RINALATAN 10:27 - Tanou Moonsoi Timugon

²⁷ Liliwa' i Pitrus nakimansunur ri Konilius, umpos io ra rondo' lamin am kakito no masuang ulun timinimung ra giu' i.

RINALATAN 10:27 ပူးပေါင်းရင်းမြစ်များ

LUKAS 24:14

Liliwa' nangkiralan, nansusunur ilo intor ra ngaangai' ondo' nasauk ri Jisus ra raitii' ni.

JUANIS 4:35

Kon ru ulun, ‘Apat poyo ngambulan am mangkumos noyo.’ Kaa' pulolowo' min noyo umo ra nangalia' no, sama' noyo kumoson.

RINALATAN 10:24

Pakasail songorou nakasuku' ilo ra Kaisaria. I Konilius ti naginaa noyo ra giu' i mabaya' ra ulun ondo' piniau no, io no pabukat-pabukat nano am niayuk rangan-rangan nano.

RINALATAN 14:27

Paat ra ilo nakasaboi ra Antiokia, timungo' nilo pasimpungan ulun Kristian am tunungo' nilo atan ondo' sinauk ri Aki Kapuuno' pinasumbaya' risilo. Tinunung nilo niayuk ra ati kulaan i Aki Kapuuno' nangukab ra ralan koson ulun ondo' sala' ka Jaudi pana mangintopot ri Jisus.

1 KORINTUS 16:9

Sabap ra masuang kaluagan moonsoi kuno mangandoi ra Tuhan ragiti, kabalu' pana masuang niayuk manggal raki'.

2 KORINTUS 2:12

Paat ra aku nakasaboi ra bandar Troas koson mampabala' ra Tanou Moonsoi ri Kristus i, ilain ku ra pinongo noyo kalalair ru Tuhan ralan kuno mangandoi ra giu' i.

KOLOSI 4:3

Karaa' min niayuk akai ralalom ru pakiasian min, maa' raginio i Aki Kapuuno' mangani' ramon ra kaluagan mampasaboi ra tanou ri Kristus ondo' kalo igondo' pinabala'. Sabap ra kinibit ru kandoi ragitio noyo ra aku pinasubol ra pangaputan ti.