab, ibito' nilo i Jisus intor ra baloi ri Kayapas mongoi ra istana ru gabenor. Kaa' tingganai ru Jaudi galama' kalo minumpos ra istana i, koson kalo majamol ilo sumugut ra kaulayan ru ugama nilai, sabap ra masaga' ilo gumulung ra akanon ru Pangiantakan ra Paska.

JUANIS 4:27

Paat ragili maamaya' ri Jisus siminaguli'. Nangimuag ilo nakakito ri Jisus nakimansunur ra sangulun ruandu'. Kaa' kolondo' sangulun pana intor risilo nangkuot ra ruandu' i ra, “Atan kia kasaga' muno?” kapoam nangkuot ri Jisus ra, “Kua pakimansunur Kou riso?”

JUANIS 4:9

Kaa' taamo' Io ru ruandu' no, “Okou ulun ru Jaudi am aku ulun ru Samaria; kua pakitaak Kou raki' ra inumon?” (Ulun ru Jaudi kalo lumatok ra ulun ru Samaria.)

RINALATAN 10:29

Ginio sabap ra paat aku pinoongoi, minaya' aku ayuk. Raino, pambala' boo raki', atan guat napaangayan mutu raki' ragiti?”

RINALATAN 11:9

Indagu boo bolos intor ra rasawat, ‘Pai' pangkara' raginio malaat amon ru iniou noyo ri Aki Kapuuno'.’